Вежалун "Менам дона мам"

Муниципальнöй автономнöй  общеобразовательнöй учрежденнё «Ошибскöй шöрöт общеобразовательнöй школа»   Коми –пермяцкöй вежалун « Менам дона мам». Уджсö керис велöтісь  начальнöй школаись Брагина  Светлана Анатольевна 2016 Поянительнöй гижöт. Öння кадö   чужан кыв велöтöмлöн доныс   öддьöн ыджыт. Сы отсöтöн челядь   пондöтчöны   тöдсасьны   асгöгöрся   оланöн,   велалöны   думайтны, пондöтчöны велöтчыны. Чужан кыв отсалö челядьлö  кокнитжыка велöтны роч кыв, а сёрöнжык – иностраннöй кыв.  Ōння кадö  мам кыв отсöтöн велöтiсь зорöтö  велöтчиссезлісь чужанiн да кыв дынö  радейтöм, нiйö  донтöм, отирлöн вужжез да культура дынö  пыдын интерес. Чужан кыв отсалö зорамны велöтчисьлö  быд  ладорсянь.  Эта   вежалуныс   лоö   актуальнöйöн   ,   сідз   кыдз   челядь   уна   лыддясö   и велöтасö мам кыв вылын фольклорись жанррез. Моггез   :  1.Паськöтны   челядьлісь   знаннёэз   коми­пермяцкöй   фольклор йылісь, зорöтны чужанін дынö радейтöм. 2. Пыдынсьöтны сёрни. Коми –пермяцкöй вежалун « Менам дона мам». Залыс вачкисьö коми –пермяцкöй керку  вылö. Стенаэз вылын  öшалöны  чышкöттэз, джодж вылын кыйöм половиккез, стенаэз  дынын  сулалöны  лабиччез, а  керку угöлын сулалö ö Керку  шöрын сулалö ыджыт пызан, а сія вевттьöм  пызандöраöн. Пызан вылын  сулалö самовар и сы гöгöр коми­пермяцкöй сёяннэз да юан. Вежалунлöн  мунöм.  Вежöрдзоля: Бур лун дона челядь!  Сизимок: Бур лун дона гöссез! Вежöрдзоля: Пырö   да пуксьö! Сизимок: Пым привет тіянлö коми му вылын. Вежöрдзоля: Пым поклон тіянлö миян  школаын. Сизимок: Мийö талун пондам баитны меддона  да  медлюбитана  морттэз  йылісь. Этö…  Челядь :  Маммез. Вежöрдзоля: Мийö дыр лöсьöтчим эта вежалун кежа, заптим каждöй морт  понда шут, сказка и мöдік орсаннэз. 1 велöтчись: ­ Кин нö самöй ласковöйыс?                      ­  Менам мамö.                      ­  Кин нö самöй басöкыс ?                      ­ Тожö мамö.                        ­  Кин нö самöй     удавыс?                      ­ Менам мамö.                         ­ Кинöс ме  радейта?                      ­ Ассим мамöс.                      ­ Кинöс ме любита?                      ­  Дона мамöс.        2 велöтчись: Медшоныт кылыс –кытшöм?                       Меднебыт кылыс –кытшöм? Медшоныт кылыс –мама.                       Меднебыт кылыс –мама. Вежöрдзоля: Сьылам маммез понда сьыланкыв «Мамочка –мама» Сизимок: Каждöй морт дона радейтö ассис дона кыв, сідз кыдз эта кыв вылын  баитöны тіян аймаммезныт. Нія чужисö коми му вылын и мийö    бура  должны  радейты мам кыв , сідз кыдз радейтат  тійö ассиныт маммезнытö. Вежöрдзоля:  Мам – кытшöм дона кылыс, Сизимок:        Мам – кытшöм  бур ёрт.  Вежöрдзоля : Мам – кытшöм, тэ ласковöй.  