Үшбұрыштың түрлері. 7 сынып

Үшбұрыштың түрлері

 Осы тақырыпты оқу барысында үшбұрыш туралы білімдеріңді кеңейтіп,тереңдете түсесіңдер;үшбұрыштың барлық түрлерін үйреніп, анықтай алатын боласыңдар.

Үшбұрыштың бөлінуі  Үшбырыш алты түрге, яғни қабырғаларының ұзындықтарына байланысты үш түрге және бұрыштарының шамаларына байланысты үш түрге бөлінеді.

Сүйір бұрышты үшбұрыш  Анықтама. Үш бұрышы да тоқсан градустан кіші болатын үшбұрыш түрін сүйір бұрышты үшбұрыш деп атайды.

Тік бұрышты үшбұрыш  Анықтама. Бір бұрышы тік, яғни дәлме- дәл 90° болатын үшбұрышты тікбұрышты үшбұрыш деп атайды.

 Тікбұрышты үшбұрыштың тік бұрыш жасап тұрған қабырғалары оның катеттері деп, ал оған қарсы жатқан қабырғасы гипотенузасы деп аталады.

Доғал бұрышты үшбұрыш  Анықтама. Бір бұрышы доғал, яғни 90°- тан жоғары болатын үшбұрыш доғал бұрышты үшбұрыш деп аталады.

Әртүрлі қабырғалы үшбұрыш  Анықтама. Үш қабырғасының да ұзындықтары әр түрлі болатын үшбұрышты әртүрлі қабырғалы үшбұрыш деп атайды.

Теңбүйірлі үшбұрыш  Анықтама. Үш қабырғасының екеуі тең болатын үшбұрыш теңбүйірлі үшбұрыш деп аталады.  Теңбүйірлі үшбұрыштың өзара тең екі қабырғасы оның бүйір қабырғалары, ал үшіншісі-табаны деп аталады.

Теңқабырғалы үшбұрыш  Анықтама. Үш қабырғасы да өзара тең болатын үшбұрыш теңқабырғалы үшбұрыш деп аталады.