Сценарий Ийэ

Улахан кылаастарга ийэ күнүгэр аналлаах сценарий                                    ( ыыталлар Ньургун уонна Виолетта) Ньургун:  Ийээ, эн олус да күндүгүн, Ийээ, эн сэбэрэҥ кэрэтиэн, эн баар буолаҥҥын мин баарбын, Эйигинэ суох олох суоҕун кэриэтэ. Вита: Ийээ, эн илииҥ сылааһыан, Ийээ, эн сүрэҕиҥ истиҥиэн, Эн миигин үрдүккэ угуйаҕын, Эн миигин куруутун харыстыыгын. Ньургун: Дьэ, кырдьык даҕаны ийэҕэ махталбыт, ийэлэрбитигэр тапталбыт муҥура суох.  Ийэлэргэ анаан төһөлөөх элбэх хоһоон, ырыа суруллубута буолуой...Сылаастан сылаас,  истиҥ­ иһирэх тыллардаах Александр Самсонов –Айыы уола тылларыгар уонна  матыыбыгар “Ийэбэр» диэн ырыаны тохсус кылаас оҕолорун толорууларыгар  истиэххэйиҥ. ( 9  кылаастар эҕэрдэлииллэр) Вита: Ньургун, мин ийэбин наһаа да аҕынным...(санаарҕаабыттыы мичээрдиир) Ньургун: Оннук, ийэҕиттэн ыраах сылдьар ыарахан бөҕө буо.Оскуолаттан киэһэ дьиэбэр  тиэтэйэн хойут тиийдэхпинэ, ийэм барахсан үөрэ –көтө, мип – минньигэс астаах  көрсөрүттэн үчүгэй туох да суох. Вита: Мин күбэй, мин ийэккэм, Олуһун да аҕынным Аптаах түөһүҥ сылааһын, Сүрдээҕин да суохтаатым Сүрэҕиҥ тэбэр, тэбэр тыаһын. Ньургун: Итинник истиҥ иһирэх тыллардаах “Ийэ баар бу сиргэ» диэн ырыаны онус  кылаастар толоруохтара. ( 10  кылаастар эҕэрдэлииллэр) Вита: Ньургун, сотору оскуоланы бүтэрэн бараргыт чугаһаабыт дии. Ньургун: Чугаһаан, сотору кэминэн устудьуоннуу барыахпыт, онтон үлэһит буолан, алаһа  дьиэни тэринэн, ыал аҕата, ийэтэ буолуохпут. Ол эрээри ханна да, хаһан да буолларбыт  ийэбит сылаас тапталын хаһан да умнуохпут суоҕа. Үчүгэйдик үөрэнэн, үлэһит киһи буолан, туһаны эрэ аҕалларбыт – бу биһиги эһиэхэ  тапталбыт, махталбыт туоһута буолуо этэ. Оччоҕо биһиги бу сир үрдүгэр саамай дьоллоох  киһилэрбит дэниэ этибит. Вита: Бэйэлэрин э5эрдэлэрин, ийэлэригэр махтанан туран тиэрдэллэр уон биирис кылаас үөрэнээччилэрэ. ( 11  кылаастар эҕэрдэлииллэр) Ньургун: Күндү ийэлэрбитигэр өссө төгүл махтанан туран баҕа саннаабытын этиэхпит: Баҕарабын аал уотуҥ Өссө күүскэ күөдьүйүөн,  Аймах – билэ бар дьоҥҥун  Аан  аһаҕас көрсүһүөн. Баҕарабын эн дьиэҕин  Куруук үөрүү толордун, Кутурҕан тэлгэһэҕэр  Туораабакка ааһыахтын Вита: Күндүттэн күндүнү, Кэрэттэн кэрэни Төлөннөөх сир баайын Таптыаҕыҥ ийэни! Ньургун: Манан биһиги ийэ күнүгэр аналлаах ырыа күрэҕин түмүктүүбүт. Дьүүллүүр сүбэ бэйэтин  түмүгүн таһаарыаҕа.