Крымскотатарский язык

Мевзу: Ренклер.                                           ___________2021 с.

Макъсат: Ренклернинъ адларыны нутукъта къулланмакъ 

Огретюв:  ренклер  акъкъында бильгилерни къавийлештирюв, ренклернинъ ролюни

бильдирмек

Инкишаф этюв: талебелерни къыясламагъа, фикир этмеге, нетидже чыкъармагъа

Тербиевий: дерсте алынгъан бильгилерге актив мунасебет тербиелемек.

Мерифет УОА (универсаль окъув арекетлер) УУД (познавательные):

- мевзуны анълатув;

- оджа ве талебенинъ бирликте беджерген ишлерининъ нетиджелерини чыкъарув;

- вазифелерде берильген суаллерге джевап тапмакъ, вазифелерни беджермек.

Регулятив УУД (регулятивные):

- талебенинъ оджа ярдымынен дерстеки арекетлернинъ макъсадыны тайинлев;

- Коммуникатив УУД (коммуникативные):

- озь фикирлерини агъзавий шекильде ифаде этюв;

- динълемеге ве башкъаларнынъ айткъанларыны анъламагъа огретюв;

- Шахсий нетиджелер:

- мевзуны ве вазифелерни беджергенде озь мунасебетини косьтерюв;

- талебелерде къартларгъа урьмет дуйгъусыны ашлав.

Донатмасы: дефтер, дерслик, ресимлер, ренкли къалемлер

Дерснинъ чешити: янъы мевзуны анълатув.

Дерснинъ кетишаты:

Тешкилий муит

Мектеп чанъы чынъылдай,

Сеси кескин янъгъырай,

Дерске вакъытында кирем

Кеч къалмайып бир дирем.

                                 ( С. Усеинов)

Оджа: - Мерабанъыз, балалар! Бири-биринъизге кулюмсиринъиз. Бугуньки  дерс сизге

яхшы истеклер кетирсинъ. Бугунь дерсте, балалар, сизни чокъ меракълы вазифелер

беклейлер.

Невбетчининъ рапорты:

- бугунь насыл кунь?

- бугунь насыл сан?

- бугунь насыл ай?

- ким бугунь сыныфта екъ?

Мотивация  
Тахтада язылы сёзлернинъ биринджи сеслерни сечип, бугуньки дерсимизнинъ

мевзусыны окъуп билирсинъиз.
Р емзие

Е льпазе

Н ар

К итап

Л енара

Е ль

Р иджа

- Машалла! Бугуньки мевзумыз «Ренклер». Бугунъ дерсте нутукъларымызы

зенгинлештиреджекмиз ве янъы мевзуны кечеджекмиз.

Янъы мевзуны анълатув:

Лугъат иши ( тахтада язылмыш):

Ренклер, ешиль , сары, къаверенки, къырмызы , мор, беяз, къара , мавы.

Мевзу боюджа иш.  

Оджа:

- Япракълар терекнинъ устюнде насыл тюсте олалар?

Талебе:

- Япракълар терекнинъ устюнде ешиль тюсте олалар.

Оджа:

- Сизде бостанда насыл тюсте биберлер осе?

Талебе:

- Бизде бостанда сары, къырмызы, ешиль тюсте биберлер осе.

Оджа:

- Ким биле къаве насыл тюсте ола?

Талебе:

- Къаверенки тюсте ола.

Оджа:

- Энди тикаран раатланайыкъ (Слайд 5)

Раатлыкъ дакъкъасы:

Онъгъа бакъам.

Солгъа бакъам,

Ашагъы ве тепеге,

Башлайым секирмеге

- Раатландынъыз, энди девам этейикъ.

Янъы мевзунынъ девамы

Оджа:

- Къана айтынъыз джилек насыл тюсте ола? Ким биле?

Талебе:  

- Джилек къырмызы тюсте ола.

Оджа:

- Къышта къар насыл тюсте ола?

Талебе:

- Къар беяз тюсте ола?

Оджа:

- Ресимге бакъып айтынъыз насыл бу ренк?

Талебе:

- Бу ресимде  мавы ренк.

Оджа:

- Айтынъыз, бу ким? Насыл тюсте мышыкъ?

Талебе:

- Мышыкъ къара тюсте.

Пекитюв:

- Дефтерлеринъизни ачып кок къушагъыны ресим япынъыз.

- Машалла!

Чифтлерде иш: (Рисунок с шариками)

дерснинъ башында, мен сизин ралелеринизге ресимлерини къойдым, оларыны алып, биз шимди оларыны тюсленеджемиз.

Нетиджелев.Рефлексия. (Слайд 11-12)

- Сиз бугунь насыл мевзуны кечтинъиз?

(Ренклер)

- Дерсни бегендинъизми?

(Бегендик!)

- Сиз бугунь яхшы чалыштынъыз! Машалла! Энди сиз озюнъизге де

ренкли "баа" къоюнъыз: пек яхшы- къырмызы алма, яхшы- беяз чечек я да ярамай-

ешиль япракъ .

- Дерсимиз битти.

Чокъ сагъ олунъыз! Сагълыкънен барынъыз!