Сизимок:       Мам – кытшöм , тэ золотöй. Вежöрдзоля:  Мамыс медбур советчик. Сизимок: Мам кылыс точнöя, веськыта да мичаа вермö висьтавны быдöс  йылісь, дзир колö тöдны сійö, радейтны да уважайтны.  Вежöрдзоля: Мама – эта самöй святöй кыв быд мортлöн. Сія лун и ой миян  подна пессьö, миянöс радейтö и видзчисьö,кытöн  тійö бы эд вöлö. Сизимок: Не весь  эм пословица роч кыв вылын  ,кытöн мамсö сравнивайтöны  родинакöт. Этö пословицасö тійö быдöныт тöдат. Ноко висьталам меным. «Родина –мать , сумей за неё постоять.» «Родина –мам,   куж сы понда сулавны.» Вежöрдзоля : Любимöй и самöй дорогöй маммез! Примитö миянсянь этö  поздравленнёсö. Лоö здоровöйöн , счастивöйöн и дыр овны да дыр и дыр  радуйтчыны челядьлісь  удж   Мам первöй велöтісь  и  самöй близкöй ёрт  аслнаыс челядь понда. 3 велöтчись:     Менам мамö –медбур мам,    Эн кутчись споритны,    Бытшöм,том и öддьöн рам.    Оз позь не любитны.   Сэсся чожыкыс –некин.   Быд дорö велöтас.   Волькыт юра, сэтöрсин,   Уджын, жыв серöтчö.   Мама, нимтö ог саöсьт,  Тэ  эд менö тöдан. А кöр быдма, ог бöбöт,  Тэ кодь лоны мöда. 4 велöтчись: Менам мамö велöтісь, Школаын уджалö,  Но ,а тятьюö юрвердісь – Быдтö нянь страналö. Сизимок : Ноко, чожа челядёк , кыдз ми кужам тэчны кок.  Вежöрдзоля: Мамаез понда ог жалейтö мийö вын и бытшöм удж. Сизимок : Йöктам танец  «Лёнок» Нылочкаэз  музыка сьöрті йöктöны танец «Лёнок» Вежöрдзоля: Ох ,кытшöм миян танцоррез. Быдыс ас мознас асьсö мыччалö .  Ыджыт аттьö, дона челядь. Сизимок : Мийö  эта вежалун вылын пондам чулöтны    конкурссэз маммезныт  понда.   Ась тійö тожö радуйтчат асланым мам понда. Вежöрдзоля: Тійö конечно од тöдö ассины первöй пантасьöм.А маммезныт  вöліöсь öддьöн счастливöйöсь  эта пандасьöмлö.  Учитик киоканыт тіян вöлі  домалöм  биркаок,кытöн вöлі гижöмась фамиллё,ним, да айним мамнытлöн, а  тіян сэтöн гижöм число, вес  рост да эшö и времяыс . Эта биркоаокыс тіян вöлі  киоканыт горт мунöмöдз. Может и сё эшö эмöсь тіян юасьö и пондат тöдны ас  йывсиныт. Сэк мамныт видзöтіс тіян вылö и вежöртіс ,что сылöн какаыс самöй  любимöй, самöй желаннöй и самöй басöк. Маммезныт пыр пондасö тіянöс  любитны и жалейнты ,мымда нія пондасö овны.  Сизимок :  Дак любитö и тійö ассиныт маммезнытö и эд нійö обижайтö.  Пыр  тіян мамезныт только сералöны, а оз горзö. Мам йылісь уна эмöсь кывбуррез.  Кывзам  мийö,мый лöсьöтісö тіян пиэз.  5 велöтчись:    Мамыс ассис ныв мöдöттöн,     Гажа песня сьыліс.    Перво йöрнöсок пасьтöтіс    Дона нылыс вылö.    Йöрнöсокыс чочком ­    Öддьöн вöснит сторчка. Мамыс песнясö сьылыштіс,    Кöр кöмöтіс  сійö:     Виль резинкаэз кизьыштіс    Сылö  быд чулкиас.    Басöк чулкиоккез    Кокас нываоклöн!    Мамыс песнясö дугдöтіс,    Мамыс ассис ныв пасьтöтіс:   Платье гöрд, эшö тусёка,   Туфлиоккез вильöсь кокас.   