Алтын балык

Башкортостан Республикасы Туймазы муниципаль районы

Кандра урта гомум белем бирү мәктәбе филиалы-

“Кандракүл төп гомум белем бирү мәктәбе”

Алтын балык

номинация «Әкият»

Башкарды : 5 нче сыйныф укучысы Шакиров Радмир Финат улы

Җитәкчесе :

Татар теле һәм әдәбияты укытучысы:  Хәлитова Зарима Фараисовна

Кандракүл, 2025

Алтын балык

Катнашалар: алып баручы,карчык,алтын балык, кояш апа,карт.(Талгын гына музыка яңгырый “ Ямьле дә соң авыл иртәсе”)

Алып баручы: Кандракүл буенда карт белән карчык яшәгән, ди. Беркөнне алар икәүләп күлгә балыкка барган.

Карт: Ятьмәне салыйм әле,

          Балыкка барыйм әле.

         Вәт эләкте балыклар,

               Бик авыр ахыры зурлар!

Карчык: Тукта,тукта бу нихәл,

       Бабакаем, ятьмәдә

Балык юк бит,

Бу-  чүп-чар?!

Карт: Әбекәем, нишләргә,

           Бүген минем ятьмәгә,

       Чабаклар урынына,

         Пластик пакет эләгә.

Карчык: Ярар,бабай,кайгырма,

           Тагы ташла ятьмәне,

           Һич боегып утырма,

               Күлдә балык бетәрме?

Карт: Дөрес әйтмисең,әби,

        Бүген балык эләкми.

          Шулайда,салыйм әле,

        Бәхетне сыныйм әле.

Карчык: Менә нидер эләкте,

           Чуртан үзе түгелме?

                  Тик торалмый чәбәләнә,

             Бик җилкетә күңелне.

Карт: Бу нинди чуртан булсын,

         И сукыр да син, картлач.

  Чуртан күзе дигәнең,

        Банкадан калган капкач.

Карчык: И бабай,ярар кайтыйк,

           Эләкми безгә балык,

               Киткәннәр алар күптән,

            Туйганнардыр чүплектән.

Карт:  Юк,тукта,булмый әби,

     Тагы бер салыйм әле.

    Бу юлы да эләкмәсә,

     Кайтырбыз инде, яме.

Карчык: Эләкте алтын балык,

                     Җибәрмә карт йөздереп.

               Ялтырыйдыр кояшка,

                   Кеше күзен кыздырып.

Карт: Ялтыравык алтын канат.

        Тоталмам кабат-кабат.

       Теләкләремне үтәсәң,

         Кайтарсың күлгә кабат.

Алтын балык: Теләкләреңне үтәрмен,

                        Күлгә җибәрмә берүк.

                      Чиста сулы аквариум,

                     Хәстәрли генә күрик.

Карт: Бар минем бер теләгем,

         Бар җиһан аны белсен.

   Кешеләрнең күңеле,

     Иман нуры бөркесен.

        Саклагыз җир тегеклеген,

Табигатен саклагыз!

       Шундый матур күлләргә,

 Пычыраклар атмагыз!

Кояш апа: Ишетеп теләгеңне,

Сөенеп бетәлмәдем.

     Барча тереклекне җыеп,

Киңәшмә үткәрәмен.

     Саклагыз болын өстендә,

Язгы кояш тавышын!

        Чуер ташлы,көмеш чыңлы,

Кандракүл камышын!

Алып баручы: Шушы көннән алып балык,

           Күленә кайткан кабат.

              Намус белән матурлык,

           Йөриләр икән парлап.