Тәрбие сағатының тақырыбы:
Менің Отаным - Қазақстан
Мақсаты:
Жас ұрпақты Отанын сүюге, еліміздің рәміздерін
қастерлеуге, бай - қуатты ел екендігін мақтан етуге
үйретіп, туған еліне, жеріне деген сүйіспеншілігін арттырып,
махаббат сезімін ояту;
Отанын, туған жерін қорғай білуге, халқымыздың
талантты ақындарының өлеңдері мен ата -
бабаларымыздың өнеге етіп қалдырған даналық
сөздері арқылы оқушыларды ұлтжандылыққа,
ата мекенін көздің қарашығындай сақтай білуге,
патриоттық сезімге тәрбиелеу;
Ойларын жүйелі түрде жеткізе білу, шығармашылықпен
жұмыс жасап, мәнерлеп өлең оқып, мағынасын
түсіне білу дағдыларын дамыту.
Көрнекілігі: Қазақстан Республикасының картасы,
рәміздер, авторларының суреттері, қанатты сөздер,
гүлдер.
Әдісі: сұрақ - жауап, әңгімелеу, түсіндірмелі,
көрнекілік
Формасы: тәрбие сағаты
Тәрбие үрдісі: Азаматтық, патриоттық және
полимәдениеттік тәрбие беру.
Барысы: І Ұйымдастыру кезеңі
Оқушыларды дөңгеленте тұрғызып,
қонақтарды қарсы алып, тәрбие сағатының
тақырыбымен таныстырамын.
Біз бүгін «Менің Отаным - Қазақстан» тақырыбында
тәрбие сағатын өткелі отырмыз.
- Балалар, біздің Отанымыз қалай аталады екен?
- Қазақстан
- Қазақстан жері қандай?
- Қазақстан жері үлкен, әдемі, әрі бай.
- Дұрыс айтасыңдар, балалар, Қазақстан жері батыстан
шығысқа қарай 300 000 шақырымға,
солтүстіктен оңтүстікке қарай 1700
шақырымға созылып жатыр.
- Біздің еліміз - жерінің кеңдігімен қатар,
табиғи байлығы да мол мемлекет. Өріс толы малы, тайдай
тулаған балығы, теңіздей толқыған егіні, дала
толы аң - құсы, таусылмас кен байлығы да жеткілікті,
мол.
- Осы айтылған ойларымыздың дұрыстығына көз
жеткізу үшін қазір мынадай өлең шумақтарын
тыңдап көрсек.
Дамир:
Отан - жерім, Отан - суым,
Отан - қуат, нәр береді.
Отан - ұран, Отан - туым,
Отан мәңгі гүлденеді.
Ердос:
Сүйемін мен Отанымды,
Гүл жайнаған жерімді.
Сүйемін мен ата - анамды,
Мені өсірген елімді.
Ұлағат:
Отан деген - Атамекен,
Отан деген - туған жер.
Отан - ана, Отан - пана,
Қазақстан - туған ел.
Айдын:
Отанды біз Атамекен,
Деп аялап айтамыз.
Өйткені оны мекен еткен
Бабамыз бен атамыз.
Сұлтан
Бейбарыс:
Отанды жас - кәріміз де,
Туған жер деп сүйеміз.
Өйткені онда бәріміз де,
Туып, өмір сүреміз.
Алихан:
Отан - менің өзегім,
Қиының болса төземін.
Алдағы бақыт шақтарды,
Жүрегіммен сеземін.
Тасқын:
Отаным - менің өзегім,
Қырыңды шарлап, кеземін.
Білу керек әр ұрпақ,
Бес саусақтай өз елін.
Дархан:
Отаным - мәңгі қорғаным,
Қалаймын бақыт қонғанын.
Сүйемін және сондықтан,
Өзенін, көлін, орманын.
Олжас:
Бақытты боп жүргенім,
Сенің арқаң, Ұлы Отан.
Елім менің тірегім,
Құшағыңда гүл атам.
Ахан:
Ата, Әжем, Әкем, анам -
Төртеуі де «Отан!» маған
Төртеуі де «Ботам» дейді
«Ер азамат атан!» дейді
Мақтанамын Отаныммен,
Отаныма «Ботамын»мен
Фараби:
Сарқылмайтын қуатым,
Тірегімсің сен, Отан!
Мәңгі соғып тұратын,
Жүрегімсің, сен Отан!
Нұржан:
Біз жас ұлан - Отан ана өркені
Үміт артқан болашағы, ертеңі.
Туған елдің даңқын көкке өрлетіп,
Гүлге бөлеп жасартамыз өлкені.
Алан:
Отан дейміз от жаққан жерімізді,
Отан дейміз өсірген елімізді
Отан дейміз туған жер, атамекен
Биік тау, орман, тоғай көлімізді
Нұрасыл:
Отан дейміз кең - байтақ астананы,
Жасыл жайлау, жаңа жол, жас қаланы.
Отанның шеті де жоқ, шегі де жоқ
Ол бірақ өз үйіңнен басталады.
Нұрмұхаммед:
Қазақстан - көк байрақты ел едің,
Сен дегенде лүпілдейді жүрегім.
Өзің менің мақтанышым, тірегім,
Өзің менің қуанышым, бақытым
Азамат:
Қыран құсым көк аспанда самғасын,
Желбіресін көк байрағың сан ғасыр!
Жас ұландар, берік ұста туыңды,
Жарқыратып туған елдің таңбасын.
Қазақ биі. Орындайтындар: Сыныбымыздың бір топ қыздары.
Туған жерін сүймейтін адам жоқ. Олай болса, туған жер
туралы қандай мақал - мәтелдер біледі екенбіз?
Туған жер - тұғырың
Туған ел - қыдырың.
Туған жердің күні де ыстық, түні де ыстық.
Туған жер – алтын бесік.
Туған жердің топырағы да ыстық.
Өзге елде сұлтан болғанша, өз еліңде ұлтан
бол!
Отан – оттан да ыстық.
Отан дегеніміз - адамның туып өскен жері, туған -
туысқандарымен, жақындарымен бірге тұратын ата мекені.
Қазақ елінде тұратын адамдардың Отаны -
Қазақстан Республикасы.
Қазақстан - Туымен тұғырлы,
Елтаңбасымен еңселі,
Әнұранымен айбатты.
Мұғалім:- Балалар, 1992 жылы 4 маусымда жаңа мемлекеттік
рәміздер - Елтаңба, Ту бекітілді. Міне, бүгінгі таңда
Қазақстан өз алдына Тәуелсіз мемлекет. Біздің
өзіміздің Туымыз, Елтаңбамыз, Гимніміз бар.
Егеменді Қазақстанбыз.
Қорытынды:
Қазақстан - сен заңғар биіксің,
кеңсің. Біздің жанымыз өзіңе деген
мақтанышқа бөленген. Біз сенің атыңды жер бетіне
жар салар перзентіңбіз, тәуелсіздікті мықтап
қолға ұстайтын балаңбыз!
Біз - тәуелсіз қазақ елінің ең жас
жеткіншектеріміз. Сондықтан өз жерімізді, өз елімізді,
әкелеріміз бен аталарымыз сияқты қадірлеуге, сүюге,
қорғауға тиісті екенімізді естен шығармайық дегім
келеді.
Ұстаздар, оқушылар сіздерге көп - көп рахмет. Сау
болыңыздар!
© ООО «Знанио»
С вами с 2009 года.