Классный час: "Пословицы-мудрость народа " (1-4 классы)

МУНИЦИПАЛЬНОЕ КАЗЕННОЕ ОБЩЕОБРАЗОВАТЕЛЬНОЕ УЧРЕЖДЕНИЕ                                                          «СРЕДНЯЯ ОБЩЕОБРАЗОВАТЕЛЬНАЯ ШКОЛА СЕЛЬСКОГО ПОСЕЛЕНИЯ ВЕРХНИЙ АКБАШ» ТЕРСКОГО МУНИЦИПАЛЬНОГО РАЙОНА КАБАРДИНО-БАЛКАРСКОЙ РЕСПУБЛИКИ

Тема:    « Пословицы-мудрость народа.»

                          (1-4 классы)

Учитель

начальных классов

МКОУ СОШ СП В. АКБАШ

Тенова А.Т.

2017г

Мурадхэр:

 1. Псалъэжьхэм теухуауэ  ящ1эр нэхъри  зэрыгъэубыдын.

 2. Лъахэр ф1ыуэ лъэгъуным, ц1ыхум нэмыс  хэлъыным къыщ1эгъэтэджык1ыныр убзыхун.

 3. Псалъэжьхэм унэт1ыныгъэ  зэра1эр, ахэр щичэзум деж еджак1уэхэм  я бзэм къызэрыщагъэсэбэпыфынымк1э ягъуэта щ1эныгъэхэм пыщэн .

Егъэджак1уэм и пэублэ псалъэ

 Фи махуэ ф1ыуэ! Ди нобэрей  классщ1ыб лэжьыгъэр теухуауэ щытынущ адыгэ псалъэжьхэм.

Ар джэгу -зэпеуэу ухуауэ щытщ.  Джэгук1эм и хабзэр мыпхуэдэщ. Гупхэр ц1ыху хырых мэхъу.

Зэпеуэр 1ыхьэу зэхэтщ. Тек1уауэ къэтлъытэныр балл нэхъыбэ зи1э гупырщ.

Ди хьэщ1эхэм ящыщ жюрийуэ щытыну делъэ1унщ.

Егъэдж.   Псалъэжьхэм  лъэпкъым и гупсысэк1эр, и дуней еплъык1эр л1эщ1ыгъуэк1э щызэхуэхьэсащ. Ахэр я гъуджэщ ик1и я фащэщ  ди япэ  ита ц1ыхухэмрэ ахэр зыхэпсэухьа зэманымрэ. Псалъэжьхэр нобэми  ди  культурэм, ди гъащ1эм хэпщауэ, нэхъыщ1эр ягъэ1ущу, нэхъыжьыр яущийуэ щытщ. Дэри нобэ  абы гъунэгъу зыхуэтщ1ынщ.

Аращи , зэпеуэм и япэ 1ыхьэм  щ1ыдодзэ:

Гупхэм ягъэхьэзыры упщ1эхэр зым адрейм ирет .

  1 гуп.

1.     Сыт псалъэжьыр зищ1ысыр? (   Псалъэжьхэр к1эщ1у гъэпса жы1эгъуэщ, гъэсэныгъэ мыхьэнэ и1эу ).

2.      Акъыл щы1эц1эр хэту псалъэжьит1 жы1эн. ( Акъылыр ландыщэщ, гъэсэныгъэр дыщэ жыгщ.Акъылыр щагуэшым дурэшым дэсащ.)

3.      Бжыгъэ  блырэ т1урэ  хэту псалъэжьит1 къэхьын. ( Блэрэ къэпщи, зэ пыупщ1.   Зэкъуэшит1 зэде1эмэ , абрэмывэ кърач. )

  2 гуп.

1.     Сыт псалъэжьыр псалъэ шэрыуэм къызэрыщхьэщык1ыр? ( Псалъэжьыр  к1э зи1э жы1эгъуэщ,  псалъэ шэрыуэр жы1эгъуэм  и зы 1ыхьэщ.).

2.     Анэ щы1эц1эр хэту псалъэжьит1 къэхьын ( Анэ зимы1эм гу1эр и махуэщ. Анэр нэщи . адэр лъэпщ. )

3.     Бжыгъэ   зырэ бгъурэ  хэту псалъэжьит1 къэхьын. (Еущие зы махуэщи, хабзэ хьэху махуищщ. Дзыгъуибгъу зэде1эмэ, к1эдащхьэ трач.)

Ет1уанэ 1ыхьэ.

 Егъэдж. Лъэпкъ къэс и1эщ псалъэжь.

Адыгэ псалъэжьхэм урыс псалъэжь мыхьэнэк1э хуэк1уэ къыхуэфхь.

Бзэгум къупщхьэ хэлъкъым ( Язык  без костей. )

Узигъусэр къызже1и узищ1ысыр бжес1энщ ( С кем поведешься , от того и наберешься).

