Үздік жоба сайысы

Жоба тақырыбы: Табиғатқа тазалықты тарту ет. 
Жоба нысаны: кімге және қалай көмек бергіміз келеді? Адам - табиғаттың  ажырамас  бөлігі. Табиғат пен адам қатар ұғым. Адамсыз табиғат, табиғатсыз адам өмір сүруі мүмкін емес. Адам табиғатты қасиет тұтуы керек.
Табиғат тіршіліктің  құт - берекесі. Табиғатты қорғау міндетіміз. Қазіргі кезде экология мәселесі нашарлап кетті. Табиғатты қорғау, сақтау қазіргі жастардың қолында.  Қазақ халқында табиғатты құрмет тұтады. Адам табиғаттың патшасы деген ұғым бар. Сондықтан табиғат адам үшін асыл ана. Өйткені адам баласы табиғаттың тіршілігінде өсіп-өніп, жетілген. Табиғат - ырыздықтың, ырыс пен мол қазынасының қайнар көзі, адам денсаулығының сенімді сақинасы. Қазіргі табиғаттың ластануы үлкен - мәселе. Бұл барлық дүние жүзінде қарастырылуда. Табиғат-сөз жетпес сұлулық, баға жетпес қазына, көз тоймайтын әсемдік, айтып жеткізе алмайтын қыры мен сыры мол құбылыс болғанымен қазір сол табиғат нашарлап, ластануда соның салдарынан адам өміріне қауіпті жағдай тудыруда. Біз табиғаттағы әрбір жайқалып тұрған ағашқа қамқорлық танытуымыз қажет. "Бір тал кессең, он тал ек", "Жер құтты болса, мал сүтті болады"-демекші, айналамызда табиғаттан лас иісті,  ауру тудырушы бактерияларды  жоюшы тал, жасыл желек.  Табиғаттың зардаптарына төтеп беру үшін табиғатты ластамай қорғауымыз керек.

Жоба мақсаты: оқушылардың табиғатпен үйлесімділік, табиғатты аялау туралы түсініктерін кеңейте отырып, қиянат жасамау құндылығының мәнін ашу;

Жоба жоспары: жоба мақсатына жету үшін қандай қадамдар жасауым қажет?
«Табиғат тазалығы біздің қолымызда» эссе жазу.
«Таза болса табиғат, тірі болар адамзат» сурет салу.
«Біз жас ұрпақ – табиғат қорғаны». (үй ауласын тазалау жұмыстары )

«Жақсылық менен басталады» деген ұранға біздің жоба несімен сәйкес келеді?
Табиғатқа жасалған жақсылық, өмімізге жасалған жақсылық 

Жобадағы іс-әрекеттерім мен үшін неліктен маңызды?
Табиғат тіршілік көзі. Оны аялау, қорғау әрбір адамның міндеті, себебі өзіміз өмір сүріп отырған қоршаған ортамыздың таза болуы өзімізге жақсы. Табиғатты қорғау үшін біз ең алдымен өзімізден бастап, қоқыс шашпауымыз керек. Қазір қоқыс сұрыптайтын жәшіктердің арнайы түрлері де бар: қағаз үшін, әйнек үшін, тамақ қалдықтары үшін.Одан кейін әрдайым сенбіліктерге шығып, өзен - көлдің жағалауларын қоқыстан тазалауымыз керек.Сонымен қатар жайқалып өсіп тұрған ағаштарға қамқорлық танытып, көктем келісімен оның түптерін әктеуіміз керек. "Бір тал кессең, он тал ек" демекші, қолымыздан келсе, ағаш отырғызуымыз қажет.Тіпті құстарға деген қамқорлығымыздың өзі табиғатты қорғау болып саналады, себебі құстар ағаштарды құрттардан қорғап, ал ағаштар болса, бізге оттегі береді.Табиғаттың зардаптарына төтеп беру үшін табиғатты ластамай қорғауымыз керек. 
 
 

Табиғат, сен – тіршілік, тұнып тұрған,
Сен – күнсің, көтерілген күліп қырдан,
Сен – көлсің,
Сен – ормансың,
Сен – бұлбұлсың,
Адамға сұлулықты шын ұқтырған