МЕН- ТӘРБИЕШІМІН (эссе)

МЕН­ ТӘРБИЕШІМІН Бабаниязова Мейрамгуль Садуакасовна  «Нұр­ай бөбек» балабақшасы, Ақтөбе облысы, Мәртөк ауданы, Сарыжар  ауылы. Қазіргі   заман  талабы  ­  жаңартылған  білім  негіздеріне   негізделіп  отыр. Ол       ­   дамыта   оқыту,   даралап – деңгейлеп   оқыту, болжап   оқыту. Олай болса     аталған       жүйе     ұстаз     атты     жандардан     терең     білімді,     үлкен жауапкершілікті,  шығармашылық  пен зор  еңбекті  талап  етері  сөзсіз.            Қазіргі   заман   иесін   тәрбиелеу,   әлемдік   білім   деңгейіне   көтерілу, өркениет  өріне  шығу  оңай   іс  емес.       Тәрбиеші :   ол ­  ұстаз,  ол  ­ бапкер.  Ұлы  ғұлама ­  ұстаз  әл – Фараби:  « Балаға  ең  алдымен  дұрыс  тәрбие  беру керек, тәрбиесіз   берілген   білім   ­   адамзаттың   қас   жауы, ол   келешекте   оның өміріне  опат  әкеледі», ­ деп  бекер  айтпаса  керек.       Тәрбиеші  еңбегінің  күрделілігі  ­  әрбір  бүлдіршіннің  жүрегіне  жол  таба білуінде.       Бүгінгі  тәрбиеші  ­  жан­жақты  сауатты, ұлттық  мәдениетіміз  бен  салт­ дәстүрімізді   бойына   сіңірген,  тарихын  терең   зерделей   білетін,   рухани дүниесі  бай,   өзін  де  өзгені  де  сыйлай  білетін,  қиялы  ұшқыр  жандар.       Тәрбиеші  ­  ұстаз  ол ­  саяси  сауатты,  заман  ағымына  сай  жан­жақты білімді,  бала    жанын     тани     білетін,    онымен    үндесе     алатын     психолог. Сонымен   бірге оның бойында   өз   ісіне деген   құштарлық,   балаға   деген сүйіспеншілік  болуы  керек.       Дана  бабаларымыз:  «Білгенім  ­  бір  тоғыз,  білмегенім  ­  тоқсан  тоғыз» деп   бекерге     айтпаған.     Сондықтан     әр   маман   өз   кәсібі   негізінде   үздіксіз іздену,  үнемі  үйрену  жолында  болуы  керек.      Мен «Балақай»  тобындағы  2­3 жасар  бүлдіршіндермен  жұмыс  жасаймын. Оқыту  мен  тәрбиелеудің  басты  міндеттерінің  бірі  ­  патриоттық  сезімді дамыту;     яғни     ұлттық   нышандарды     тани     білу,    оларды     қастерлей     де құрметтей     білуге     баулу.   Мен     осы     жолда     өз     тобымда     «Менің Қазақстаным»,     «Ұштаған   –   менің   ауылым»     атты   танымдық       шаралар өткіздім. Ондағы   мақсатым   өз   еліне,   туған   жеріне   деген патриоттық сезімдерін  қалыптастыру.         Менің   бағдарламалық     жүйе     бойынша     әдістемелік     мақсатым: «Тақырыптық  ойындар  арқылы  балалардың  сөздік  қорын  дамыту». Осы мақсатта   сюжеттік­ертегілік   ойындар   арқылы   балалардың   сөздік   қорын байытып, өз   ойларын   тиянақты   жеткізе   білу,   үйренген   жаңа   сөздерін дұрыс     қолдана     білу,   өзара   қарым­қатынасқа   түсе     білу     дағдыларын қалыптастыру.         Атап  айта  кетер  болсам,  әр  мереке  кездерінде  мерекелік  ертеңгіліктер өткіземін.  Сонымен  қатар  ұлттық  салт­дәстіріміз  негізінде « Тұсау  кесу» рәсімін  сахналық  көрніс  арқылы  көрсеттім.       Балаға  білім  беру,  білім  бере  отырып ­  тәрбиелеу  әрбір  тәрбиеші  ­ ұстаздың басты  міндеті  де  борышы.  Аяулы  да  сүйікті  ұстаз дәрежесіне жету, әр  бүлдіршіннің  мәңгі  есінде  қалу  ол  оңай  іс  емес.  Ол  жылдар бойы  төгілген  тердің   нәтижесі. Ұлы  Абай : «Адам  өмірге  келгенде  екі түрлі   мінезбен   келеді;   бірі­ ішссем,   жесем, екіншісі – білсем, көрсем . Біріншісі   –   тән     азығы,     екіншісі   –   жан     азығы.   »     Олай     болса     Ұлы данышпанның   нені   меңзегенін   дұрыс   түсіне   отырып,   бүгінгі   бүлдіршін, ертеңгі  ел  болашағы  екенін  естен  шығармайық.       Мен  өзімнің  «Тәрбиеші»  мамандығын  таңдағаныма  мақтанамын. Өйткені мен  елімнің  ертеңін   тәрбиелеп,  баулып  отырмын.