SHAXS PSIXOLOGIYASIDA FOBIYA VA UNING TURLARI

Hayotimizda ko`p uchraydigan atamalardan biri bu – Qo`rquv

Qo`rquv – sub`ekt o`zining xotirjam hayot kechirishiga ziyon yetishi mumkinligi haqida, unga tahdid solayotgan yoki tahdid solishi mumkin bo‘lgan xavf-xatar haqidagi xabarni olishi bilan paydo bo‘ladigan salbiy hissiy holatdir.

Qo`rquv xavf-xatardan himoyalanishga va undan qochish yo`llarini izlashga undovchi normal emotsional holat hisoblanadi.

Psixologiyada “Qo`rquv” va “Fobiya” atamalari ma`no jihatdan o`xshash bo`lsada, ilmiy jihatdan ularni tubdan farqlashimiz mumkin.
Masalan, “Fobiya” atamasi yunon tilidan tarjima qilinganda qo`rquv, vahima degan ma`nolarni anglatadi. Biroq, fobiyaga shunchaki qo`rquv sifatida qarab bo`lmaydi. Fobiya inson psixikasiga bog`liqligi jihatidan murakkab jarayon hisoblanadi. Ya`ni fobiya qo`rquvdan farqli ravishda doimiy takrorlanib turadi.

Ma’lumotlarga qaraganda yer yuzi aholisining 10- 11 % i turli xil fobiyalardan aziyat chekadi.
Tabiatda fobiyaning 300dan ortiq turlari mavjud.

Fobiya quyidagi belgilar orqali namoyon bo`1adi:
Yurakning tez urishi;
Kuchli titroq;
Og`iz bo`shlig`ining qurib qolishi;
Nafas olishning qiyinlashishi
Bo`g`ilish hissi;
Ko`krak sohasidagi og`riq va noqulaylik;
Qayt qilish;
Qorin sohasidagi yoqimsiz sezgilar;
Bosh aylanishi, hushdan ketish;
Tana haroratining ko`tarilishi.