Вот кыдз мамыс дöс лöсьöтіс,   Нывсö Май кежö мöдöтіс!   Золотöй эд мамыс. 6 велöтчись:    Талун Петя и Алёна    Лöньöсь, дзик аканнез:    Нія ассьныс соя –вона,    Керöны пелиняннез.   Нылочка кöрыш быгрöтіс,   Пельнянь яй сорлыштас,   Воныс пельнянь пöв лöсьöтіс   Да пельнянь кöстыштіс.   Шогмис басöк,волькыт, сöстöм ­  Он кулит некöдöрсянь,  Сэсся кутчис да и кöстіс  Эшö быдса сто пельнянь!  Талун нылöн –вежалун: Талун мамыслöн  нимлун! Вежöрдзоля:  А öні мийö öтлаын радуйтчыштам и проверитам  ,кыдз  маммезныт тіянöс любитöны и кыдз кужöны гажöтны. Сизимок:  Конкурссэз маммез  понда: 1. Конкурс «Тöд  жö, мамтö» Маммез сувтöны кругö,  а челядьлісь сы коста ведущöй  домалö  синнэз   шарфöн .  Маммез нюжöтöны киэзнысö,челядьыс долженöсь малавны    кисö мамезыслісь  и  ны  сьöрті адззыны ассиныс мамныслісь киэз. Вежöрдзоля: 2. Конкурс «Чожа баитаннэз» Кужны чожа и правильнöя шуны чожа баитаннэз. ­ Быдмисö расын кыкдас быдмас. ­ Кык кöк кыкöн кöкöны. ­  Йыжоль жугаліс жиль –жоль. ­  Гажа вежалунö и жугыльыс гажмö. ­ Шура шордіс нельö шоррез. Сизимок :  3 . Конкурс  «Тöдамммез сьöрті» Коми кылын Быдкодь эмöсь тöдöммез.      ­ Гор вылын дулльöсь  баба  пукалö. (Квашня) ­ Крыша вылын ош йöктö. (Тшын) ­ Нем оз вись,а пыр руштö. (Порсь) ­ Сюра ,а оз люкась.( Ухват) ­ Сотня пася дед пукалö, шы оз сет,кин сійö чöвтö,синва чеччöвтö. (лук) ­ Гöрд петушок потш кузя котöртö. (Би) ­Вöр шöрын кмтöм –коктöм Захар кытсасьö. ( Эхо) Вежöрдзоля: 4. Конкурс «Öктыны пословица»  Пословицаэз  гижöмась листоккез вылö, колö öктыны каждöй  пословица и объяснитны,кыдз вежöртат нійö. ­ Ачыт кö бур и йöзыс бурöсь. ­ Ачыт асьтö эн ошкы, ась йöз тэнö ошкö. ­ Мый кошшан ,сійö и адззан. ­ Синнэе полöны ,а киэз керöны. ­ Эн тэрмась кывнат,а тэрмась уджнат. ­Тöн бöбöтін ,ашын оз веритö.  Сизимок:  Орасм орсанöн « Тöд жö тöд  кагалісь шы» Челядьыс сувтöны кругö,  а маммезныс  сулалöны  круг шöрын синнэзныс  пöданаöсь. Кинöс ме мычала кинам сетас шы  ,а маммезныт тöдны должны шы  сьöрті.  Вежöрдзоля:  5. Конкурс « Частушкаэз сьылöм» Сизимок: 6.  Конкурс « Медбур хозяйка» 1)Тöдны, кытшöм крупа кисьтöмась бекöрас, пöдналöм синнэз сьöрті. Вежöрдзоля: А öні зоночкаэз тіянö быдöнытлö сьыласö песня «Нёль вон  йылісь» Песня «Нёль вон йылісь» 1.Кöрöкö олöмась нёль вон ,  ­3 ись    Пондöмась янсöтчыныö .                        2­ись 2.Петру шуö : «Меным вöв,     ­3 –ись   Чаньсö ­  Митиперколö».                          2 –ись 3.Сэтчö Епкаыс горöртчис:         ­3 ись    «Меным кыкнан керкусö»!                        2­ись 4. Тимка,тэнат пайыт абу    ­3­ись     Мун кытöнкö тэ шатлась.                  2­ись 5. «Ме шатластнытö ог понды      ­3­ись     Кая Петра дядь ордö.                                   2­ись 6.