Հրաշք վրձինը թեստ

ԹԵՍՏ 2

1-ին մաս

            Կարդա´ տեքստը և պատասխանի´ր հարցերին:

            Նոր տարվա գիշերը Բակուրը շատ նվերներ էր ստացել, դրանց թվում` մատիտներ ու վրձին` նկարիչ հորեղբորից:

            Առավոտյան նա սկսեց մեկիկ-մեկիկ դասավորել նվերները, գրքերը, մատիտներն ու վրձինը, ավտոմեքենան ու ձիուկը, ինքնաթիռը, կոնֆետները... Երբ ամեն ինչ դասավորել էր, ձեռքն առավ տետրն ու վրձինը: Պատկերացրեց մի թմբլիկ ճնճղուկ ծառի ճյուղին և մտածեց. «Նկարեմ ճնճղուկին»: Ու սկսեց: Նկարեց թե չէ, ճնճղուկն իսկույն կենդանացավ` ծի՛վ-ծի՛վ, պտույտներ գործեց  սենյակում և բաց օդանցքից դուրս թռավ:

            Ա՛յ քեզ բան... Բակուրը սկսեց ուշադիր զննել վրձինը, ուրեմն կախարդակա՞ն է:

            Այս ամենը տեսնում էր զարդարված տոնածառի տակ կանգնած Ձմեռ պապը և քթի տակ ժպտում: Իհարկե, վրձինը հորեղբայրն էր նվիրել, իսկ Ձմեռ պապն էլ որոշել էր վրձնին կախարդական  հատկություն պարգևել` կենդանացնելու, իրականացնելու այն, ինչին նա կդիպչի:

            Բայց ինչպես ամեն ինչ, վրձնի կախարդանքն էլ իր սահմանն ուներ: Նա կախարդական էր միայն Նոր տարվա առաջին օրը: Երբ զարմացած Բակուրիկը շուռումուռ էր տալիս վրձինը, Ձմեռ պապը նրան ասաց այդ մասին:

            «Այդպե´ս,- մտածեց Բակուրը,- ուրեմն պետք է շտապել»:

            Նա արագ բակ դուրս եկավ: Պապիկի տնկած խաղողի տունկը դեռ աշնանը սկսել էր չորանալ: Բակուրը վրձինը մի քանի անգամ տարավ ու բերեց բնի վրայով:

            Իհարկե, քանի որ ձմեռ էր, տունկը չկանաչեց, բայց գարնանն անպայման կկանաչի:

            Մոտակայքում թափառում էր  չգիտես որտեղից հայտնված անտուն մի շնիկ:

            «Տերերը մոռացել են նրան»,- որոշեց Բակուրն ու ցանկապատի տակ` ձյան վրա, նրա համար փոքրիկ ու հարմար մի բույն նկարեց: Նկարեց թե չէ, բույնն իսկույն դարձավ իսկական:

            Հետո Բակուրը տուն վազեց: Ամանեղենի պահարանում փնտրեց գտավ ունկը կոտրված գեղեցիկ կարմիր գավաթը, որ ամռանից պահում էր, որպեսզի հատուկ սոսնձով կպցնի: Վրձինն իր գործն այստեղ էլ արեց: Բաժակը տեղնուտեղը կպավ ամրացավ, ասես պոկված չէր էլ եղել:

            Մութն ընկնում էր արդեն, օրն ավարտվելու վրա էր , վրձնի կախարդանքն էլ` հետը, և տղան շտապում էր: Նա ուզում էր, շա՛տ էր ուզում նավակ նկարել, ի´ր ուզածի պես, որպեսզի նավակը դառնար իրակա՜ն:

             Արդեն սկսել էր, երբ հիշեց հարևան բակում ապրող Խաչիկ պապին: Խաչիկ պապը կույր էր: Մթնում էր, երբ Բակուրը տնից դուրս եկավ:

- Այդ ո՞ւր,- հարցրեց մայրիկը:

