Բաց դասի պլան 7

Բաց դասի պլան

Ամիս-ամսաթիվ՝   16-09-2019թ․
Դասարան՝  8-րդ բ            
Առարկա՝ գրականություն          
Թեմա՝ Գ․ Սունդուկյան <<Պեպո>> կատակերգություն     
Դասի տեսակը՝ ամփոփիչ          
Օգտագործվող նյութեր՝  համակարգիչ
Դասի նպատակները․   
1-Ստուգել և գնահատել աշակերտների գիտելիքները։       
2- Գնահատել և արժևորել Գ․ Սունդուկյանի դերը հայ թատերգության զարգացման բնագավառում։       
3- <<Պեպո>> կատակերգության դաստիարակչական նշանակությունը և արդիական արձագանքները։    
Դասի մեթոդը՝ վերլուծական-համադրական 
Դասի ընթացքը․   
Խթանման փուլ՝                
1- Գ․ Սունդուկյանի կենսագրության կարևոր դրվագները /ներկայացնում են աշակերտները/։      
2- Ստեղծագործությունները / թվարկում են կարևոր ստեղծագործությունները/։         
3- Ընդհանուր գաղափար թատերգության և նրա ժանրերի մասին /ողբերգություն, կատակերգություն, դրամա/։

Իմաստի ընկալման փուլ՝                     
1-<<Պեպո>> կատակերգությունը՝ որպես Սունդուկյանի ստեղծագործության գլուխգործոց․          
ա/ Ե՞րբ է գրվել կատակերգությունը։    
բ/ Ո՞վ է Պեպոյի նախատիպը, կատակերգության գրության շարժառիթը։          
գ/ Կատակերգության կառուցվածքը /համառոտ  բովանդակությունը/։   
դ/ Կատակերգության գործող անձիք։   
ե/ Կատակերգության հիմնական գաղափարը։          
զ/ Երկխոսությունները և մենախոսությունները կատակերգության մեջ /ներկայացնել Պեպոյի և Արութինի երկխոսությունը երկրորդ արարվածում/։           
է/ Ամփոփիչ  վերլուծական հարցեր։     
-Ինչի՞ համար էր պայքարում Պեպոն սկզբում։          
-Ի՞նչ հասկացավ Պեպոն։ 
-Ինչու՞ Արութինը հաշտության ձեռք մեկնեց Պեպոյին, և ինչու՞ Պեպոն մերժեց Արութինին։
-Ո՞վ հաղթեց այդ պայքարում։    
-Կատակերգության վերջում ո՞րն է Պեպոյի նպատակը։

Կշռադատման փուլ՝        
<<Պեպո>> կատակերգության դաստիարակչական նշանակությունը և մերօրյա արձագանքները։  
1-Հարցեր աշակերտներին․       
ա/ Մեր օրերում կա՞ն Պեպոյի նման անհատներ։      
բ/ Ինչպե՞ս պետք է տնօրինել ֆինանսական եկամուտները։          
գ/ Կա՞ն միջոցներ, որոնք օգնում են անհատին ճիշտ կառավարելու եկամուտները։   
դ/ Ինչպե՞ս կարելի է դիմագրավել ֆինանսական խարդավանքներին։   
ե/ Վաշխառուները տեղ ունե՞ն մեր հասարակարգում։        
զ/ Բանկային գործառույթները և անհատի գիտակցական մակարդակը հավասարակշռվա՞ծ են մեր օրերում։

<<Պեպո>> կատակերգության բեմադրությունները, էկրանավորումը և հանրային արձագանքները։           
1-Ե՞րբ և որտե՞ղ է առաջին անգամ բեմադրվել <<Պեպո>> կատակերգությունը։ Ո՞վ է եղել Պեպոյի առաջին դերակատարը։   
2-Ե՞րբ է իրականացել <<Պեպո>> կատակերգության էկրանավորումը։ Ո՞վ է բեմադրիչը, ինչպիսի՞ ֆիլմ է <<Պեպոն>>։
3-Ովքե՞ր են ֆիլմի երաժշտության և երգի խոսքի հեղինակները։
4-Ե՞րբ և ու՞մ կողմից է վերջին անգամ բեմադրվել <<Պեպո>> կատակերգությունը։     
5-Ի՞նչ է կտակել Սունդուկյանը մահվանից առաջ։ Ինչպե՞ս է իրագործվել մեր գրողի երազանքը։

1-Աշակերտների պատասխանների գնահատում։     
2-Տնային աշխատանքի հանձնարարում՝ գրել ինքնուրույն վերլուծություն․ <<Ի՞նչ սովորեցի ես Պեպոյից>>։