СОЧИНЕНИЕ

Дун ц1алулей йиго Ленинкенталъул 35 гимназиялда. 35 гимназиялъул бицунеб раг1арабго раг1арабго, киназдаго цее яч1уна гьелъул нухмалъулей директор Чакар Меджидовна. Гьей лъаларев, яги гьелъул х1акъалъулъ раг1ич1ев чи ватиларин ккола т1олго Дагъистаналдаго. Гьей гьаюна ва г1уна Г1ахьвахъ районалъул Т1укита росулъ. 1972 соналъ Буйнакскаялда бугеб педагогияб училищеги лъуг1изабун, гьей х1алт1изе лъугьана нижер гимназиялда учительлъун. 1978 соналъ лъуг1изабуна ДГПУялъул филологияб факультет.

1990 соналъЧакар Меджидовна т1амуна гимназиялъул директорлъун. Гимназиялда гьей х1алт1улей йиго 50 соналъ. 1975 соналъ Чакар Меджидовналъ х1аракат бахъун, нижер гимназиялда г1уц1ана унго-унгояб музей. Гимназиялъул ц1алдохъабазул кумекалдалъун музеялде рак1арана г1емерал хириял ва басриял умумузул т1аг1елал. Коридораздаги классаздаги буго г1ажаибаб берцинлъи. Дагъистаналъул ц1ар раг1арал хъвадарухъабазул, К1удияб Ват1анияб рагъул бах1арзазул суратал ва хъвай-хъваг1аял. Гьелъул нухмалъиялда ва к1удияб х1аракатчилъиялда  гъоркь гимназиялда г1уц1ун руго ТОКСалъул 10 къокъа. Гьел къокъабаз бат1и-бат1иял шагьарал тирун ралагьана К1удияб Ват1анияб рагъда т1аг1арал рагъухъабазул х1акъалъулъ баянал. ТОКСазул къокъабаз телевидениялдасан бихьизабуна 250 г1анасеб передача. Гьедин Чакар Меджидовна т1ад ч1ун Мах1ачхъалаялда, К1удияб Ват1анияб рагъул бах1арчи Мух1аммадзагьид Г1абдулманаповасе лъуна  памятник.

Чакар Меджидовналъ нижер гимназиялда гьабулеб х1алт1ул бицун х1алк1оларо. Нижер директор  йиго рак1 г1ат1идай, х1еренай ва ц1одорай г1адан. Гьеб кинабго гьелъ кьола жиндирго ц1алдохъабазеги. Гьей мустах1икълъана г1емерал шапакъатазе. Гьединго гьелъие щвана чанго бат1ияб т1адег1анаб ц1арги. Гьединаздасан ккола:

1) “Победитель Социалистического соревнования”

2)”Учитель-методист”

3) знаком “Отличник народного просвещения РФ”

4)”Заслуженный учитель РД и РФ”

5)Знак “За заслуги в развитии детско-юношеского туризма”

6) Почетная грамота от руководства РД (Указ государственного совета РД)

7)Знак “Почетный работник общего образования РФ”

8)”Заслуженный учитель РД и РФ”

9) Кандидат педагогических наук

10) Лауреат проекта ”Профессиональная команда страны”

11) Лауреат Всероссийской конференции участников туристско-краеведческого движения “Отчество”

13) Кавалер медали энциклопедии “Лучшие люди России”

14) Победитель конкурса на грант Президента РД в общем образовании

15) Почетная грамота Всероссийского Совета Ветеранов войны, труда, вооруженных сил и правоохранительных органов

16) Медаль «Патриот России»

Санайил нижер гимназиялдаса г1емерал ц1алдохъаби уна бат1и-бат1иял олимпиадабазде, къецазде, конференциябазде ва бергьенлъабиги росула. Гьединго нижер школалда руго г1емерал гьунар бугел лъимал. Гьезги х1аракат бахъуна гимназия лъик1аб рахъалдасан бихьизабизе. Дун ч1ух1арай йиго гьадинаб школалда ц1ализе рес щвеялдаса.