Урок родной литературы на тему : И.Керимов "Разрыв"-9кл

Урок (лакской) литературы в 9 классе

Дарсирал план

Дарсирал ц1а: Ильяс Каримов «Лич1и шаву»

Дарсирал мурад:Ильяс Каримовлуя дурч1ала дулаву. Ганал чивчусса «Лич1и шаву» т1исса романдалуя кут1ану бусан .Аьйшатлул сипат цукун ч1алач1и дурну дуссарив бусан.

Дарсиран аьркинмур:сурат

ДАРСИРАЛ НАНАВУ

1.Класс сакин баву.

2.Шардайсса даву ц1уххаву.

3. Классравусса даву

4. Ц1усса дарс.

5. Дарс жям даву

6. Шардайсса даву

1.Дарсирал нанаву:

-Бивзрув оьрч1рув!

-Бивзрав.

-Дайдишинну лакрал литературалул дарс. Т1ит1ара луттирду,тетрадру.

2. Шардайсса даву ц1уххаву

- Оьрч1рув,ци дуссия шардай лахьхьин?

- Бадави Рамазановлул биография ва «Урша гъавгъ душ» дак1них лахьхьин.

- Б.Рамазанов та увну ур,цумур шяраву?

- Б.Рамазанов увну ур 1927 шинал Ккуллал райондалий Ч1яйннал шяраву.

- Б.Рамазановлул щил ц1анийсса институт къуртал бувну бур?

- 1954-ку шинал Москавлий М.Горькийл ц1анийсса Литературийсса институт къуртал бувссар.

-Га яла чун зун лавгссар?

-Га зун ивк1ссар «Дусшиву» альманахрал редакторну.

-Та итабавкьуссар Б.Рамазановлул цалчинсса лу?

- Цала цалчинсса лу Б.Рамазановлул итабавкьуссар 1955-шинал.

«Дуснач1ансса чагъар»

- Цукунсса жужру ялагу итабавкьуссар Б.Рамазановлул?

- Ганал итабавкьун бур ч1явусса жужру: «Банавша», «Аьрщарал арсу», «Лирика», «Замана», «Илчи» м.ц.

- Щин хас бувсса пьеса чивчуну бур Б.Рамазановлул?

- Б.Рамазановлул Гьарун Саэдовлун хас бувсса «Гьарун» т1исса пьеса.

- Цалчин цумур театрдануву бивхьуну бур га пьеса?

-Пьеса «Гьарун» бивхьуну бур цалчин Лакрал театрданул.

-Б.Рамазановлул «Урша гъавгъ душ» т1исса шеъри щин хас бувну бур?

- Б.Рамазановлул «Урша гъавгъ душ» т1исса шеъри хас бувну бур дяъвилул шиннардайн.

- Ссаву ч1алай дур зун душнил мяърипат?

- Цалчин га бур жагьил дяъвилия уч1аннин ялугьлай.

К1илчин жагьил мурч1и хьуну лякъайхту ганах буруглай.

-Цила мурч1и хьусса дуснайн т1айлану лич1аву зун цукун дизай?

- Урща гъавгъ душнил цила буллусса махъ биттур бувну бур.

3. Классравусса даву:

Ц1усса мукъурттищалсса к1ул шаву:

1.Карий—ц1анну михакрангсса.

2. Подснежник—дараччи.

3. Ч1юхла—омоним.

Масала: хъа (лелуххул хъа)

Хъа (щях рутайсса)

Хъа (хъув бугьайсса)

4. Бивщумахъ—ирония.

Масала: Щяик1ара—оьрват1и,

Изарча—гъангъарат1и,

Ивзун лавай ац1арча—

Хъару дакъа аьнак1и.

4. Ц1усса дарс:

- Оьрч1рув,жува х1акьину к1ул хьунт1иссару уттигу ца лакрал шаэрнащал Ильяс Каримовлущал ва ганал республикалийх машгьур хьусса роман «Л1ич1и шаву».

Ильяс Каримов увссар 14 октябрьданий 1922-ш. Гъумук. Гъумук къуртал бувссар ганал дянивмур даражалул школа. И.Каримовлул заочныйну къуртал бувссар Дагъусттаннал пединститутрал тарихийсса факультет. 1968-ш га зий ивк1ссар Дагъусттаннал шяраваллил хозяйствалул институтраву. Ильяс Каримовлул чивчуссар к1ива роман «Лич1и шаву» ва «Аьрщи сукку шаву». Гай к1ивагу роман чивчуну бур оьрус мазрай.Амма цалчинмур роман цала таржума бувну бур лакку мазрайн. Лакку мазрай «Лич1и шаву» бивщуссар «Дусшиву» альманахрай.

5.Дарс жям даву:

А) Жям бай суаллу:

-Жува х1акьину цума лакрал шаэрнащал к1ул хьуру?

- Ильяс Каримовлущал.

- И.Каримовлул цукунсса роман чивчуну бур?

- «Лич1и шаву» т1исса.

- И.Каримов та увну ур,цумур шяраву?

- И.Каримов увссар 14 октябрьданий 1922 ку шинал Гъумук.

- Ганал ялагу цукунсса роман чивчуну бур оьрус мазрай?

- «Землятресение» ( Аьрщи сукку шаву») т1исса.

Б) Кьиматру бишаву:

6.Шардайсса даву:

А) Ильяс Каримовлул биография бусан к1улну бик1ан .

Б) «Лич1и шаву» т1исса романдалува 1-2 бут1лул мурад бусан к1улну бик1ан.

В) Суаллахьхьун жаваб дулун к1улну бик1ан.

Скрыть