Тема: Адаман дахаран мах.

                                                    Урок № 1                                                                                                                                             

                 Класс – 7

               Терахь ______

         Тема:  Адаман дахаран мах.

         1алашо: берашна нохчийн г1иллакх-оьздангалла урокан 1алашо

                         йовзийтар;  адаман дахаран мах хадорах лаьцна дийцар а;

                         оьздангаллин гурахь стаг латтор довзийтар а;                               

                         къоман г1иллакхехь къона т1ехье кхиор а.

         Урокан г1ирс: «Нохчийн г1иллакх-оьздангалла»,

                                 «Г1иллакхийн хазна – ирсан некъаш»,

                                    «Исбаьхьа шовда»

                                               Урокан некъ

          I Догдаийтаран мур

Лаахь шайна адам довза,

Цуьнан г1иллакхашка хьовса.

Мах хадабай хетарехь,

Галл ма довла дахарехь

         I I Нохчийн г1иллакх-оьздангалла хьехаран уроках лаьцна кхетам балар.

- Этика урокашкахь айса шарахь хьоьхур дерг берашна доцца довзуьйту. Бовзуьйту урокана оьшу г1ирс.

         II I Керла тема:  Адаман дахаран мах.

    - Адаман дахаран мах 1аламат беза хилла нохчашна юкъахь. Нагахь ца хууш цхьаьннан карах стаг велча, и стаг витийта, и волчаьрга дехар дан масийтта юьртара нах вовшахкхеташ хилла. Коьртара куйнаш а дохий, гора а х1уьттий, дехарш деш хилла цара, и стаг витахьара, бохуш. Ткъа шена т1ехь ч1ир йолу стаг, марчо юккъе а хьарчавой, барми т1е а вуьллий, валош хилла цига.  «Х1ара стаг шегара даьллачунна дохковаьлла, кхид1а дуьненан марзонаш йоцуш, велча санна ву, са чохь велахь а, цундела парг1атваккха х1ара», - бохург ду иза.  Нагахь и стаг вуьтуш хилча, ч1ирхоша цаьргара мах эца тарлуш хилла – 63 я 70 етт, я оцу даьхнин хьесапехь ахча, деши.

       Стеган дахаран мах оццул беза хилар бусалба динца нийса дог1уш ду. Къуръан чохь аьлла ду: цхьа маьрша стаг вийначунна, дуьненчохь мел долу адам дийча санна, къа ду, аьлла.

       Г1иллакхашка хьаьжжина, стеган мах хадорехь къиза а, дуьххьалд1а а хилла вайнах. И деш, цара тидаме оьцуш ца хилла цуьнан хьалхалера дика г1уллакхаш, цуьнан ц1е, говзалла а.  И дерриге а дайдеш, дагош хилла цхьана осалчу х1умано.

      Г1иллакхашка хьаьжжина, стеган мах хадорехь къиза а, дуьххьалд1а а хилла вайнах. И деш, цара тидаме оьцуш ца хилла цуьнан хьалхалера дика г1уллакхаш, цуьнан ц1е, говзалла а.  И дерриге а дайдеш, дагош хилла цхьана осалчу х1умано.                 

                          Дешнаш т1ехь болх:

Т1ехь ч1ир йолу стаг – цхьа адам дийна стаг;

Къа (къинош) – Дала ца магийнарг дар.

I V 1амийнарг т1еч1аг1дар

- Муха хадош хилла адаман дахаран мах нохчашна юкъахь?

- Муха дехаре боьлхуш хилла нах, нагахь ца хууш цхьаьннан карах стаг велча?

- Т1евуьту стаг барми т1ехь вигаран маь1на хьан дийр дара аш?

- Моццул беза лерина стеган дахаран мах?

- Муха аьлла цунах лаьцна Къуръан чохь?

- Г1иллакхашка хаьжжина, стеган мах хадор муха хилла нохчашлахь?

V Урокан жам1 дар.

- Дешархойн хаарийн мах хадош, дика дакъалаьцнарш билгалбахар;

VI Рефлексин мур

-Х1ун дара урокехь шуна дика хеттарг?

-Х1ун дара шуна урокехь дика ца хеттарг?

-Х1ун дара шуна урокехь атта хеттарг?

-Х1ун дара шуна урокехь хала хеттарг?

VII Ц1ахь бан болх: язйинарг 1амо