Pedagogik amaliyot (Педагогическая практика)

 Mavzu. Pedagogik amaliyot. 

O`qituvchi: N. Sultonova

Mavzu. Pedagogik amaliyot

 Mashg`ulot rejasi:
1. Pedagogik amaliyotning mazmuni.
2. Pedagogik amaliyot va uni tashkil etish yo‘llari.
3. Amaliyot hujjatlari va ularni rasmiylashtirish.

Pedagogik amaliyotning mazmuni.
Pedagogik amaliyot bo‘lajak o‘qituvchilarni tayyorlashning shunday bosqichiki, bunda har bir o‘quvchiga ta’lim-tarbiya berishda oliy o‘quv yurtida to‘plagan bilim hamda o‘quvlarining hammasidan kompleks tarzda foydalanishga to‘g‘ri keladi.
Shuning uchun pedagogik amaliyot vaqtida o‘qish jarayonidagi barcha kamchiliklar yaqqol ochilib qoladi. Shunday qilib, pedagogik amaliyot o‘ziga xos imtihon hisoblanadi.

Amaliyotchi-talabaning yoshi u rahbarlik qilishga to‘g‘ri keladigan o‘quvchilar yoshidan juda kam farqlanadi. Bunday vaziyatda birinchi kundanoq to‘g‘ri yo‘l tanlash, ya’ni o`quvchilar bilan munosabatga kirish usullsarini to`g`ri tanlash juda muhimdir. Tajribalarning ko‘rsatishicha, amaliyotchi o‘quvchilar bilan to‘g‘ri munosabatda bo‘lsa, ya’ni ularga hayrixoxligi va kamtarligini namoyon qilsagina u tezda o‘quvchilar bilan inoqlashib ketadi.

O‘quvchilar amaliyotchining ham o‘quvchi (talaba) ekanligini yaxshi bilishadi va unga har tomonlama yordam berishga harakat qilishadi.

Bu davrda amaliyotchining tashqi qiyofasi ham muhim rol o‘ynaydi, u o‘quvchilarga namuna bo‘lishi kerak.

Amaliyotchi-talabaning sinfda bo‘ladigan barcha tadbirlarda qatnashishi, uning o‘quvchilar bilan yaxshi munosabat o‘rnatish garovidir. 

O`quv amaliyotining maqsadi

O’quv amaliyoti talabalarning barcha mutaxassislik fanlaridan egallagan nazariy bilimlarini mustahkamlab zaruriy o’quv malaka va ko’nikmalarini shakllantiradi.
Amaliyot davrida talabalar me’yoriy hujjatlar va ularni tayyorlashni, ish jarayonida foydalanishni o`rganadilar hamda ular o’quv-tarbiyaviy ishlarni kuzatadilar.

Keyingi vazifalar:
Mutaxassislik fanlarida o`rganilgan metodlardan foydalangan holda talabalarni turli dars mashg‘ulotlarni o‘tishga tayyorlash.
5. Sinf rahbari vazifasini bajarishga, o‘quvchilar jamoasi va o‘quvchilar bilan individual tarbiyaviy ishlarni olib borishga o‘rgatish.
6. Talabalarning o‘z kasbiga bo‘lgan qiziqishini oshirish va mustahkamlash, ta’lim va tarbiya masalalarini ijobiy hal qilishga o‘rgatish hamda pedagogik fanlarga bo‘lgan intilishlarini shakllantirish.

O‘quvchilar sog‘ligini muhofaza qilish uchun zarur bo‘lgan bilim, ko‘nikma va malakalarini hosil qilish.
Shaxsiy, kalendar mavzuli va tarbiyaviy ishlar rejalarini tuzish va reja-konspekt hamda tarbiyaviy tadbir konspektlarni yozishni o‘rgatish.
O‘quvchilarning o‘zlashtirish va qabul qilish qobiliyatlarini faollashtiradigan usullarni qo‘llagan holda mustaqil darslar o‘tkazishga tayyorlash.

Maktab direktori, o‘rinbosarlari, jamoat tashkilotlari, axborot resurs markazi, fan o‘qituvchisi, sinf rahbari va boshqa pedagog xodimlar ishlarini o‘rganish va tahlil qilish.
Bitiruv ishi uchun materiallar to‘plash, tajriba ishlarini yo‘lga qo‘yish, tajribali o‘qituvchilardan maslaxatlar olish.
O‘z ixtisosligi, pedagogikaga oid bilimlarini mustahkamlash va pedagoglik kompetentligini takomillashtirish.

O’quv amaliyoti ketma-ketlik va bosqichma-bosqich xususiyatga ega bo’lib, talabalar faoliyatini, vazifa va mazmunini navbatma-navbat murakkablashtirish xususiyatiga asoslanib qurilgan.

