Внеклассное занятие на тему "Әкиятче Алиш"

Татарстан Республикасы Спас районы Көек төп гомуми белем бирү мәктәбе Тема:                                          (Башлангыч сыйныфларда әкият кичәсе)                                                                                                 Үткәрде:  укытучы Садретдинова Розалия Салиховна Тема: Әкиятче Алиш абый. Максат: А. Алишның тормыш юлы һәм әкиятләре белән танышу;  бәйләнешле сөйләм телен үстерү; Абдулла Алиш әкиятләренә кызыксыну  уяту. Җиһазлау : “ Абдулла Алиш” презентациясе, китаплар күргәзмәсе, рәсемнәр, Абдулла Алиш портреты. Дәрес барышы: 1. Оештыру мизгеле. Танышу. 2.Кереш әңгәмә.  Балалар, бүген без якташыбыз, батыр сугышчы, балалар язучысы, әкиятче абый Абдулла Алиш турында сөйләшербез. 1 слайд Укучылар, сез Абдулла Алишның әкиятләрен беләсезме?  Әйдәгез, без сезнең белән ул әкиятләрне искә төшерик.  2 слайд 3. Табышмаклар әйтешү.  Соскы борын бакылдык, Күп сөйләшә такылдык. (Үрдәк) 3слайд Бу герой кайсы әкияттән? (“Сертотмас үрдәк” әкияте)    Башы тарак, койрыгы урак,  Кычкыртып быргысын,  Уята барысын.            (Әтәч)  4 слайд Бу герой кайсы әкияттән? (“Чукмар белән Тукмар” әкияте) Җәен соры, кышын ак,  Аңа шулай яхшырак.  (Куян) 5 слайд Бу герой кайсы әкияттән? (“Куян кызы” әкияте) Без, без, безлибез, Нечкә безнең билебез.  (Бал корты) Бу герой кайсы әкияттән? (“Нечкәбил” әкияте) 6 слайд 4.“Сертотмас үрдәк” әкиятеннән өзек  сәхнәләштерү. 5. Абдулла Алиш әкиятләре әдәпле, тәртипле, уңган­булган, сер  саклаучан, дус­тату булырга өйрәтә. Без аның әкиятләрен укып бары тик  яхшы тәрбия генә алабыз.   “ Алиш абый” җырын тыңлау. 6.  Укучылар үзләре ясап килгән рәсемнәре турында чыгыш ясыйлар. 7. Абдулла Алишның тормыш юлы белән танышу. Язучы,   авылдашыбыз А. Алиш ­ күпкырлы язучы булган. Ул күп кенә  хикәяләр, шигырьләр һәм әкиятләр авторы. Сез аның күп кенә әсәрләрен  беләсез дә  инде. Мин сезне бераз гына аның тормыш юлы белән таныштырам.  А.Алиш 1908 нче елның 15 нче сентябрендә Спас районы Көек авылында туа.  Кечкенәдән үк сәләтле бала була. 5­6 яшьләрендә укырга өйрәнә: башта  авыллары мәдрәсәсендә, аннан татар, рус мәктәпләрендә укый, спектакль  куюларда катнаша, мәктәп стенгазетасына хәбәрләр яза. Казанда төзү  техникумында укыганда да, Минзәләдә, аннан соң Казанда эшләгәндә дә  стенгазеталарга хикәяләр, хәбәрләр яза, һәм журналист булып китә. Балалар  белән еш аралашканга, ул аларны аңлый. Аның үзенең дә Айваз һәм Алмаз  исемле уллары була. Шуңа күрә ул әкиятләрен дә, балаларга аңлаешлы итеп  яза.  Аннары ул сугышка китә һәм анда әсирлеккә эләгә. Әсирлектә ул Муса  Җәлил белән таныша. Алар анда дошманга каршы яшерен эш алып баралар.  Ләкин аларның эшләре бер сатлыкҗан аркасында билгеле була. Шуңа күрә   аларны үлем җәзасына хөкем итәләр. 7­14 слайдлар 8.Йомгаклау. Абдулла Алиш безнең якты киләчәгебез өчен үзенең гомерен дә  кызганмаган. Нинди генә авырлыклар күрсә дә ул үзенең иленә, туган авылына хыянәт итмәгән. Туган илен яратуын үзенең шигырьләрендә, җырларында   күрсәткән. Балалар игътибарыгыз өчен рәхмәт. Мин сезне Абдулла Алиш музеена кунакка чакырам, аның әкиятләрен  укырга тәкъдим итәм.