Презентация по экологии "Мой край родной" Андреевой Полины ученицы 8 класса

«ТĂВАН ÇĔРШЫВĂМ» РАИСА САРПИ Выполнила ученица 8–го класса Андреева Полина

 Тăван çĕршыв! Эс сывлăш, тетĕп, – Ман сансăр шух чĕрем тапмасть. Ман сансăр сывламасть ÿпке те, Ман сансăр çамрăк чун çунмасть. Таса та селĕм пултăр сывлăш – Лартатпăр йывăç-чечексем. Уç сывлăшра вара çут сывлăм Шăрçа тăвать мерчен чиксе. Уç сывлăш пултăр… Кайăк-кĕшĕк Шăрантарать хавас юрра; Уй-хирĕ, улăхĕ ем-ешĕл, Ик куç тулли вăрман – умра. Тÿсейĕп çăкăрсăр та шывсăр, Чун пур пĕр ялкăшĕ çап-çут. Анчах та Сывлăшсăр-Çĕршывсăр Пурнаймăп эпĕ пĕр минут. Тăван çĕршыв! Эс сывлăш, тетĕп, – Ман сансăр шух чĕрем тапмасть. Ман сансăр çырăнмасть йĕрке те, Ман сансăр çамрăк чун çунмасть.

ТĂВАН ÇĔРШЫВĂМ

 Тăван çĕршывăм, Чăвашстан, Чунпа та чĕремпе – эп сан. Тăван çĕршыв, эп сан хĕрỹ, Сана саватăп эп хĕрỹ. Шанатăп : Манăн юрату Хевтесер мар. Сан çунату Мана çĕкленĕ тỹпене, Хăват эс патăн чĕрене. Тăван çĕршыв – эс ман чунра! Тăван çĕршыв – эс ман юнра! Тăван çĕршыв – эс умăмра! Тăван çĕршыв – эс юррăмра! Юрлатăп эп сан ятупа. Сан ятупа тăвап тупа. Сан ятупа пур халăхра Тупатăп тус эп. Туслăхра Сутмастăп. Эпĕ - сан хĕрỹ. Чăваш! Манра сан вут чĕрỹ!

 Саламлать çут тĕнчене Сывлăм сыпнă ир, Пархатарлă тĕнчене Пуç таять уй-хир. Çĕрĕм-шывăм, тав сана, Ырлăхушăн тав, Ырлăхне упракана Ěмĕрех мухтав. Анлă Атăл вăй виçет Çĕн каçалăкра, Пирĕн космонавт вĕçет Вĕçсĕр уçлăхра. Çĕрĕм-шывăм, тав сана, Хăватушăн тав, Хăватне упракана Ěмĕрех мухтав! Уçăлса пырать малаш Туссемпе пĕрле, Савăнса утать чăваш Çĕнĕ пилпеле. Çĕрĕм-шывăм, тав сана, Пĕрлĕхÿшĕн тав, Пĕрлĕхне упракана Ěмĕрех мухтав!