4 класс. Чеченская литература. «Таймин Биболатан илли»

Литературное чтение.

Тема:

1алашо: нохчийн д1адахначунна т1ера цхьацца г1уллакхаш довзийтар; турпалхой бовзийтар, церан хьуьнарш берашка д1акхачор; авторан дог- ойла нийса д1а  а гойтуш дийцаран текст еша 1амор.Даймахках дозалла дар 1амор.

  Урок д1аяхьар.

1.Ц1ера болх таллар.

  «Таймин Биболатан илли» д1адешар.

2.1алашо йовзийтар.

-Вайна тахана а евзар ю кхин цхьаъ а турпалхочун ц1е, шуна  гурд у цуьнан хьуьнарш, ца кхизачу эллина дуьхьал латтийна къийсам.

3.Керла тема хьехар.

  1. Хьехархочо д1адоьшу «Эла Мусостий, Адин Сурхой» ц1е йолу дийцар.

   2. Дошам.

Эла-миска нах бацош волу , хьал долу стаг.

Ясакх- ялтица, ахчанца, я доханца йоккхуш хилла йолу ясакх.

Тхьамданаш-баккхий нах.

Кхеташо- дагабовлар 

3. Чулацамах къамел дар.

-Мила ву Адин Сурхо?

-Мила ву эла Мусост?

-Х1унда бегна юьртара нах г1айг1ане?Цара х1ун дехар до эла Мусостега?

-Муха жп ло эла Мусостас царна? Д1аеша и меттиг.

-Муха стаг ву эла Мусост?

-Стенна кхеташо йира тхьамданша?Мила дагавеара царна?

-Хьаьнга воьху цара Адин Сурхо?

-Муха жоп ло Сурхон нанас? Д1аеша и меттиг.

-Муха зуда хетта шуна Сурхон нана?Х1унда?

-Муха къамел дира нанас Сурхога?Д1аеша и меттиг.

-Муха къамел до Сурхос дуьххьар?(дехарца, лерамца)

- Муха жоп ло Мусоста?(ца лоьруш, ша вешаш, сийсаз ванн г1ерташ)

-Шуна х1ун аьлла хетта , х1унда до Мусоста г1иллакхе доцу къамел?(1ехавелла шен бахамах)

4. Сада1аран миноташ.

5.Т1еч1аг1дар.

1.Бераша д1адоьшу дийцар.

2.Турпалхочун васт х1оттор.

-Муха к1ант ву  Адин Сурхо? ( Майра , оьзда,г1иллакхе)

-Стенах хиира и хьуна?( тхьамданашна угар хьалха иза дагавеара г1о эшча,цо ша къамел долош элега а г1иллакхе а лераме а вистхилира иза, цо майрра д1акхайкхира эла)

3.Эла Мусостан васт.

-Муха стаг ву эла Мусост?(къиза, г1иллакхдоцуш, адамаш ца лоруш)

-Стенах хиира шуна иза?(баккхийчу нахе вистхилар ирча дара, т1ечихар, Сурхога г1иллакхдоцуш къамел долийра)

4.Жам1 дар.

-Муьлха дийцар дийшира аша?

-Муьлха турпалхо вевзира шуна?

Ц1ахь: д1адеша дийцар «Эла Мусостий, Адин Сурхой» ц1е йолу дийцар., аг1о 23- 27.