Открытый урок по родному языку " Распространенные и нераспространенные предложения"

Республиканская научно- практическая конференция МАСТЕР-КЛАСС на тему: «Распространенные и нераспространенные предложения » Подготовила: учитель родного языка 2016 год МУНИЦИПАЛЬНОЕ КАЗЕННОЕ ОБРАЗОВАТЕЛЬНЛОЕ УЧРЕЖДЕНИЕ «СРЕДНЯЯ ОБЩЕОБРАЗОВАТЕЛЬНАЯ ШКОЛА №10» ПЛАН-КОНСПЕКТ открытого урока родного (даргинского) языка на тему: «Распространенные и нераспространенные предложения » Подготовила: учитель родного языка МКОУ СОШ №10 Адаева Муминат Казимагомедовна 2016 год ДАРСЛА  ТЕМА «Распространенные и нераспространенные предложения»            Дарсла мурад: 1.  ДурхIнала нешла мезличи диги адикьни; 2.  ЛукIни ва дучIни гьаладяхI ардукни; 3.  ДурхIни пикрибикIахъес  бурсибарни; 4.  Гьаларти классуназиб белчIунси материал гьанбикахъни,       ил имцIабикIахъни ва дебабиахъни; 5.  Гъай гъаладяхI ардукни.      Чебаъла ваяхl: Таблицаби, карточкаби, сигнальный карточкаби, жузи,                       интерактивная  доска.     ДАРСЛА  БАШРИ 1.Организационный момент Учитель: Салам хIушаб дакIибтас,         Иш нушала дарсличи         ГIурра халаси салам,         ХIушаб, биштIати дурхIнас. ­ИшбархIи, дурхIни, нушани дарсличиб кьасбирехIе гьаннала уб касибси пагь  чебаахъес ва тикрарбарес. ­КасахIелли урибси писательла К.Д. Ушинскийла гъай «Нешла мез вегI варкьибси  нешгъунти сари: илди хIейгни вегIла неш хIейгнигъуна саби», иличибли бурес  дирехIе,нешла мез гьариллис дурхъати сарни, сенахIенну илдачил сай дурхIя бегI  галав гъайикIес вехIирхьуси, илдачил сари виштIаси дурхIяла бекIлизир цаибти  пикруми алкIути, илдала кумекличил саби гIямрула халаси гьунилис бехIбихьуд  кабирхьуси. 2. ДелчIунти тикрардарни. БелкIеная ишбархIила число ва классла хIянчи. ­ДелкIеная ишди предложениеби ва барая синтаксический разбор. Батирайли далай белчIун. Батирайли къугъаси агиличил ахъли далай белчIун. ­ Дурхlни, бурая, чи сая Гl.Батирай? ­ДурхIни, нушани  тикрардирехIе предложениеличила баянти. Ишди суалтас жавабти лугехIе: ­ДурхIни, гьанбикахъая, чум бекI член лера дарган мезлизир? ­Чум бекI член лера урус мезлизир? ­Сегъуна бекI член агара урус мезлизиб, дарган мезлизиб лебси? ­Чум кIиибил даражала членти лера дарган мезлизир? ­Чум кIиибил даражала бекI член лера урус мезлизир? ­МягIна ва интонация хIясибли сегъунти журала предложениеби лера дарган  мезлизир? (хабарла, суалла ва вявла) ­ДурхIни, се саби  предложениела грамматический хьулчи? (Граматический хьулчи саби­ подлежащее, сказуемое, объект) Доскаличиб белкIи саби текст. Яни сабаили саби. ДяхIили авлахъуни капIдирули сари. Дирихьми чедашули  сари. МиъдяргIибти хIуркIби дебали гIяшли шивкIивдикIули сари. Ахъти  дубуртачир дяхIила халати кIиликIми кайули сари. БугIярси дягI авбикIули саби.  