Talabalarning pedagogik amaliyoti maktabgacha ta`lim tashkilotlarida, barcha turdagi umumta`lim maktablarining 1-11 sinflari, kasb-hunar maktablari va talabaning yo‘nalishiga bog‘liq bo‘lgan boshqa o‘quv-tarbiya muassasalarida o‘tkaziladi.
Amaliyot boshlanishidan oldin uning vazifalariga oid dastlabki tushuntirish anjumanlari o‘tkaziladi.

Amaliyotning birinchi haftasida

talabalarni maktab, sinf va o‘quvchilar bilan olib boriladigan o‘quv-tarbiyaviy ishlari bilan tanishtirishga, darslarni tahlil qilishga ajratiladi.

Amaliyotchi unga biriktirilgan sinfda barcha o‘qituvchilarning darslariga kiradi, sinfdan tashqari bajariladigan ishlari bilan tanishadi va 1- hafta oxirida butun amaliyot davri uchun o‘z rejalarini tuzadi.
Keyingi haftalarda talabalar maktabdagi pedagogik amaliyotning umumiy rejasi hamda guruh rahbari tomonidan tasdiqlangan shaxsiy reja bo‘yicha ish olib boradilar.

Tarbiyaviy ishlarni olib borish uchun, qoidaga muvofiq, talabalar har bir sinfga bittadan biriktirib qo‘yiladi. Ular oldin sinf rahbariga yordamchi bo‘lib ishlaydi, keyin esa sinf rahbarining barcha vazifalarini bajarishadi. Bundan tashqari amaliyotchilar o‘z mutaxassislik fanlari bo‘yicha sinfdan tashqari ishlar ham olib borishadi.

Pedagogik amaliyotda talabalar turli topshiriqlarni bajarishadi.
Amaliyotchilar ishiga fan o‘qituvchilari rahbarlik qilishadi.
Pedagogik amaliyot mobaynida talabalar muttaxassislik kafedralaridan biriktirilgan o‘qituvchilardan maxsus topshiriqlarni bajaradi.
Soha bo‘yicha kafedra o‘qituvchilaridan tarbiyaviy ahamiyatga ega bo‘lgan maxsus topshiriqlarni bajaradi.

Pedagogik amaliyot vazirlik (muassasa) tomonidan tasdiqlangan o‘quv rejasiga asosan ma’lum bir vaqt bo‘yicha tashkil etiladi.
Amaliyotga chiqqan talabalar pedagogik amaliyot ko‘rsatma va dasturida belgilangan barcha tartib-qoidalarga qat’iy amal qiladi.
Har bir amaliyotchi pedagogik amaliyotni belgilangan muddatda o‘tashi lozim.

bunda talabaning amaliyot obyektida olib boradigan barcha ishlari aks etishi lozim. Bundan tashqari unda guruh tarbiyachilari va tarbiyalanuvchilar haqida ma'lumotlar, kun davomida o`tkaziladigan tadbirlar haqida ma`lumotlar, amaliyot haqidagi taassurotlar qayd etiladi.

Kuzatilgan dars nomi ______________
Sana____________________________
O’qituvchi F.I. _____________________ Sinf________
Jami o’quvchi soni________
Darsda qatnashuvchi o`quvchi soni____

Tahlildan maqsad__________________

1. Mavzuning tartib raqami
2. Bo`lim nomi
3. Mavzu nomi
4. Ajratilgan soati
5. O`tish uchun belgilangan (taxminiy) kalendar muddat
6. O`tilgan vaqti

Amaliyot o`quv yilining qaysi davrida rejalashtirib o`tkazilayotgan bo`lsa ham, o`sha davr mobaynida o`tkazilgan bayram va tadbirlar ssenariysi ishlab chiqiladi.
Masalan: amaliyot fevral-mart oylarida bo`lsa
A. Navoiy, Z. Bobur tavallud kunlari,
8 Mart bayrami, Navro`z bayrami va b.

Pedagogik amaliyotini o`taganligi haqidagi amaliyotchi-talabaning hisoboti.
 Bu hujjatda talaba pedagogik amaliyot davrida barcha olib borgan (biriktirilgan sinfi bilan olib borilgan ishlar, o`quvchilar bilan taskhkil etilgan individual ishlar, kuzatib tahlil qilingan darslar miqdori, o`tkazilgan darslari miqdori, tashkil etgan tadbirlari va boshqa) ishlari haqida hisobot tayyorlanadi.

Pedagogik amaliyot davomida yuritilgan barcha hujjatlar AMALIYOT PAPKASIga joylanib amaliyot rahbariga topshiriladi. Amaliyotga rahbarlik qiluvchi uslubchi-o`qituvchi talabaning amaliyotdagi faoliyati va hujjatlari asosida baholaydi.
Amaliyot hujjatlari kafedra (muassasa) arxivida saqlanadi.

E`tiboringiz uchun rahmat !