16.02.1913ж-05.01. 1944 ж

Ө М І Р Б А Я Н Ы

Біздің жерлесіміз, батыр ұстаз, Кеңес одағының батыры Серікбай Мүткенов 1913 жылы 16 ақпанда қазақ халқының шаруа жанұясында №16 ауылда дүниеге келген. 1926 жылы С.Мүткенов білім алуға ұмтылып, ауылдағы №2  мектептен білім алады.

Ол жеті жылдық мектепті бітірген соң Павлодар Педагогикалық училищесіне сырттай оқуға түседі. Кеңес үкіметін орнату кезінде қиыншылыққа қарамастан, шымыр денелі ынталы жігіт өзінің

білімділігімен, зерделігімен халық ағарту жолында білім беріп, ауыл

ақсақалдары мен балаларға әріп танытып ұстаздық еткен. Ауыл тұрғындарын бос уақыттарында мәдени іс-шаралар ұйымдастырып, өзінің зор үлесін қосқан.

Серікбай Мүткенов 1942 жылы өз еркімен сұранып майданға аттанған. Қызыл Армия қатарында жүріп ВКП (б) мүшелігіне

кандидат боп қабылданды. С.Мүткенов 1943 жылы алғашқы Украин

соғысына кіреді. 1944 жылы Украинада  Черкасскі облысы, звенигород ауданы, Ризино селосындағы Днепр жағалауындағы шайқаста Отан үшін кеудесін оққа тосып, жанын қиған асыл азамат Серікбай Мүткенов

ерлікпен қаза тапты.

Серікбай Мүткеновке 1944 жылы 9 ақпанда неміс-фашистерімен күрестегі батыл ерлігі үшін СССР Жоғары кеңесі Президумы бойынша оған ең жоғары дәрежелі лауазым Кеңес Одағының батыры атағы берілді.

Серікбай  ағамен  оның сүйікті  жұбайы  Орынтай апа

Ақтоғай ауданы Мүткенов  ауылындағы С. Муткенов  орта мектебі

Серікбай Мүткенов Украина соғысында,Днепр жағалауында орналасқан Ризино селосын жаудан қорғауда күрескен. Елім деп, жерім деп кеудесін оққа тосқан асыл азамат. Бүгінде өз елі, халқы оны ұмытпақ емес. Қанмен сіңген достығымыз Украина елімен

бүгінге дейін  жалғасып отыр.

2008 жылы Қазақстандағы Украин жылы барысында біздің елден 5 адам “Батыр аға даңқы жолымен” атты  экспедициялық жорыққа барып қайтты. Бару мақсаты: Батыр ағамызға ескерткіш орнату, деректі фильм түсіру, батырдың рухына құран оқып, ас беру. 

Воіни які полягли за     визволення села Ризине

Ризино мектебіндегі     мұражайда Мүткенов бұрышы

Шайқас кезінде Мүткеновке снаряд тасып тұрған 14 жастағы Федорчук  бүгінде Серікбай ағаның ерлігін көзіне жас алып еске алады.

Павлодардан  келген “Майдан жолы” іздеушілер  тобы С.Мүткеновтың  ескерткішінің  басында