Ona tili darslarini interfaol usullar asosida tashkillash.

Ona tili darslarini interfaol usullar asosida tashkillash.

Annatatsiya: Ushbu maqolada ona tili darslarini tashkil qilishda interfaol usullarning qo’llanilishi, interfaol metod turlari haqida fikr-mulohaza yuritiladi.

Kalit so’zlar: interfaol, Fikrlarning tarmoqlanishi, BBB, FSMU, VENN diagrammasi, Charxpalak, Tushunchalar tahlili, Raqmlar so’zlaganda, Baliq skleti, Yelpig’ich, Bumerang, Zakovat, Ha yoki yo’q, Zinama-zina, Sinkveyn, SWOT metodlari.

Аннотация: В статье рассматривается использование интерактивных методов при организации уроков родного языка, виды интерактивных методов.

Ключевые слова: интерактив, ветвление мыслей, BBB, FSMU, диаграмма VENN, колесо, анализ концепций, разговор о числах, скелет рыбы, веер, бумеранг, интеллект, да или нет, лестница, водосток, SWOT-методы.

Annotation: This article discusses the use of interactive methods in the organization of mother tongue lessons, the types of interactive methods.

Keywords: interactive, Branching of Thoughts, BBB, FSMU, VENN Diagram, Wheel, Concept Analysis, Speaking of Numbers, Fish Skeleton, Fan, Boomerang, Intelligence, Yes or No, Stairs, Sinkway, SWOT methods.

Ona tili – millatning ruhidir. Til — davlat timsoli, mulki. Tilni asrash, rivojlantirish – millatning yuksalishi demak. Maktablarda ona tilimizning o’qitilishi, o’quvchilarning har tomonlama mukammal bilim olishlari uchun jiddiy e’tibor berish talab etilmoqda. Yangi darsliklar, turli fanlarga oid ko’rgazmalar va ko’rsatmali vositalar, elektron kitoblar hamda turli internet saytlari bunga yaqqol misol. Bularning barchasi ona tilimiz rivoji va yangi davr kishilarini shakllantirishga qaratilgan.

Ayniqsa, ona tili fanini umumta’lim maktablarida o’qitilishiga e’tibor kuchaydi. Ona tilini o’qitishda darslikdagi ma’lumotlarni berish bilangina cheklanib qolish ta’lim sifatini ta’minlay olmaydi.Shuning uchun bugungi zamon pedagogi turli xil o’qitish usullari orqali o’quvchini mavzuga jalb etish va DTSdan ko’zlangan maqsadga yetishi lozim. Bu chora-tadbirlar o’qituvchilarning kasb mahorati va o’quv jarayoniga qo’shgan shaxsiy hissasi, ta’limning yuqori samaradorligi hamda sifati, o’z bilimini muntazam takomillashtirib borishi, kasb mahorati va malakasini o’stirishi, o’qituvchi tomonidan ilg’or metodlar va pedagogik texnologiyalarni muvaffaqiyatli qo’llashi uchun yaratilgan imkoniyatlar.

Ona tili darslarini tashkil etishda “Fikrlarning tarmoqlanishi”, ”BBB”, ”FSMU”, ”VENN diagrammasi”, “Charxpalak”, ”Tushunchalar tahlili”, ”Raqmlar so’zlaganda”, ”Baliq skleti”, ”Yelpig’ich”, ”Bumerang”, “Zakovat”, “Ha yoki yo’q”, ”Zinama-zina”, ”Sinkveyn”, ”SWOT” tahlili kabi innovatsion, noan’anaviy ta’lim metodlaridan foydalanish mumkin bo’lib, darslarni pedagogik texnologiyalar asosida tashkil etishda ularning ahamiyati katta. Bu kabi metodlarni har bir o’qituvchi o’zi dars beradigan o’quvchilarning xarakteri, iqtidori va qiziqishlaridan kelib chiqib o’ziga xos yo’nalishda tashkil etishi, o’zgartirishi,ijodiy rivojlantirishi yoki o’xshash variantlaridan foydalanishlari mumkin. Bir so’z bilan aytganda, bunday o’yinlar mavzularni o’quvchilatga oson va tushunarli berishning yo’llaridan biri hisoblanib,o’qituvchi yangi-yangi ta’limiy o’yinlarni darslarida qo’llashi, hatto o’zi ham shunday o’yinlarni o’ylab topishi mumkin. Zero, biz yangiliklar, axborotlar asrida yashayapmiz.

