Ана -өмір, ана-гүл!

«Ана – өмірдің гүлі»
Мақсаты: 
-мерекелік көңіл-күйін құру 
-анасына, әжесіне сыйластық тәрбиелеу, махаббат тарту 
-ән және қозғалыс орындаушылық дағдыларын қалыптастыру 
-балалардың назарын жалпы әрекетте қатысу тілегін қалыптастыруға эмоциялық қабылдауын ынталандыру 
-өзінің жақын адамдарын қуанта білуге, мейірімділікке тәрбиелеу. 
Кейіпкерлер: жүргізуші, көктем  аруы
Ертеңгілік өткізуге қажетті құрал-жабдықтар: гүлдер, құмыра,  
• Ойындар: 
1. Ананы тап. Ойын барысы: Аналарды ширманың артына тығып қолдарын алға создырдып балалары табу керек. 
2. Көңілді футбол. Ойын барысы: залдың ортасына бір үлкен допты қойып, бір баланың көзін байлап бірнеше қадам жасатып допты дәл тебу керек. 
Ертеңгіліктің барысы: 
Жүргізуші: 
1-ші бала: Біз ғана емес, қадір тұтқан бабалар Каусар
Аналардан туған небір даналар. 
Ана деген тіршіліктің тірегі, 
Армысыздар, қасиетті аналар! 

2-ші бала:  Нұрәли

Қош, келдіңіздер! Аяулы аналар, қызғалдақ қыздар, қадірлі ұстаздар! Көңілдеріңізге көктем шуағындай сезім мен нұр құйып, 8 – наурыз мерекесі құтты болсын! бүгінгі «Ана – гүл, ана – жыр, ана – өмір шуағы» - атты ертеңгілігіміз сіздерге арналады. 

3-ші бала:  Мөлдір                  

Алақай, Алақай! -Қуанды балақай.                                                                                                                    Алақай, қыс кетті, құс кепті.                                                                                                                                                     Қар кетті, қыр кепті.                                                                                                                                                            Нұр төккен бұл- көктем!

Ән: Көктем

Жүргізушілер: Каусар: –Көркем, сен осы анаң сені бір жерге жұмсаса барасын ба?

Мөлдір:     -Иә әрине мен анамның айтқанын тыңдаймын

                          Каусар: - Сен ше Бекарыс

Нұрәли: -Мен де анамның айтқанын тыңдаймын

Каусар: Өте жаксы ендеше біздің балаларымыздың аналарға арнаған тақпақтарын тыңдайық.

СанжарБүгінгі  көктем күнінде,                                                                                                       Барлық адам қуанар,                                                                                                                  Аналарды мейрамымен,                                                                                                            Құттықтайды  балалар.

Маржан
Әр сөзімді жаттаған, 
Жүрегімде сақтаған. 
Анашым деп мақтанам, 
Айналайын ақ анам! 

Мәди:Ақ қабақты анашым 
Күн сәулелі анашым. 
Әлпештеген баласын, 
Айналайын анашым. 

Перизат: 
Көктем келді шуақты, 
Балаларды қуантты. 
Алақай-ау, алақай! 
Құстар сайрап, бақтар жайнап, 
гүл атты! 

Іңкәр: Өмірдің қызығы                                                                                                                                          Өзіңсіз өтпейді                                                                                                                                                Мен үшін анама                                                                                                                                                               Ешкім де жетпейді

Талшын:   Құттықтаймын гүл беріп,                                                                                                        Өзімнің туған анамды                                                                                                                              Адамдар ұл, қыз болып,                                                                                                                                                              Аналардан жаралды.

Каусар: Ой менің кенеттен би билегім келіп тұр

Нұрәли:Ал мен билегенді жақсы көрмеймін

Мөлдір: Қойшы билесең бір серігіп қаласың

Қане бәріміз бір билеп алайық

Би: Полька ұлдар қыздар

Нұрәли: Сен дұрыс айтыпсың Көркем,билеген жақсы екен бір серігіп қалдым

Әділбек:   Сіздер — Күнсіз, аспанда жарқыраған,
Сіздер — өзен, тау суы сарқыраған,
Сіздер — ана, сіздер — жар, сіздер — қыздар,
Сіздер —  жаңбыр, ақ нөсер сарқыраған.

Жанерке                                                                                                                                                      Барша ана құтты болсын мерекеңіз,
Әрқашан ана сізбен берекеміз.
Ақтасақ ақ сүтіңді, асыл анам,
Сонда біз кісілікке теңесеміз

Асылхан:
Анамды  жақсы көремін, 
Айтқан тілін алып жүремін. 
Қасымда анам жүргенде, 
Шаттанып ойнап- күлемін! 

Айсәуле:Құшағыңа кіргенде,                                                                                                             Жылынамын бір демде.                                                                                                                                  Не жетеді көзіңе

Мейірімді күннен де

Айлин К:
Мен үшін не керек – бәрін іздеп табасың. 
Айналайын анашым, жұмысыңа барасың. 
Қайтып мені көргенде, 
Шын сағынып қаласың. 

Аружан: 
Қандай бала болмайық, 
Анамызға балдаймыз, 
Көтерейікші көңілін 
Ән салайық бәріміз. 

Айлин М:

Ана біздің күніміз,

Ананың біз гүліміз,

Ұландарды қуантып,

Ұзақ өмір сүріңіз.

Нұртас

Шалқып, тасып әніміз      

Жадырасын жанымыз                                                                                                                                     Ана сені құттықтап                                                                                                                                             Әндетеміз бәріміз

Томирис

Әркімнің де өмірден аласы бар,

Аласы бар адамның анасы бар.
Мерекесін құттықтап аналардың,
Ән жолдайтын апалардың баласы бар.

