Тема: Хьун а, хьуьнан дахар а.

                                                               Урок №  12                                                                                                                                     

                 Класс – 6

               Терахь ______

              Хьехархо

         Тема:  Хьун а, хьуьнан дахар а.

1алашо:   берашна г1урбанан   денойх лаьцна белла  юкъара кхетам

                  карлабаккхар;  г1урба деран дозаллех лаьцна дийцинарг

                  т1еч1аг1дар; хьун а, хьуьнан  дахар довзийтар; муха лерам

                  хилла вайн дайн хьаннашца дийцаре дар; 

                 1аламе безам т1еч1аг1бар; нохчийн  къоман г1иллакхаш,

                 оьздангаллин  барамаш бовзийтар; ийман, ислам  долуш къоман

                 г1иллакхехь къона   т1аьхье кхиор.

Урокан г1ирс: «Нохчийн г1иллакх-оьздангалла»

                          «Халкъан тидамаш, кицанаш»

                          «Газетан вырезкаш».

Урокан некъ

      I.  Догдаийтаран мур

Хьо адам ду, ахь цундела

Лардан деза 1алам хаза!

Дита хьоза стиглахь лела,

Сема лу а - дажа басахь.

     Шовданаш, хиш-Делан ни1мат

     Ларам барца 1алашделахь.

     Дечгах деш ахь коррий, не11ий,

     Ца оьшург ма хадаелахь.

               II.  Дешархойн долчу хаарийн актуализации яран мур

- «Г1урбанан денош» - бохучу дешнийн маь1нех муха кхета шу?

- Маца дойу г1урбанаш?

- Г1урбанна урс хьакхаран дозаллех х1ун эр дара аш?

- Г1урбанах саг1ийна х1ума яларан мел моццул буьйцу?

- Г1урбанан беттан итталг1а де х1ун де ду?

III. Керла тема:    Хьун а, хьуьнан дахар а.

     - Кхоамза хьун х1аллакъяр магош ца хилла вайн дайша. Хьуьнха воьдучу стага шен диг т1е бехчалг хьарчайой, къайладоккхуш хилла, иза дитташна ца гайта. Ша дечиг охьатоха д1аволавалале, «Бисмилла» а доккхий, «Везан Дела, къилахь ма ларалахь», - олуш хилла стага. Къаьсттина магош ца хилла т1е стом латийна дитташ хедо: 1ожан, кхоран, стен, хьайбин… 1аламат ч1ог1а лерам хилла стовца. Цуьнан ши буьртиг кийрахь а болуш кхелхича, стаг декъал хир ву, бах. Дечгех лерам болуш элхьаьмц, сур, хьаьмц, хьоьрмат – кхидолу стом лато дитташ а хилла.

         Стом ца ло цхьадолу дитташ хилла нохчаша лоруш: наж, турс…

                                      Кицанаш, аларш:

- Хьуьне хьаьжжина хуьлу акхарой а.

- Хьун йогу – массарна а го.

- Хьуьнхахь а, бодашкахь а къайле ма йийца.

                             Дешнаш т1ехь болх:

Наж, турс, элхьаьмц, сур  – диттийн ц1ераш;

IV. 1амийнарг т1еч1аг1дар

- Х1унда къайладоккхуш хилла хьуьнха воьдучу стага диг?

- Муха охьатухуш хилла стага дитт?

- Муьлхачу дитташца лелош хилла ч1ог1а лерамаш?

- Дийца, х1инца муха лерам бо вайнаха хьуьнан.

                     V.  Урокан жам1 дар.

- Дешархойн хаарийн мах хадош, дика дакъалаьцнарш билгалбахар;

                   VI.  Рефлексин мур

-Х1ун дара урокехь шуна дика хеттарг?

-Х1ун дара шуна урокехь дика ца хеттарг?

-Х1ун дара шуна урокехь атта хеттарг?

-Х1ун дара шуна урокехь хала хеттарг?

                   VII.  Ц1ахь бан болх: кицанаш, аларш,  хьадисаш.

                   Проверил: зам. дир. по УВР: _________/Р.И.Баматгериев/

                     Директор школы:               ________/А.Р.Хусиев/