Կլիմա, դրա հիմնական տիպերը

Կլիման ձևավորող գործոններն են՝
աշխարհագրական լայնությունը,
տեղանքի բարձրությունը,
օվկիանոսների ազդեցությունը,
գերիշխող քամիները,
ծովային հոսանքները և այլն:

Կլիմայի հիմնական տիպերն են՝
ծովային
ցամաքային
մուսսոնային
միջերկրածովային

Ծովային կլիմա
Ձևավորվում է ծովերի և օվկիանոսների առափնյա շրջաններում: Բնորոշվում են ամբողջ տարին թափվող առատ տեղումներով և օդի ջերմաստիճանի փոքր տատանումներով:

Ցամաքային կլիմա
Առաջանում է ցամաքների վրա: Ձմեռը ցուրտ է, իսկ ամառը՝ տաք: Տեղումները քիչ են:

Մուսսոնային կլիմա
Ձևավորման գլխավոր պատճառը մուսսոնային քամիներն են, որոնք հիմնականում դիտվում են ծովափնյա շրջաններում: Բնորոշ են ցուրտ ու չոր ձմեռները և տաք ու խոնավ ամառները:

Միջերկրածովային
Կլիմայի այս տիպը բնորոշ է հենց Միջերկրական ծովի առափնյա շրջաններին: Ձմեռը մեղմ է ու խոնավ, իսկ ամառը՝ չոր ու շոգ:

Մայիսի 15-ին աշխարհը նշում է Կլիմայի միջազգային օրը։ Այս ոչ պաշտոնական բնապահպանական տոնը սահմանվել է՝ ի պատասխան օդերեւութաբանների կոչի՝ պաշտպանել կլիման որպես կարևոր ռեսուրս, որն ազդում է ներկա ու ապագա սերունդների վրա։