Ән «Айналайын, ақ мамам!» (отырады) 

Каусар: Мөлдір біздің ұлдарымыз қыздарға тосын сый дайындап келді ғой. Бізге қонақтарды шақырды. Балалар, оны шақырайық па? 
Балалар: Иә! 
Бәрі шапалақтайды. Залға көктем аруы келеді. 
Көктем аруы: Сәлеметсіңдер ме, достар! сәлеметсіздер ме, қымбатты ата-аналар! 
Жүргізуші:Нұрәли:Сәлеметсің бе, Көктем аруы! 
Көктем аруы: Мен сендерге күннің жылуын,гүлдердің жұпар исін,көктем айларының қуанышын алып келдім.
( балалардың қолынан ұстап амандасады). 
Көктем аруы:
Балалар, кім маған көктем айларын атап береді?

Балалар: Наурыз, Сәуір, Мамыр

Көктем аруы:
Өте дұрыс айтасыңдар.

-Ал көтемде ең алғаш қандай гүл өсіп шығады?

Балалар: Бәйшешек

Көктем аруы:
Балалар мен негізгі қызғалдақты іздеп жүр едім ол өз анасымен ренжісіп қалыпты анасының тілін алмаған соң анасы Қызғалдаққа ұрысыпты ал ол болса анасына ренжіп үйінен қашып кетіпті.

-Сендер көрдіңдер ме?

-Жоқ

-Мына гүлдердің ішіне тығылып қалған шығар  Ааа міне ол мында тығылып қалыпты

Жүргізуші: Каусар
Ой ,балалар, балалар 
Ойналық та күлейік 
Қане енді бұралып 
Би билеп те берейік 

Би:Көбелектер мен гүлдер

Қызғалдақ Перизат: Балалар мен өз анамды режітіп оның айтқандарын тыңдамай, маған ұрысқаны үшін үйден қашып кетіп едім, енді сол ісіме өкініп тұрмын, енді мен не істеймін білмеймін?

Балалар - Кешірім сұра.

Қызғалдақ: -Қалай?

Нұрәли: Ой былай дейсің, Анашым сені ренжіткенің үшін мені кешірші,енді сенің айтқаныңда тыңдап, сені ешқашан ренжітпеймін дейсің.

Қызғалдақ: Қуанып кетіп саған көп рахмет Жігер мен қазір жүгіріп барып анамнан кешірім сұраймын-деп жүгіріп кетеді.
Көктем аруы:
Балалар енді мен сендермен ойын ойнағым келіп тұр. 
Ойын «Ананы тап » эстафетасы 
Ойынның шарты: Аналарды ширманың артына тығып қолдарын алға создырдып балалары табу керек. 
Көктем аруы: Ақбаян
Бүгін мен сендермен уақытты өте қызықты өткіздім рахмет сендерге мен  кетейін сау болыңдар балалар! деп қоштасып кетеді

Ильяс:Жүреді олар арман боп,

Тұрады олар маржан боп,

Балалары бақытты,

Аналарда арман жоқ.

Ғибрат:Жамандықтан сақтандырып,

Жақсы ісімді мақтан қылып

Мәпелеген ақ мамамды

Жүрсем деймін шаттандырып

Нұртас

Бүгінгі көктем күнінде

Барлық адам қуанар

Аналарды мейрамымен

Құттықтайды балалар

Гүлназ:

Келді көктем күнің,

Күлімдейді гүлің

Алтын ойлы анам

Мерекеңіз бүгін!

Әлімжан:

Ана деген ақылшың                                                                                                                   Ана барда батырсың                                                                                                                    Қасында кім болсада

Тек анаңа жақынсың.

Ойын: Көңілді футбол

Ойын шарты:Ойын барысы: залдың ортасына бір үлкен допты қойып, бір баланың көзін байлап бірнеше қадам жасатып допты дәл тебу керек. 

Жүргізуші:

Мөлдір–  Нұрәли сенің әжең  бар ма?

Нұрәли: Әрине бар  «Қариясы бар үйдің, қазынасы бар» - деп халық бекер айтпаған екен ендеше балаларымыздың әжелерге арнаған тақпақтарын айтып берсін

.
Нұрай С:

Әжемді мейрамымен құттықтаймын

Айтатын ән,беретін гүлім дайын

«Әжетай сені жақсы көремін» деп

Ақырын құлағыңа сыбырлаймын

Әділбек:

Әжем менің әлі де,

Ұқсамайды кәріге.

Шай қайнатып береді

Қажет болса бәріне.

Нұрай Ш:

Шай қайнатып берейін

Шекер салып жан әжем

Өзім құйып берейін

Балдай тәтті бал әжем.

Маржан

Өзің мені өсірген                                                                                                                         Айналайын, ақ әжем                                                                                                                                  Тентек болсам кешірген                                                                                                                    Шөлдедің бе, дана әжем

Ән: «Сенің анаң алтын!» хормен

Жүргізуші: Каусар  Нұрәли  Мөлдір

Ертеңгілік осымен аяқталды.                                                                                                                      Қызықтыра алдық па?қонақтарды,                                                                                             Ереңгілік ұнасас уа халайық!                                                                                                       Алақанмен аямай қол соғайық.

Осымен біздің мерекеміз аяқталды. Қымбатты да аяулы аналар! Мерекелеріңіз құтты болсын!  Дендеріңіз сау, көңілдеріңіз шат болсын, әрқашан аман болайық!! Сауболыңыздар!