Пера дядьö няньнас вердас     ­3­ись да куреньö мöдöтас.                                         2­ись 7. Малодел керку тшупа,          ­3­ись  Крыша идзасöн вевття,                                 2­ись 8. Малодело иьнка босьа,     ­3­ись     Малодело оламö .                                   2­ись Сизимок :   Ох и молодцы миян зоночкаэз ,бура кужисö гажöтны быд мортсö   миян вежалун вылын. Вежöрдзоля:Тöдö, кытшöм дзородзок миян посаддэзын да деревняэзын самöй  любимöй. (Ромашка) Сія миян лыддисьö симвлоöн Россияыслöн.  Быд годö, июль 8 лунö  празднуйтöны  вежалун « Менам семья», кытöн позьö адззыны этö дзородзксö. Доска вылын ромашка. Каждöй мам петö и лыддьöтö лепесток вылісь   определеннё. Самöй умнöй,самöй басöк,самöй любимöй, самöй желаннöй,самöй  ласковöй, самöй удав, самöй рам, самöй чож, самöй сильнöй, самöй добрöй,  самöй главнöй… Сизимок: Быд вежалун кончайтчö и мийö поздравляйтам маммезнымöс ас  керöм подароккезöн.  Любитö челядьнытö и берегитö.  7 велöтісь : Мамö узьö. Мыдзис мамö.  Но и ме пукала рама! Ме волчокöс ог вöрöт, Орсны дугді шы ог сет. Менам быдкодь чача шытöм, Узьны мамö водіс кöр, А подушка вылöт сы дын Локтö золотöй югöр, Ме югöрлö шуи:  ­Берт, Мамöс менчим эн саймöт! Меным вот охота часöт Джодж кузя тарлавны мяч, И серавны ,и котрасьны,  Сьывны бы охота стрась. Но узьö менкм дона мам, И ме пукала рамся –рам. Сэки бертіс югöрок, Ме дынö чеччöвтіс –скок: «Ладно,­ бытьтö сідз шушкыштіс. ­ Мийö чöлöмöн пукыштам!» 8велöтчісь : Сё думайта, сё кругом неджжала –  Мый жö ашын мамöлö козьнала? То конфета, То ли аканёк?  Ог!  Тэнат лунö вот тэныт ,роднöй,  Месянь  огонёк –цветок любöй! Вежöрдзоля: Ыджыт аттьö,челядьлö и гöссезлö. Сизимок:   Но вот и лöнис гажа шумыс, И кад тэрмöтö мунны гортö, И сійöн ми тэрмасям шуны: Ыджыт аттьö,дона ёрттэз! Аттьö,кин гажöтіс йöзсö! Адззисьлытöдз жö, бытшöм гöссез! Эшö мöдігод сьылам –орсам, Вились гажöтам  Велва  дорсö! Вежалун кончитам коми –пермяцкöй  танецöн  «Тупи –тап» Челядь сеталöны подароккез маммезныслö. Праздник кончайтчö чай  юöмöн. Литература : 1.  Старцева Л.  Бичирок.Пермскöй книжнöй издательство ,г. Кудымкар  1991г. 2. Климов В.В. Шорок, г. Кудымкар 1991г.  3. Климов В.В. «Кытчö тійö мунатö?» Пермскöй книжнöй издательство ,г.  Кудымкар,1991г. 4. Коколева В.Н. Бичирок. Пермскöй книжнöй издательство ,г.  Кудымкар2006г. 5. Нечаевка Г. А. Кöвдöмок, г. Кудымкар 1991г. Мама! В этом слове солнца свет! Мама! Лучше слова в мире нет. Мама! Кто роднее, чем она? Мама! У нее в глазах весна! Мама! На земле добрее всех. Мама! Дарит сказки, дарит смех. Мама! Из­за нас порой грустит, Мама! Пожалеет и простит! Мама! В этом слове солнца свет! Мама! Лучше слова в мире нет. Мама! Льется песенка ручьем. Мама! Это мы о ней поем. Песня «Нёль вон йылісь»   6.