- Հիմա կգամ,- գոչեց Բակուրն ու վազեց: Հետո կարող էր ուշ լինել: Նա շնչակտուր ներս ընկավ Խաչիկ պապենց տուն: Բակուրիկը մոտեցավ և վրձինը քսեց նրա աչքերին: Խաչիկ պապի աչքերը առողջացան. նա սկսեց տեսնե՜լ: Ի՜նչ ուրախություն էր:

1. Նշի´ր երկու բան, որ նվեր էր ստացել Բակուրը:   

Պատասխան` ________________, ____________________

2. Առավոտյան առաջինը ի՞նչ արեց Բակուրը:

1) Շնորհակալություն հայտնեց հորեղբորը նվերների համար:

2) Վերցրեց տետրն ու վրձինը ու նկարեց թմբլիկ ճնճղուկ:

3) Սկսեց մեկիկ-մեկիկ դասավորել նվերները:

4) Մոտեցավ տոնածառի տակ կանգնած Ձմեռ պապիկին:

3. Ուշադի´ր կարդա տեքստի երկրորդ պարբերությունը և պատասխանի´ր  տրված հարցերին:

ա. Ի՞նչ հերթականությամբ դասավորեց տղան նվերները:

1) Գրքերը, մատիտներն ու վրձինը, ավտոմեքենան ու ձիուկը, ինքնաթիռը, կոնֆետները:

2) Մատիտներն ու վրձինը, գրքերը, ինքնաթիռը, ավտոմեքենան ու ձիուկը կոնֆետները:

3) Ավտոմեքենան ու ձիուկը, գրքերը, մատիտներն ու վրձինը,  ինքնաթիռը, կոնֆետները:

4) Ինքնաթիռը, կոնֆետները, գրքերը, մատիտներն ու վրձինը, ավտոմեքենան ու ձիուկը:

բ. Ինչի՞ց հասկացավ Բակուրիկը, որ վրձինը կախարդական է:

Պատասխան`_____________________________________________________________

_________________________________________________________________________

4. Ինչո՞ւ էր Ձմեռ պապը քթի տակ ժպտում:

Պատասխան`_____________________________________________________________

_________________________________________________________________________

5.         ա) Տղան ո՞ր գործը կիսատ թողեց:

Պատասխան`_____________________________________________________________

_________________________________________________________________________

            բ) Ո՞ր հրաշքը տղային մեծ ուրախություն պատճառեց:

Պատասխան`_____________________________________________________________

________________________________________________________________________

2-րդ մաս

8. Կատարի´ր տրված առաջադրանքները:

Տրված բառակապակցությունների ընդգծված բառերում բաց թողնված տառի կամ տառակապակցության տեղում դատարկ վանդակ է:

Արտագրի´ր ընդգծված բառերը` դատարկ վանդակի փոխարեն լրացնելով բաց  թողած տառը կամ տառակապակցությունը:

փոքրիկ ձա• ուկ, զվար•  տրամադրություն, անծայրածիր  օվկ • նոս, հ•թալի  պտուղ

Պատասխան` ___________________________,_________________________________

             _______________________________, __________________________________

7.  Ո՞ր բառի իմաստն է` ձայնը գլուխը գցել:

1) շշնջալ

2) հարցնել

3) փսփսալ

4) գոռգոռալ

8. Տրված բառերից որի՞ դիմաց է սխալ նշված նրա տեսակը ըստ կազմության.

1) լուսամուտ − հոդակապով բառ

2) անպայման − նախածանցավոր բառ

3) ջրհոր − բարդ բառ

4) գործվածք − պարզ բառ

9. Տրված բառերից յուրաքանչյուրի դիմաց նշված է, թե այն ինչ խոսքի մաս է: Ո՞ր տարբերակում է սխալ նշված:

1) զվարճալի − ածական

2) մայրաքաղաք − հատուկ գոյական

3) քեռի − անձ ցույց տվող գոյական

4) եթե  − շաղկապ

10.  Դո´ւրս գրիր տրված նախադասության ստորոգյալը:

Մոտակայքում թափառում էր անտուն մի շնիկ:

Պատասխան`   ____________________________________________________________