“Besh satr “ (Sinkveyn) usuli. Bu usulda axborotlardan xulosalar chiqarish, murakkab his-tuyg’ularni qisqacha bir-ikki og’iz so’z bilan ifodalashga yordam beradi. Sinkveyn besh satrli she’r bo’lib , axborot va ma’lumotlarni qisqa ifodalar bilan berishni o’rgatadi. Uni yozish qoidasi quyidagicha:

1-satrda mavzu nomi bir so’z (ot) bilan beriladi

2-satrda mavzuni tasvirlash ikki so’z(sifat) bilan beriladi

3-satrda mavzu harakatini tasvirlash uchta so’z (fe’l) bilan beriladi

4-satrda to’rtta so’zdan iborat qisqa jumla

5-satrda yuqoridagilarning hammasini tasvirlaydigan bir so’z(sinonim) bilan beriladi.

 Namuna :

1.O’qish

2.Erkin ,faol

3.O’qimoq,yozmoq,gapirmoq

4.Beshikdan qabrgacha ilm izla

5.Ta’lim

 Bu usul ko’nikma hosil qilishda, tushuncha va axborotlarni umumlashtirish hamda ixchamlashtirish uchun tez va kuchli vosita bo’lib xizmat qiladi.

FSMU texnologiyasi. Bu texnologiyadan foydalanishda o`qituvchi har bir o`quvchiga FSMU texnologiyasining 4 bosqichi yozilgan qog`oz varaqlarini tarqatadi va yakka tartibda ularni to`ldirishni iltimos qiladi. Bunda:

F - fikringizni bayon eting

S - fikringiz bayoniga sabab ko`rsating;

M - ko`rsatgan sababingizni asoslovchi misol keltiring;

U - fikringizni umumlashtiring.

O`qituvchi o`quvchilar bilan bahs mavzusini belgilab oladi.

Yakka tartibdagi ish tugagach, o`quvchilar kichik guruhlarga ajratiladi va o`qituvchi kichik guruhlarga FSMU texnologiyasining 4 bosqichi yozilgan katta formatdagi qog`ozlarni tarqatadi.

Kichik guruhlarga har birlari yozgan qog`ozlardagi fikr va dalillarni katta formatda umumlashtirgan holda 4 bosqich bo`yicha yozishlari taklif etiladi.

Xulosa o’rnida aytish mumkinki,umumta’lim maktablarida ona tili fanini o’qitishda zamonaviy texnologiyalar o’quvchilarning og’zaki va yozma nutqining o’sishida,qolaversa mavzularni oson tushunishlariga,bilim va ko’nikmalarini yanada oshirishda muhim ahamiyat kasb etadi.

Foydalanilgan adabiyotlar ro’yxati:

1. Umumiy o‘rta ta’limning ona tili fanidan davlat ta’lim standarti va o‘quv dasturi. Toshkent-2017 2.

2. N. Mahmudov, A. Nurmonova va boshqalar. Umumiy o‘rta ta’lim maktablarining 6- sinfi uchun darslik. Ona tili. 124-126-betlar. Toshkent - 2017

3. Qosimova K., Matchonov S. Ona tili o`qitish metodikasi. Toshkent “Noshir” nashriyoti, 2009, 351.

4. Yo’ldosheva D. Ashurbayeva R. Ona tili ta’limida zamonaviy pedagogik texnologiyalar.-T.: Turon Zamin Ziyo. 2018.

5. Internet materiallari : http ://go.mail.ru/searchi?. “ Ta’lim texnologiyalari”

Скачано с www.znanio.ru