Конспект урока по Родному (крымскотатарскому) языку на тему "Замир" (7 класс, Родной (крымскотатарский) язык

План конспект  урока по Родному (крымскотатарскому) языку  в 7 классе Учитель: Меметов С.М.  Дата: 01.10.2018г. Дерс мевзусы: Замир Дерснинъ макъсады: 1.Талебелернинъ исим, сыфат, сайы акъкъында бильгилерини тешкермек, текрарламакъ. 2. Замир мевзусынен багълы янъы малюмат бермек ве пекитмек. 2.Талебелернинъ агъзавий ве язма нутукъларыны зенгинлештирмек, инкишаф этмек. 3.Талебелерни халкъ агъыз яратыджылыгъыны севмеге огретмек Универсаль окъув арекетлери(УУД): Регулятив: Дёнеме ишлер беджерилюви. Фикирлерни козетюв эсасында сёйлеви. Дерснинъ мевзу  ве меселесини ифаде этмек.  Коммуникатив: Къыйын вазиетлерни мустакъиль чезюв. Озюни ве бир­бирини тешкерюв Бильги алув: Талиль этюв, тенъиштирюв, умумийлештирюв, нетидже чыкъармакъ арекет вастасы  иле чалышув                                                                                                                                                     Дерс теминаты: дерслик, даркъатма материал, джедвель. Дерс кетишаты: Эв вазифесини тешкерюв: 1.Фронталь суаль­джевап.  Ашагъыдаки суаллерге эсасланып, талебелернинъ исим, сыфат, сайы акъкъында бильгилери  текрарлана. ­Сайы ве сыфат  насыл маналарыны ифаделей? ­Манасына коре сайылар ве сыфатлар насыл чишитлерде олалар? ­Сыфатлар насыл дереджелерде ве шекиллерде къулланыллалар?  ­Тизимине коре сайылар ве сыфатлар  насыл шекиллерде олалар? ­Сайылар  ве сыфатлар джумледе насыл синтактик вазифелерни беджерелер? ­Сайы насыл маналарны ифаделей? 2.Талебелерге карточка вастасынен вазифе бериле. Джумлени окъунъыз. Сайы ве сыфатларны  сечип,морфологик талиль этинъиз. А.Багъчасарай гимназиясына окъумагъа кире ве оны 1920 сенеси мувафакъиетнен битире.  Асаннынъ илеринде музыка мутехассысы оладжагъы та балалыкъ чагъында белли эди. Б. Бабам саз я да сантыр чалгъан киби олса, 2­3 яшындаки бала, юкъусыдан уянып, козьлерини  бабамнынъ пармакъларындан алмайып, макъамлары эр вакъыт музыканен багълы ола эди. 3.Тестлер боюнджа джевапланув. 4.Сыфат ве сайы акъкъында къаиделерини текрарлап, 16­иштеки вазифени тешкерюв.  Янъы мевзу анълатув: 1) Талебелерге , джумлелер авале этилип, бир сыра вазифелер берилле:  Ашагъыдаки берильген джумлелерни окъунъыз. Сол тарафтаки джумлелерде олгъан «Энвер»,  «Яхшы», «алтынджы» сёзлерни ерине насыл сёзлер къулланылгъан? Энвер китап окъуй. Энвер яхшы китап окъуй. О, китап окъуй. Энвер бойле китап окъуй Энвер алтынджы сыныфта яхшы окъуй. Энвер бу сыныфта шойле окъуй. Эвристик субет усулындан файдаланып, талебелер оджанынъ ярдымынен ашагъыдаки меселелер  боюнджа къаидени менимсейлер. Насыл сёзлерге замир дейлер? Замирлер насыл сёз чешитлери ерине къулланылалар? 2)Оджанынъ беяны усулындан файдаланып, замир мевзусынен багълы янъы къаиде изаатлана. Исим ерине къулланылгъан замирлер ненен тюрленелер, джумледе насыл вазифени беджерелер.  Сыфат ерине къулланылгъан замирлер джумледе насыл вазифени беджерелер. Сайы еринде  инълештильген замирлер нении ифаделемек ичюн къулланылалар, джумледе насыл джумле азасы  олалар. Янъы мевзуны пекитюв: 1.) Эки талебеге вазифе берилле: Ашагъыдаки вазиетке эсасланып, субе (диалог) тизинъиз: «Себзе тюкянында». Бир талебе­себзе сатыджы. Экинджиси­себзе алмагъа кельген талебе. 2) 26­ишини беджерюв (агъзавий шекильде). Метинни окъунъыз. Къайд олунгъан замирлерни талиль этинъиз6 а) насыл сёз чешити ерине  къулланылгъан? Б) насыл джумле азасы вазифени беджере? 3) 27­ишини беджерюв (тахтада узеринде). Метинни кочюрип, замирлдерни къайд этинъиз 4).Тербиевий иш. Черкез Алининъ эсеринден алынгъан метин узеринде масаллар акъкъында субет кечирилип, ХАЯ сеги ашлана. 5) 28­ишини беджерюв мустакъиль шекильде. Метинни кочюрип замирлерни къайд этинъиз. Дерсни умумийлештирюв ве нетиджелев. ­насыл сёзлреге замир дейлер? Замирлер насыл сёз чешитлери ерине къулланылалар? ­исим ерине къулланылгъан замирлер ненен джумледе тюрленелер? Джумледе насыл вазифени  беджерелер? ­Сыфат ерине къулланылгъан замирлер джумледе насыл вазифени беджерелер? ­Сайы еринде ишлетильген замирлер нении ифаделемек ичюн къулланылалар, джумледе насыл  джумле азасы олалар? Эв вазифеси: Замир  акъкъында къаиделерни эзберлемек. 29­ иштеки вазифени беджермек.