Գիրք - գիտելիքի շտեմարան

Մաշտոցը 405թ․ ստեղծում է հայերենի հնչյունական համակարգը ճշգրտորեն արտահայտող, ուսուցանելու, թարգմանելու և դպրություն ստեղծելու նպատակին լիովին հարմար նշանագրեր. «Նա իր սուրբ աջով հայրաբար ծնեց նոր և սքանչելի ծնունդներ հայերեն լեզվի նշանագրեր»։ Եդեսիայում Մաշտոցը նորագյուտ տառերը դասավորում է՝ օգտվելով հունական այբուբենի հերթականությունից, տառերին տալիս է անուններ (այբ, բեն), որոշում է նրանց թվային արժեքները ( Ա =1, Ժ = 10, Ճ =100)։ Ապա անցնելով Սամոսատ` հմուտ հունագետ Հռոփանոսի օգնությամբ կատարելագործում է նորագույն տառերի գծագրությունը, նոր տառերն ուսուցանում իր օգնականներին և այդտեղ հունական կրթություն ստացող մանուկներին, իր աշակերտներ Հովհան Եկեղեցացու և Հովսեփ Պաղնացու հետ սկսում է նոր գրի օգնությամբ Աստվածաշնչից հայերեն թարգմանել Սողոմոնի առակները, որի առաջին նախադասությունը նաև մեսրոպատառ առաջին նախադասությունն էր.

ՃԱՆԱՉԵԼ  ԶԻՄԱՍՏՈՒԹԻՒՆ ԵՎ ԶԽՐԱՏ,ԻՄԱՆԱԼ ԶԲԱՆՍ ՀԱՆՃԱՐՈՅ։Սողոմոնի Առակների գրքից(1:2)

ԳԻՐՔԸ ՄԵՐ ԼԱՎԱԳՈՒՅՆ ԲԱՐԵԿԱՄՆ Է։

ԳԻՐՔԸ  ԳԻՏՈՒԹՅԱՆ  ԳԱՆՁԱՐԱՆ Է։

Օ,՜ գրքերի աշխարհը-
Տիեզերք է անեզր։
Եղիշե Չարենց

ԱՄԵՆ ՄԻ ՏԱՌ ՄԻ ԶԻՆՎՈՐ Է,ՈՎ ՏԱՌ ՈՒՆԻ, ՆԱ ՀԶՈՐ Է։

Նյութը կազմեց Բազումի միջնակարգ դպրոցի
հայոց լեզվի և գրականության ուսուցչուհի
Ա․ Բարխուդարյանը։

Լրացուցիչ նյութը կիրառելի է
<<Իմ երկրի գրքերը․իմ գրքերը>>
թեման ուսումնասիրելիս։
Մայրենի -6