Поделиться
Кемерова вакыйгасына.doc
Кемерова вакыйгасына багышлап язылган шигырь
Җилләр кагадыр
Күпме кеше, күпме сабый ул көн
Җан ачысы белән елаган.
Гомерләре беткәнгәме икән?
Язмышына таба юл алган.
Күпме нәни йөрәк, җан ачысы белән,
Коткаруны безнең көткәндер....
Кайсы явыз, кызганмыйча аны?!
Ишекләрен биктә тоткандыр.
Гаиләләргә килгән хәсрәтне,
Сезнең белән халкың күтәрә.
Төтен булып күккә очкан җаннар...
Бәгерьләрне телеп үтә лә.
Мәйданнарга чыгып, халкым бүген
Йомшак уенчыклар ташыды.
Нәни куллар, кагыла алмый аңа...
Өсләрендә кабер ташыдыр.
Бу хәсрәтләр кабат яңарттылар,
Саркып торган йөрәк ярасын.
Әй, аналар! Сиздегезме икән?
Кайгы җиле капкаң кагасын.
Күпме аналарның күзләреннән,
Канлы яшьләр бүген агадыр.
Кабер өстендәге чардуганны,
Хәзер инде җилләр кагадыр.
Авторы: Сания Сәләхова, Биектау.
Март, 2018
Материалы на данной страницы взяты из открытых источников либо размещены пользователем в соответствии с договором-офертой сайта. Вы можете сообщить о нарушении.
