Презентация

Хьехарсахьтан ц1е:
Дийцар «Ч1ерий дахар».

1алашонаш.
1аморан: дешархойн хаарш зер, 1амийнарг карладаккхар;
кхиоран: берашна керла дийцар «Ч1ерий дахар» довзийтар; нийса а, кхеташ а, шера а дийцаран тексташ йеша 1амор; ойлайар, тидамбар кхиор;
кхетам - кхиоран: 1аламе болу безам кхиор.

Билгалбаьхна кхиамаш: берашна 1емар ду йаздархочун дог- ойла гойтуш дийцаран текст йеша, 1емар ду шайн белхан план х1отто, цу плана рог1аллица дешаран навыкаш карайерзо. Берашна 1емар ду 1аламан тидам бан, цуьнан пусар дан, доладан. 1аламе безам г1ур бу дешархойн.

Догдаийтаран мур.
Х1етал - металш:
1. Б1ог1ам а ца хоттош дина раг1у?
2. Тата ца деш, г1ара а ца йеш корах чуйог1ург?
3. Цхьа дог долу ши ваша?

Нийса дуй талла.
Х1етал – металш:
1. Стигал.

2. Серло.

3. Тукар.

Ц1ера болх таллар.
1. Бераша д1адоьшу «Аьхке дагалацар» ц1е йолу дийцар.
2. Дешаре шовкъ кхоллар.
Дог1а
Дог1а дог1у, дог1а дог1у,
Лаьттахь ловзу чуьппалгаш.
Когаш 1уьйра девлла уьду,
Бераш, урам хедабеш.
Церан аьзнаш дека хезаш,
Болар сихдо дог1ано.
Йекхайелла йаххьаш лийчош,
Т1адамаша хелхар до.
(Т. Ахмадова)
- Массара цхьана д1айеша байт.
- Шера д1айеша.
- Стенах лаьцна йу байт?
- Аша леладой иштаниг?

1алашо йовзийтар.
  - Муьлха дийцар доьшур ду вай?
- Кхин х1ун дийр ду вай?
- План х1оттайе шайн белхан.
Суна девзар ду…
Суна 1емар ду…
Суна хуур ду…

Керла тема хьехар.
1. Хьехархочо д1адоьшу дийцар «Ч1ерий дахар»
2. Чулацамах къамел дар.
- Шеран муьла зама йу дийцар т1ехь йалийнарг?
- Мича ваханера ши к1ант?
- Х1ун дира цара цигахь?
- Аша лецний цкъа а ч1ерий?
- Хи йистехь муха лела веза? Нехаш йита мегар дуй хин
йистехь? Х1унда? (Хи бехлур ду)
- Хи бехделча х1ун хир ду? (Ч1ерий лийр а ду, хи адамаша молу,
адамаш а цомгуш хир ду.)
 

Сада1аран миноташ.
 
Дог1а.
Мохо мархаш лоьхку, лоьхку,
Мархаш йоьлху, йоьлху.
Т1адамаш лаьтта 1ена, 1ена, -
Мала хи, к1а, мала.
 
К1ено охьатаь1ий:
Молу, молу, молу.
Мела дог1а, ца соцуш,
Дог1у, дог1у, дог1у.

Самукъане материал. Кроссвордан йеак1овш хьалайуза, дог1у дешнаш а йаздеш.1. Дийнан хан.2. Уьстаг1ан к1орни.3. Дайн г1иллакхаш, ламаст.4. Балахьегар.5. Къаьмнийн тайпа.6. Пачхьалкхехь куьйгалла дийриг.

Нийса дуй талла:

Керла тема кхин д1а а хьехар.

1. Бераша д1адоьшу дийцар «Ч1ерий дахар».
2. Дийцар схьадийца кечам бар.
- Д1айеша хьалхара абзац. Стенах лаьцна йу иза?
Х1ун ц1е туьллур йара ахьа цунна?

1. Ч1ерий леца дахар.
Д1айеша шолг1а абзац. Стенах лаьцна йу иза. Х1ун ц1е туьллур йара вай цунна?

2. Дика меттиг.
Д1айеша кхоалга абзац. Стенах лаьцна йу иза.
Х1ун ц1е туьллур йара вай цунна?

3. Айма.
Д1айеша йоьалга абзац. Стенах лаьцна йу иза.
Х1ун ц1е туьллур йара вай цунна?
 
4. Сулимин таллам.
 

Дийцар схьадийцар.
- Дийца, стенга ваханера ши к1ант?
- Муха меттиг карийна дуьйцуш волчунна?
- Мича тийсира цо ч1ерий?
- Хьан ца лаьцнера ч1ерий?
- Сулимас х1ун таллам бира?
 

Жам1 дар.
- Муьлха дийцар дийшира вай?
- Стенах лаьцна дара иза?
- Х1ун дара шуна хазахеттарг?

Рефлекси.
Дийца шайн кхиамех лаций.
Суна 1еми…
Суна хии…
Суна кхета хала дара…
Со ца кхийти…

Массарна а даггара баркалла!!!