План конспект открытого урока по табасаранскому языку "Прилагательное. Прилагательноейин эгьемият ва дидин грамматикайин лишнар"

Дарснан кIул:  Прилагательное. Прилагательноейин эгьемият ва дидин грамматикайин лишнар.

Дарснан метлебар: 

1.                  Баяр-шубари прилагательнйир  дюзди дикlуб.

2.                  Прилагательнийирихъди  таниш хьуб, улхбаъ ва бикlбаъ ишлетмиш апlуз     удукьуб.

3.                  Ихь табасаран чIал дубгъбахъ      баяр-шубарин юкIв хъади хьуб.

4. ЧIалназ гьюрмат апIуб ва чIал ккун апIуб.

Дарснан алатар: 6-7 - пи классдин китаб (В.М.Загьиров,Къ.Къурбанов,        Б.Гь.Ханмягьмадов)

•              Китаб, тетрадь,  карточкйир,  грамматикайин таблицйир, компьютер.

Дарснан гидишат.

1.                 Класс тешкил апIуб

- Гьамусдин хаир ибшри баяр-шубар!

  - Гъийин ихь дарс жара дарсарси дарди ачухъ дарс ву. Ихь дарснан метлеб ккудушу дарсари гъадагъу аьгъювалар мюгькам ап1уб ва ц1ии дарснахъди прилагательнйирихъди   таниш ап1уб….

2.                 Хулан ляхин ахтармиш апIуб.

3.                 Ккудубшу дарс гьерхуб.

Суалариз жавабар тувуб (слайд)

1. Существительное фтиз кIуру?

2. Табасаран чIалнаъ сущуствительноейиз швнуб класс а?

3. Къанажагълу ва къанажагъсуз существительнйир фици жара апIуру?

4.      Предложениейиъ существительное фуну член вуди шулу?

5.      Существительноейиз швнуб падеж а? Дурар кьюб жюрейиз жара шула , дурар фицдар ву?

 Гафарин диктант

Лизи йиф, исчIли хал, дирбаш бай, лику пеъ, аьхю гьар, уччву риш, кIару хюни, мани уьл, ягъли дагъ, гъяни жихир.

- Баяр-шубар тувнайи гафарин ибарйириан существительнйир агай ва существительнйириккан цIарар ккадатай..

- Сабпи гафнан ибарайикан предложение дюзмиш апIуб ва синтаксисдин разбор апIуб.

6.                 ЦIийи дарс кивуб.

-Баяр-шубар , ч1атинди гъилигиган  ухьуз фициб йигъ рябкъюру? (Ригъ айи мани йигъ).

-Хъа мициб йигъан ихь жандин гьялар, кефйир фицдр шулу? (ачухъди, разиди, ужуди)

   -Гъийин ихь  дарсра ужуди,  гьевеслуди, разиди убшбан бадали, узу  классдиз ригъ гъабхунза ва думу доскайк кебхраза

-Баяр-шубар, хъа шли к1уру,  гьаму ригъ фициб ву?

(гъатху, гергми, мани, шаду…. Гьаму гафар доскайик дик1уб)     

-Учву вари мектебдиъ урхурайи биц1идар вучва. Хъа мектебдиъ урхурайи биц1идариз фужар к1уру?(Ученикар).

-Хъа ученикар фицдар духьну ккун?

(зигьимлудар, акьюллудар, к1убнидар, ужудар… гафар доскайик дик1уб)

-Хъа гьаму гафари фицдар суалариз жаваб тувру?(фициб? фицир?фицдар?)

- Баяр-шубар, гьаму гафар предметарин лишнар улупру гафар ву?

Сарун жараси гьаму гафариз фици к!уру?(прилагательнйир)

Прилагательнйирин гьякьнаан гъаврикк  ккауб.

        Мутмйирин лишнар,  хусусиятар улупру к1ул’инди вуйи ч1алнан пайназ  пилагательное к1уру. Прилагательнйири гьамцдар лишнар улупуру: ери, т1яаьм, ранг, аьхюшин-биц1ишин,  ва гь. ж., месела: лизи кюкю, юргъа гьяйван, гъли хулар,исц1ли цал, уч1вру вич.

        Прилагательнйири фициб? фицир? фицдар? фуну? фунур? фунуб? шлин? шлиндар? фтин? фтиндар? суалариз жаваб тувру.

        Прилагательнйир гьарган существительнйирин лишнар улупуру, амма дурар  существительнйирихъди  я кьадар, я падеж вая класс жигьатнаан тархьри шулдар, месела: ягъли гьяйван, ягъли инсан, ягъли инсанар, ягъли гьяйвнар.

    Анжагъ кьюб прилагательное (ужур, уччвур) существительнйирихъди  класс, кьадар ва падеж жигьатнаан тархьну шулу: ужуб гаф, ужур адми, ужудар  адмийир (гафар); уччвуб сурат, уччвур дишагьли.

 - Прилагательнйир чIалнаъ гизаф хьували,  ихь чIал девлетлу, успагьи ап1уру. Анжагъ прилагательнйирин кюмекниинди ухьу фиткан улхураш аьгъю ап1уз шулу.  Месела вуди узу учвуз гьамциб табшуругъ гьязур дап1наза. «К1ару кьути» - миди узу фицдар предметар жин дап1наш, дурарин лишнариинди аьгъю ап1инай.

Меъли, уьру, гергми- вич

Уч1вру, гергми, гъатху-лимон

Убгру, уьру, ярхи- иставут

7.                 ЦIийи  дарс мюгькам ап1уб.

1.                 Шикларин  кюмекниинди  антонимар прилагательнйир  дикIай.

2.                 Китабдикан  91–пи илчIихуб тамам апIуб.

3.                 Гъидирчнайи гьярфар гъяъри, гафарин ибарйир дикIай.

ме…ли  вич

б…цIи  курси

те…пел  бай

хь…дан  вахт

 Керим…ин  гату

ягъ…и  гьар

кьи…зи  нис

гъиз…лин  тIублан

кI…ру  гату

гакIвл…н  курси

8.                 Дарснан натижа адабгъуб.

Тест (слайд)

9.                 Хулан ляхин.

§20-21. Прилагательное. . Прилагательноейин эгьемият ва дидин грамматикайин лишнар.

94-пи иич1ихуб, 55-56-пи маш