Миг, махъ, хур, шиниша бурби  ва яда дяхIили капIдарили сари. Галгубала кьялуби дяхIила къатлиур далкIи сари. Жаниварти чула диштIати пукьнази дигIяндикили  сари. Учитель. ДурхIни, бурая  гьари, селичила саби иш хабар? Бедая  хабарлис у. Чили буру, се сари миг, хур,  махъ, бурби, яда? ­Бархьси саби, ишди галгуби сари. Нушала лер ишдигъунти жагати тIабигIятла атлас­словарьти. Ил атлас­ словарьлизир нушаб гили сари жура­журала жанивартала, мицIирагла, арцантала,  галгубала уми дарган мезли ва урус мезли. Абхьая, гьари, бях14. ХIерая сегъунти галгуби лера ил бяхIлизир? ДурехIе илди галгубала уми  ва бирцIахъехIе иш  таблица: Дугьби дарган мезли  Дугьби  урус мезли Миг Махъ Бурби Яда Хур Словарный хIянчи. ХIеб – весна, дуцIрум – лето, гIебшни – осень, яни – зима.   дуб береза ель сосна липа Учитель. ДелчIеная хунтIена рангли делкIунти  предложениеби. Баргая гьар  предложениелизиб грамматический хьулчи. Селичирли цагъунти сари ишди предложениеби? (Илди предложениебазир ца­ца грамматический хьулчи сари).  (хIянчи бирахъулра интерактивный доскаличиб) Учитель. ДелчIеная гьари шинишли делкIунти предложениеби. Се бурес вирара  ишди  предложениебачила? (Ишди предложениебазир лер бекI членти ва кIиибил даражала членти). Учитель.  ­КIиибил даражала члентани бутIакьяндеш дирни­хIедирни хIясибли, сегъунти  журала предложениеби лера? (тIинтIти ва тIинтIти ахIенти предложениеби) Иш хабар тIабигIятличилахIели, наб белчIес дигулра Р.Рашидовла назму  «ТIабигIятличи диги» Янила бугIярдеш саб Шилизи гъамбикIули Лявкьуси агаркъира Хя саби гъямбикIули. Салам гIялайкум, яни! Гьари хьуракабии, Ца бара тIякьярбухъи, ХIу гIур паргъаткабии. Барили дяхIи саби Гьарахъти дубуртазиб. Къямбала тIамри сари ЧIянкIкайубти унхъразир.                                                                                                                        Р.Рашидов ­ Дурхlни, бурая, чи сая Р.Рашидов? 3. Дарсла тема ва мурадуни дурни. Учитель. Бурая  гьари  дурхIни,сегъунти предложениебас нуша дикIулра тIинтIти  ва сегъунтас – тIинтIти ахIенти предложениеби или.  ­ Сунезир чIянкIли бекI члентицун лерси предложениелис тIинтIси ахIенси  предложение или бикIар. ­ БекI члентала дурарад, сунезир кIиибил даражала члентира лерси  предложениелис тIинтIси предложение или бикIар. Учитель. ХIебиалли, бурая, гьари  нушала ишбархIила дарсла тема. (Дарсла тема саби – «ТIинтIти ва тIинтIти ахIенти предложениеби»)  ЛукIулра доскаличи дарсла тема. Учитель. БурехIе дарсла мурад, темаличи хъарахъили. Пайдаладарая ишди  дугьби, доскаличи делкIунти: 1)Тянишдиэс……. 2)Бурсидиэс декIардирес…….. Мурад:  1. тянишдиэс тIинтIти ва тIинтIти ахIенти предложениебачил; 2. бурсидиэс декIардирес тIинтIти ва тIинтIти ахIенти предложениеби; 4. Сагаси дарс бурни. Учитель. ХIебиалли,нушани багьурра, сунезир чIянкIли бекI члентицун лерси  предложениелис тIинтIси ахIенси предложение или бикIни, бекI члентала дурарад, сунезир кIиибил даражала члентира лерси предложениелис  тIинтIси предложение или бикIар.   Лукахъулра доскаличи ишдигъунти предложениеби: ДягI махъла галгаличил хязтабиркьулри. ДягIли кIапIри шивкIивдикIахъулри. (ДурхIнази бирахъулра предложениебала синтаксический разбор,  декIардирахъулра тIинтIсил ва тIинтIси ахIенсил предложениеби) Физкультминутка . ЗакидяхI тяп къургъиван Гумлачир ахъдирехIе! Арцанта дуклумиван  Някъбира гьакIдирехIе!  