Презентация по математика на тему "Ондық бөлшекті координаталық сәуледе кескіндеу"

Сабақ жоспары 5-сынып математикасынан " Ондық бөлшектерді координаталық сәуледе кескіндеу " тақырбына құрылған. 5-сыныптағы оқушылардың оқу үлгерімдері біркелкі жақсы. Сынып өте ұйымшыл, өзара қарым-қатынастары жақсы. Психологиялық тұрғыдан зейіндері, есте сақтау, ойлау қабілеттері жақсы. Сөйлеу мәнерлері де жақсы. Сабақ барысында оқушылардың көңіл-күйлері көтеріңкі болды. Сабаққа деген қызығушылқтары жоғары болды Сабақты жоспарлауда 2013 жылғы Негізгі орта білім беру деңгейінің "математика білім саласы пәндерінің" оқу бағдарламасы негізінде құралған. Математика аптасына б сағат, жылына 204 сағат оқытылады. Сабақта сын тұрғысынан ойлауға үйрету, диалогтік оқыту, дарынды оқушымен жұмыс, оқытудағы көшбасшылық, оқуды бағалау және оқыту үшін бағалау, ақпараттық-коммуникативтік технологиялар тәсілдері қолданылды. Сабақ құрылымы Блум таксономиясына негізделген. Көпір тапсырмаларында және білу деңгейінде оқушылардың сабаққа қызығушылықтарын ояту үшін топтарға ауызша сұрақтар қойылды. Дұрыс жауапқа бір балл. Түсіну деңгейінде әр оқушыға жеке-жеке ондық бөлшекті разрядтарға жіктеу берілді. Интербелсенді тақтадағы дұрыс жауаптармен оқушылар өзара жұппен бір-бірін тексерді. Нәтижелерін бағалау парағына тіркеп отырды. Ондық бөлшектердің түрлерін ажыратып, ерекшелігін айту үшін "Талдау" тапсырмасы берілді. Жинақтау деңгейінде ондық бөлшектің үтірін оңға-солға жылжытқандағы жаңа бөлшек жасау тапсрымасы берілді. Оқушылардың бағалай білу, өз пікірін жеткізе білу қабілеттерін дамыту үшін шығармашылық тапсырма ұсынылды. Оқушылар сабаққа белсенді қатысып отырды. Сабақ өз мақсатына жетті. Мен үшін сәтті шыққаны бағалау және АКТ-ны тиімді қолданғаным және оқушылардың сабақты түсініп, тапсрымаларды меңгеруі болды.