Конспект урока по крымско-татарскому чтению 3 класс

Янъы мевзуны еткизюв.

- Мен сизлерге гузель бир дёртлюк окъумагъа истейим, дикъкъатнен динъленъиз!

1)Баарь кельди.

Кунеш нур сачты.

Къаялар джапында

Наргюзлер ачты.

- Насыл мевсим тасвирлене бу сатырларда? (Баарь)

- Эбет, бу шиирде баарь мевсими тасвирленгендир !Бу ресимлерге бакъып айтынъыз, дерсимизде насыл мевзу акъкъында сёз юрьсетеджекмиз?

Талебелер. - Баарь акъкъында.

- Баарь акъкъында джумлелер тизип бири-бирине къошсакъ не олур? (Икяе, метин)

- Метиннинъ эсасен къач къысымы ола?(3къысымы)

- Метиннинъ мевзусыны не бильдире? (серлева)

2).Талебелернинъ бильгилерини актуализациясы.

-Бир йылда къач мевсим бар?

- Баарь насыл мевсимден сонъ келе?

-Баарь айларынынъ адларыны айтынъыз.

-Баарьден сонъ насыл мевсим келе?

-Баарьде ава насыл ола?

- Тереклер насыл тюсте ола?

- Этрафымызда даа нелер коремиз?

3). Чифтликте чалышув.

Чифтликте чалышув къаиделерини текрарлав. Сыныф 6 вариантта чалышкъан талебелерге болюне. Эр бир варианткъа экишер къарышыкъ джумлелер дагъытыла. Сёзлерни тертипнен ерлештирип джумлелер тизмек керек. Учюнджи джумлени эр бир вариант озю яза.

1 вариант. Табиат, баарьде, джанлана. Ола, сыджакъ, кунь куньден.

2 вариант. Ачыла, дюльбер, чечеклер, тереклерде.

Къушлар, келелер, къайтып, эвлерине.

3 вариант. Мавы, кок, ачыкъ, тюсте. Сачты, нурларыны, кунеш.

4 вариант. Ер, бутюн, ола, ем-ешиль. Иш, чёллерде,башлана.

5 вариант. Узайып, башлады, куньлер. Къыскъара, геджелер.

6 вариант. Мевсимини, пек, бегенем, мен, баарь! Джанланалар, осюмликлер, инсанлар,айванлар.

Тешкерюв.

1 вариант. Баарьде табиат джанлана. Кунь куньден сыджакъ ола.

2 вариант Тереклерде дюльбер чичеклер ачыла. Къушлар къайтып эвлерине келелер. Инсанлар, айванлар, осюмликлер джанланалар.

3 вариант. Кок ачыкъ мавы тюсте. Кунеш нурларыны сачты.

4 вариант. Бутюн ер ем – ешиль ола.Чёллерде иш башлана.

5 вариант. Куньлер узайып башлады. Геджелер къыскъара..

6 вариант Баарь мевсимини мен пек бегенем! Инсанлар, айванлар, осюмликлер джанланалар.

Талебелер бири-бирини тешкерелер.

4). Баарь акъкъында тизильген метинни ким къыскъадан айтып береджек? (Бир я да эки талебе агъзавий айталар)

5).Дефтерлерде иш. Тизильген джумлелерни язув.

Раатлыкъ дакъкъасы.

 Пекитюв.

«Догъру – догъру дегиль» оюны.

1) Март, апрель, майыс - кузь айларыдыр.

2) Баарьде ава сувуй.

3) Тереклер ешере.

4) Баарьде къушлар сыджакъ улькелерден учып келелер.

5) Тереклернинъ япракълары сары ве къырмызы тюсте олалар.

6) Баарьде бизде баарь татили ола.

7) Баарь къыштан сонъ келе.

8) Баарьден сонъ яз келе.

9) Баарьде куньлер къыскъара, гедже узай.

10) Баарьде кок мавы ола.

Рефлексия.

- Мен ичюн дерс пек меракълы кечти…

- Бу дерстен мен чокъ янъылыкълар бильдим….

- Мен дерсте чокъ шейлерни анъламадым….

Эв иши. «Мен баарьни севем» мевзусында къыскъа инша язмакъ.