Тема: Собар.
Оценка 4.9

Тема: Собар.

Оценка 4.9
doc
15.05.2021
Тема:  Собар.
14-й урок Собар.doc

                                                         Урок № 14    

                                                                                                                           

                 Класс – 10

               Терахь ______

              Хьехархо:

 

         Тема:  Собар.

         1алашо:  берашца къонахаллах, доттаг1аллах, майраллах  лаьцна  хьалха

                            урокехь  дийцинарг т1еч1аг1дар;  собар вайн къоман уггаре а       

                            ч1ог1а лоруш  хиллачу г1иллакхех цхьаъ хилар довзийтар;

                            вайнехан г1иллакхаш,  оьздангаллин барамаш дешархошна

                            бовзийтар;  къоман  г1иллакхехь    къона т1аьхье кхиор.

         Урокан г1ирс: «Г1иллакх-оьздангалла»

                                  «Г1иллакхийн хазна – ирсан некъаш»

                                  «Халкъан кицанаш, тидамаш, аларш»

 

                                               Урокан некъ

 

I. Догдаийтаран мур

 

Сихалло а са даьккхина,

Собаро баьккхина лам.

Оьг1ахалла сов яьккхина

Сихаллийна ма бе там.

 

       Хьоьгахь хилахь доккха собар,

       Атта эшор ду ахь дов.

       Наха собар дийр ду къобал,

       Собар стагехь даим тов.

 

                   II.  Дешархойн долчу хаарийн актуализации яран мур

 

         - Хьанах ала мегар ду къонах?

         - Сайдуллаев Хьасайна муха яздо къонахчух лаьцна?

         - «Майралла» - бохучу дешан кхетаман маь1на хьан дийр дара аш?

         - Х1ун эр дара аш доттаг1аллех лаьцна?

         - Иштта дика доттаг1ий шун буй?

         - Дийца доттаг1аллах лаьцна дийцарш, стихаш

 

                      III .  Керла тема:  Собар.

 

                            Халкъан кицанаш, тидамаш, аларш:

         - Сихалло са диъна, собаро – лам биъна.

         - Собар – беркатан дог1а.

         - Собаре стаг хьалдолуш ву.

         - Собар – синкъераман дог1а.

         - Собаре хилар къаьхьа-м ду, амма цо мерза стоьмаш ло.

         - Собаре волчун аьтто хуьлу.

         - Сихалло дохковаларна т1евуьгу; синтеме, собаре хиларо – кхиамна.

         - Кхихкича, т1ех яй а бог1у.

         - Сатоьхначу салтичух эпсар хилла.

         - Стеган дикалла собарх хиъна; говран дикалла боларх хиъна.

 

                             Дешнаш т1ехь болх:

 

                   Собар – иза шена т1екхаьчначу муьлххачу г1елонна, бохамна,

                                   воьхна ца хьийзаш, сихаллехь, ойла яр доцуш, цхьаъ ца деш

                                   сацавала а, хиллачух нийса кхета  а, маь1на дан а хьекъал

                                                                      кхачар ду.

 

            IV.     1амийнарг т1еч1аг1дар.

 

         - Стенах олу вай собар?

         - Собаре хилла меттигаш йолу дийцарш хьан дуьйцур дара аш?

         - Мила тоьлла: собар дерг, я сиханиг?

         - Заьндакъарчу Г1еза-Хьаьжин собарх лаьцна дийцаран чулацам бийцар.

         - «Собар – синкъераман дог1а» - бохучу кицанан маь1нах муха кхета шу?

 

                 V. Урокан жам1 дар.

 

- Дешархойн хаарийн мах хадош, дика дакъалаьцнарш билгалбахар;

 

                VI. Рефлексин мур

 

-Х1ун дара урокехь шуна дика хеттарг?

-Х1ун дара шуна урокехь дика ца хеттарг?

-Х1ун дара шуна урокехь атта хеттарг?

-Х1ун дара шуна урокехь хала хеттарг?

 

        VII. Ц1ахь бан болх: дийцарш, кицанаш, аларш, тидамаш.                        

                                                              Аг1о  27-32

 


Урок № 14

Урок № 14

Собар – синкъераман дог1а. -

Собар – синкъераман дог1а. -
Материалы на данной страницы взяты из открытых истончиков либо размещены пользователем в соответствии с договором-офертой сайта. Вы можете сообщить о нарушении.
15.05.2021