Техника және біз»

«Таным» білім беру саласының ұйымдастырылған оқу  қызметі:

«Жаратылыстану»

Өтпелі тақырып: «Техника және біз»

Тақырыбы: «Техника және біз»                                                                                                                                                    Мақсаты: «Кір жуатын машинамен таныстыру. Оның электр арқылы жұмыс жасайтынын бақылау. Қауіпсіздік  шараларын еске салу»                                                                                                                   Педагогикалық технологиялар :  (акт )                                                                                                                           Ресурстармен қамтамасыз ету: презентация, суреттер, музыка.

Ұйымдастырылған оқу қызметінің барысы:

1.      Ұйымдастырушылық  кезеңі

Балалар бүгін бізге қонаққа Дара кір қожалақ болып келіпті. Балалар осылай кір-қожалақ болып жүруге бола ма?

- Әрине, жоқ.

Ендеше, біз Дараға тап-таза болып жүруді үйретейік.

     2.  Негізі бөлімі

•        Балалар біздегі әдемі киіміміз бүлініп қалса кім тап-таза етіп тазалап береді?

•        Анамыз біздің киімдерімізді ненің көмегімен тазалап, жуып береді?

•        Кір жуатын машинаның пайдасын кім біледі?

Балалар кір жуатын машина тұрмыстық техникаға жатады. Кір жуатын машинаның бізге пайдасы өте көп. Біздің барлық киімдерімізді, төсек орындарымызды, ойыншықтарымызды  жуып тазалап береді. Тұрмыстық техникалармен жұмыс істеген кезде қауіпсіздік ережелерін міндетті түрде сақтауымыз қажет.

Қауіпсіздік ережелері:

1.      Сулы қолмен токты қосуға немесе ажыратуға болмайды;

2.      Балаларға ересектерсіз электр токтарын ұстауға болмайды;

3.      Ересектерсіз тұрмыстық техникаларды қолдануға болмайды.

Сергіту сәті

Токтар сымның бойымен

Жүгіреді тоқтаусыз.

(денемізге саусақтарды жүгіртеміз)

Топқа жарық сыйлайды,

Барлығына ұнайды.

(қимыл-қозғалыс көрсету)

Д/о:  «Не зат, не үшін керек?»

Ойынның шарты: балалар шеңберде тұрып бірінші бала техника бұйымдарының суретін көрсетіп, атын атайды екінші бала қажеттілігін айтады.

Мысалы: үтік – киімдерді үтіктеу, тоңазытқыш – азық-түлікті сақтау.

3. Қорытынды:

1. Тұрмыстық техниканы ата?

2. Кір жуатын машинаның пайдасы?

3. Қауіпсіздік ережелерді айт?