Гъэмахуэм 1эжьэ щ1ы,щ1ымахуэм гу щ1ы.(Готовь сани летом,а  телегу зимой)

Гъатхэ махуэм гъэ егъашхэ.(Весна год кормит.)

Изрэ ныкъуэрэ зэрыщ1эркъым.(Сытый голодного не разумеет)

Зы тхьэк1умэм ихьэри,адрейм къик1ыжащ.(В одно ухо вошло,в другое вышло.)

Ещанэ 1ыхьэ

Езы гупхэм ягъэхьэзыра псалъэжьхэм и пэр жа1эри, адрейхэм пащэ.

(Псалъэжь щырыщ.)

1.____________

2.____________

3.____________

1.___________

2.___________

3.____________

Епл1анэ 1ыхьэ.

 Егъэдж. Хъыбар зи1э псалъэжь.

 А) Псалъэжь  зырыз жа1эж

( 1.Къыф1эдзэ  си бзэгум.      2.Мылажьэ ягъашхэркъым.)

Б) Къэзэнокъуэ Жабагъы теухуа хъыбархэм йоплъри, абы хэт псалъэжым и мыхьэнэр жа1эж .

  Видео материалым егъэплъын .

Етхуанэ 1ыхьэ  Псалъэхэмк1э псалъэжьхэр доубзыхуж.

1 гуп

1. Гупсыси   -    -   т1ыс. ( псалъэ, зыплъыхьи)

2.Жьым   –   щ1эр  -  .  ( щытхъуи )

3.Нэхъыжь    -     и  -   мэк1уатэ. (Еда1уэ , 1уэху)

2 гуп

1.     Псэр  -    -   къащэху.  (Ящэ, напэр)

2.     Хьэщ1эр   -   ц1ыхуф1ыр -.  (гъаф1э, лъытэ)

3.     Тхылъыр    -  и   1унк1ыбзэщ . (щ1эныгъэм )

Еханэ 1ыхьэ.

Псалъэжьхэм ек1уу, къыхэгъэща псалъэр хэту псалъэжьыщ1э къэвгъэхъу.

1гуп

Л1ыгъэм и пэ хьилэр итщ.

Л1ыхъужь и джатэ бзэщхъуркъым.

Л1ыгъэщ1ап1э л1ы ик1уадэркъым.

                     Жэуап :  Л1ыгъэм 1эщэр хуэжы1эщ1эщ.

 2 гуп

Хэку зимы1эм псори щ1ы1э къыщохъу.

Хьэрэ пэт и къуажэжь ибгынэркъым.

Хэкум емык1у къылъысмэ,къыщыж.

Жэуап:Хэкум игъэгушхуэр хахуэ мэхъу.

Ебланэ 1ыхьэ.

Псалъэжьхэм я 1ыхьэ зэхэзэрыхьахэр  зэхэхыжын.

1 гуп.

Уи хэкур лъэщмэ -и псэм е1эж.

Уи адэ и щ1ап1э гъэдахи,уогушхуэ.

Уи нэм къе1эм-уи анэ дахэу епсалъэ.

2 гуп.

1уэху мыублэ щ1эгъуаф1экъым.

1уэху ц1ык1у щы1экъым, блэ хэсщ.

1уэхур жы1эгъуаф1э щхьэк1э-щы1эр л1ы ц1ык1ущ.

Егъэджак1уэ:

Ди лэжьыгъэм и к1эухыу  псалъэжьхэр л1эужьыгъуэу зэрыгуэшар къызэрывгуры1уар къыдохутэ.

1.Лэжьыгъэ, гуащ1эдэк1

Улажьэмэ лыжь пшхынщ,

умылажьэмэ лажьэ бгъуэтынщ.

 2.Щ1эныгъэ

Щ1эныгъэ уи1эмэ улъэщщ

3.Дуней , гъащ1э, зэман

Зэманым дек1ур л1ыф1щ

4.Хабзэ

Хьэщ1ап1э ук1уамэ зумыгъэгувэ

5.Гъэсэныгъэ

Нэхъыжьыр гъэлъап1и , уи щхьэр лъап1э хъунщ.

6. Ц1ыхугъэ

Ц1ыхуф1 и тхьэк1умэ дэгущ.

7. Ныбжьэгъугъэ

Махуаем бгъуэтыжыр ныбжьэгъущ.

8.Хэку

 Хэкум емык1у къылъысмэ , къыщыж.

Проект ыр доскам деж къыщагъэлъэгъуэж

Жюрийм псалъэ идот.

 Ди нобэрей зэпеуэр и к1эм нэсащ. Зи гугъу тщ1а псалъэжьхэр фигу ивубыдэрэ ахэр и чэзум къэвгъэсэбэпыфмэ ди лэжьыгъэр къыдэхъул1ащ.

Фыпсэу. Узыншэу фыщытхэ.