Боронук интернатын историята.

                                            Боронук интернатын историята.

           Боронук төрөппүттэрин, нэһилиэк бары дьонун туруорсуутунан 1966 сыллаахха 4 кылаастаах оскуола арыллыбыта. Онтон ол нөңүө сылыгар 1967 сыл күһүн оскуола иһинэн интернат арылллыбыта. Интернат дьиэтин өрүс үрдүгэр турар уруккута «кус дьиэтэ» диэн дьиэни анаабыттара. Сэбиэдиссэйинэн Лебедева Луиза Ивановна, иитээччинэн Попова Лия Николаевна үлэлээбиттэрэ. Оччолорго о5олор Мачах учаастагыттан кэлэн үөрэнэллэрэ. Бастакы сылларга 10-тан эрэ тахса о5о олороро.

          1970 сылтан 1974 сылга диэри оскуола ахсыс кылааска дылы улаатан интернат о5ото эмиэ элбээбитэ. Оно нити «кус дьиэтин» иккитэ сал5аан 50 о5о олорор миэстэлээх интернат буолбута. Манна Мачахтан маңнайгы кылаастан, Остуолбаттан төрдүс кылаастан кэлэн  үөрэнэллэрэ. Уона бөһүөлэктэн тулаайах, элбэх о5олоох ыал о5олоро олороллоро. Интернат икки дьиэ5э этэ. Аһыыр сирдэрэ, олорор сирдэрэ тус-туспа. Бу кэмнэргэ сэбиэдиссэйинэн Макаров Иван Алексеевич үлэлээбитэ. Иитээччилэринэн Никитина Феодосия Алексеевна, Горохова Екатерина Семеновна, Горохова Христина Иннокентьевна, Сотрудникова Люция Софроновна, Аммосова Муза Лазаревна, поварынан Горохова Евдокия Герасимовна, Кангаласова Прасковья Григорьевна үлэлээбиттэрэ. Оччолорго саңа тэрээһин буолан үлэлэригэр ыарахаттар элбэхтэрэ.

            1973 сылтан 1976 сылга диэри сэбиэдиссэйинэн «Норуот үөрэ5ириитин туйгуна» Степанида Захаровна Афанасьева үлэлээбитэ. Ити сылларга иитээччилэринэн Лаврова Светлана Афанасьевна, Романова Зоя Васильевна, Слепцова Анастасия Игнатьевна үлэлии сылдьыбыттара. 1978 сылтан Остуолба о5олоро Верхоянскайга үөрэнэр буоланнар интернакка Мачах эрэ о5олоро олороллоро. 1982 сыллаахха оскуола саңа икки этээстээх дьиэ5э киирэн, интернат эмиэ ол дьиэ аллараа этээһигэр көспүтэ. Саңа сырдык, киэң дьиэ5э көһөн, үлэлииргэ да, олорорго да үчүгэй буолбута. 1992 сылга диэри интернакка Мачах, Боронук о5олоро олороллоро. Бу кэмнэргэ сэбиэдисэйдэринэн, иитээччилэринэн Прокопьева Валентина Афанасьевна, Горохова Анастасия Игнатьевна, Горохова Татьяна Гаврильевна үлэлээбиттэрэ. Повардарынан Мария Егоровна Горохова, Светлана Константиновна Неустроева, Светлана Николаевна Горохова, ньээңкэлэринэн өр сылларга тыыл, үлэ бэтэрээнэ Екатерина Михайловна Горохова,  үлэ бэтэрээнэ Мария Петровна Горохова.

1992 сыллаахха Мачахха түөрт кылаастаах оскуола арыллан, интернакка бэһис кылаастан ахсыс кылааска диэри олороллоро.

1994 сылтан Боронук оскуолата 11кылаастаах буолбута. Онон интернатка эбии Остуолбаттан онус, уон биирис кылаас о5олоро кэлбиттэрэ. Ити сылларга 26-32 о5о олорор этэ. Бастакы выпусниктартан а5ыс о5ото интернат иитиллээччилэрэ этилэр: Остуолбаттан  Горохова Анастасия Лазаревна, Горохова Екатерина Николаевна, Гуляева Августина Афанасьевна,  Мачахтан Слепцов Иннокентий Афанасьевич, Слепцов Юрий Николаевич, Боронуктан  Григорий уонна Иннокентий Старостиннар, Дулгалахтан Слепцова Вероника Иннокентьевна бүтэрбиттэрэ.

1993 сылтан 2011 сылга диэри иитээччилэринэн Горохова Светлана Николаевна, Потапова Лилиана Михайловна, Горохова Милияна Михайловна, Другин Прокопий Прокопьевич, ньээңкэлэринэн  Другина Мария Иннокентьевна, Данилова Анастасия Васильевна, Данилова Нюргуяна Николаевна, Старостина Евдокия Кимовна, Горохова Светлана Ильична, повардарынан Игнатьева Татьяна Ильична, Заборовская Саргыяна Петровна, Тимофеева Наталия Владимировна, Другина Ольга Максимовна үлэлээбиттэрэ.

1967-2011 сыллар усталарыгар интернакка хас да сүүс о5о иитиллэн та5ыста. Интернакка олорбут о5олор интернаттарын наһаа күндүтүк, сылаастык ахталлар, махтаналлар.

Ахтыыны суруйда: Горохова Светлана Николаевна.