Учитель. Гьанна бусягIят делчIунти тикрардирехIе: 1)Сегъунти  предложениелис  бикIара тIинтIси, сегъунас – тIинтIси ахIенси? 2) ТIинтIси ахIенси предложениелизибад секьяйда  тIинтIси предложение барес  вирара?  5.ДелчIунти кагахъни. Учитель. Гьанна бирехIе творческий хIянчи. ­Точкабала мерла урдатурти дугьби кадатирая. ­ Стелкали чебаахъес бархьси предложениела жура. 1. Мигла галгала уряхIдихьибти  цIедешли бугули саби………….. 2.Нушани вацализир ……., ……….  ва ……….. чедаира. 3Дудешли …………. чеббатур. Ца журала  члентар  предложение ТIинтIси  ахIенси  предложение ТIинтIси  предложение Урдатурти дугьби: дугIла цура,(буцIи, гурдни, гIярми), хIяка. ­ДурхIнази предложениеби делчIахъес ва предложениела жура белгибарахъес. ХIяз «Каргьни хIясибли предложениела жура декIарбара» (ДурхIнази дурахъулра тIинтIсил ва тIинтIси ахIенсил предложениеби) 1. Дугели дяхIи ванзаличи зумали кабикиб. 2. Савлилис дяхIиличир жанивартала ва арцантала къел калун. 3. ХIеркI миъли кIапIбариб. 4. ХIеркI лехIкахъиб ва бускаун. Интерактивный доскаличибкад хIянчи. (ТIинтIти ахIенти предложениеби тIинтIти предложениебачи шурдатирая) 1. Илини кьапIа хъямбариб. 2. Далай зайбухъун. 3. Рурсби булхъулри. 4. Душманта шагьар уббатур. 5. Нушани хIеркI ахъира. Ахтардила хIянчи (тест) (интерактивный доскаличиб) (ДурхIнани сигнальный карточкабачибли чебиахъули саби суалтас жаваб: а­  бухъутIа карточка, б­шиниша карточка) 1.Предложениела грамматический хьулчи саби: А) подлежащее, сказуемое, объект Б) определение, дополнение, аги­кьяйда 2.Предложениела кlиибил даражала  членти сари: А) определение, дополнение, обстоятельство Б) подлежащее, сказуемое, объект 3.Объект лебси предложение декlарбарая: А) Паргъатли тIашли сари шиниша ядни. В) ДурхIнани гъяйми касиб. 4.ДягIли галгуби гIяшдиахъублири.    Иш предложение саби: А) ТIинтIси предложение  В) ТIинтIси ахIенси предложение 5. Махъла ахъти галгуби кегIерли кадизурлири.     Иш предложение саби: А) ТIинтIси предложение  В) ТIинтIси ахIенси предложение 6.Дарсла итог. Рефлексия. Учитель. ДурхIни, хIуша ишбархIи духучанти саррая! Гьари, селичила ишбархIи гъайдикIули калунрал гьанбиркахъехIе. ­Се сагаси багьуррая ишбархIи дарсличиб? ­Се гIяхIбизура хIушаб дарсличиб? Сегъунти сагати дугьби дагьуррая хIушани? ­Сегъуна предложениелис бикIара тIинтIси? ­Сегъуна предложениелис бикIара тIинтIси ахIенси? Рефлексияла тест. ­Нуни дахъал сагати секIал дагьурра. ­Наб илди гIямрулизир гIягIнидиркур. ­Дарсличир пикриухъести секIал лерри. ­Гьар дила суайс ,нуни жавабти дургира. ­Ну дарсличив ункъли узира. (Гьарилли дурули сари чум плюс дакIибал. Ил наб кабатурси дарслис кьимат  саби.) 7. Хъули хянчи бедни. ­ Дурхlни, бурая, чи сая ГI.Абу­Бакар? ГI. Абубакарла хабарлизирад декIардарес ва черделкIес тIинтIти ахIенти   предложениеби. (Карточкаби хабарличил)