Глобалдык экологиялык проблемалар

Тема:
Глобалдык экологиялык проблемалар

Максаты:

Глобалдык экологиялык проблемалар жөнүндө маалымат алуу менен билимдерди изилдөөгө, жалпылоого жана системалаштырууга салым кошо аласыӊар.

Ааламдык ой жүгүртүү менен дүйнө таанымынарды калыптандырууга акыл эмгегинин маданиятына, өз алдынча баалоо жөндөмүӊөрдү калыптандырасыӊар.

Аткарылган тапшырманы жоопкерчиликтүү аткарууга, инсандык активдүүлүгүнөрдү арттырасыӊар.

Глобалдык экологиялык проблемалар

Глобалдык маселелер – бүткүл адамзат жашоосун жана өнүгүүсүн түйшөлтүп козгогон, эн курч турмуштук маанилуу, дүйнөлүк жана жалпы адамзаттык маселелердин жыйындысы.
Аларды чечүү элдердин жана мамлекеттердин биргелешкен аракеттерин талап кылат.
Глбалдык проблемалардын комплекстүүлүгү, системалуулугу жана жалпылык мүнөзү алардын айырмалануучу өзгөчөлүгү болуп саналат.
Биринчи даражадагы глобалдык маселелердин катарына согуш жана тынчтык проблемалары кирет. Булардын ичинде чечилиши жалпыга бирдей зарыл маселелер бар: эл аралык коопсуздук, бүткүл дүйнөлүк термоядролук согуш коркунучу, куралсыздандыруу (массалык кыргын салуучу куралдарды жок кылуу), эл аралык мамилелерди демилитарлаштыруу, элдердин ортосундагы ишенимдерди бекемдөө д. у. с.
Улуттун, ири зоналык аймактын чегинен чыгып, көп учурда дүйнөлүк масштабга өтүп кеткен: баңгилик, экстремизм, террорчулук сыяктуу проблемалар планеталык аренада зор коркунучтарды жаратууда.

Табиятты глобалдуу өздөштүрүүдөн келип чыккан адамзат коому үчүн өтө кооптуу проблемалар; энергетиканын жана азык-түлүктүн жаңы булактарын табуу үчүн күрөштүн, чийки заттардын жаңы түрлөрүн массалык масштабда иштеп чыгуунун жана колдонуунун кеңири кулач жайышы менен дүйнөлүк экологиялык баланска алардын терс таасиринин өсүшү; океандар менен жакынкы космос мейкиндиктерин өздөштүрүүдөгү глобалдык кыйынчылыктар ж. б.;

Глобалдык көйгөйлөр өз ара, регионалдык жана улуттук-мамлекеттик көйгөйлөр менен тыгыз байланышкан. Алардын негизинде – бүгүнкү күндөгү цивилизациянын жашоосунун негиздерин козгогон глобалдык масштабдагы карама-каршылыктар жатат.
Жалпысынан бул социалдык, жаратылыш менен адамдын ортосундагы, анын ичиндеги карама-каршылыктар.
Алардын кайсы бир тизмегинде курчушу глобалдык көйгөйлөрдүн бардык түтүмүндө деструктивдүү процесстерге алып барып жаңы оңой менен чечилбөөчү көйгөйлөрдү пайда кылат. 

Дүйнөлүк коомчулукта глобалдык көйгөйлөрдү чечүүнүн көптөгөн программаларын жана пландарын каржылоо үчүн каражаттардын, ошондой эле бул максатта пайдалануучу калыптанган механизмдин жоктугунан улам абал оорлоодо.
Бул үчүн БУУ, башка эл аралык уюмдардын, демократтык кыймылдардын ишмердүүлүгүн активдештирүү.
Дүйнөлүк согуштук чыгашаларды, конверсияларды кыскартуунун эсебинен ресурстарды көбөйтүп. Бардык мамлекеттердин тыгыз кызматташтыгын калыптандыруу. Жалпы адамзаттык кызыкчылыктар жана баалуулуктардын артыкчылыгын камсыз кылуу зарыл. Коомдук прогресс, глобалдык көйгөйлөрдү чечүүнүн негизинде адамзаттын жашоо стратегиясы элдерди цивилизациялык өнүгүүнүн жаңы чектерине алып баруусу мүмкүн.

Үйгө тапшырма:

Долбоордук иш: « Адамзаттык ааламдык маселелери»

2. Мүмкүнчүлүгүӊөргө жараша 2 барактан турган дил баян жазгыла.

3. Аткарган тапшырмаларыӊарды ватсапп аркылуу кайтарым байланыш кылгыла!

Көӊүл бурганыӊарга чоӊ рахмат!!!