Հովհաննես Թումանյան

Հովհաննես    Թումանյանի    ծննդյան    օրվան    նվիրված

                համադպրոցական     խաղ- միջոցառում 

Խաղ-միջոցառմանը  մասնակցում  են  8-ից  11-րդ  դասարանի  աշակերտները:

Խաղի  նպատակն է Հ. Թումանյանի  կենսագրության, ստեղծագործությունների ընթերցում, վերհիշում, ամրապնդում:

Խաղից  մեկ շաբաթ առաջ վերոհիշյալ  դասարաններում հայտարարվում է   ընթերցել և  վերհիշել  գրողի  կյանքն  ու  ստեղծագործությունները:

Խաղը  ընթանում  է  3  փուլով.

1-ին  փուլ- Գտի՛ր  ստեղծագործության  վերնագիրը և ասա՛  հերոսի  անունը:            6-րդ  կամ  7-րդ  դասարանի  հինգ  աշակերտ  կերպավորում  են  առակներից, բալլադներից, լեգենդներից , հեքիաթներից  կամ  պատմվածքներից  որևէ  հերոսի /ցանկալի է վերցնել ոչ  ծրագրային  ստեղծագործություններ/ , արտասանում  կամ բեմադրում են  մի  հատված: Տվյալ  դասարանի  աշակերտները  պետք է ասեն, թե որ  ստեղծագործությունից  է հատվածը, և ով է  հերոսը:

Այս  աշխատանքը կատարվում  է  8-ից 11-րդ  դասարաններում առանձին-առանձին՝    ամեն  անգամ  ընդգրկելով  6-ից  7-րդ դասարանների  նոր  աշակերտների  /աշխատել   չկրկնել   ստեղծագործությունները/:

Յուրաքանչյուր  ճիշտ  պատասխանի  համար  դասարանը  ստանում  է  մեկ  միավոր:  

2-րդ  փուլ- Պատասխանի՛ր  հարցին  և  ստացի՛ր  բանալին:

Տվյալ  դասարանի  աշակերտների  առաջարկով  խաղի  պատասխանատուն  ընտրում  է  7 աշակերտի  / աշակերտների քանակը  պայմանավորված է  խաչբառի հարցերից, որին  կանդրադառնանք  3-րդ  փուլում/ և ուղեկցում ՝ բերելու  բանալին: Աշակերտները  հերթով  մտնում  են  իմաստուն  ծերունու մոտ  / նախօրոք մի սենյակ ձևավորել  բանաստեղծի  նկարով, գրքերով, նկարազարդված  պաստառներով  և գրասեղանի  մոտ  նստեցնել  ծերունու  կերպավորած  աշակերտի/:  Իմաստունը  նրանց  տալիս  է  հարցերը ,  որոնք ըստ  դասարանների   պետք  է  համապատասխանեն   սովորողների     տարիքային  առանձնահատկություններին և ունեցած  գիտելիքին:    Ճիշտ  պատասխանելու  դեպքում  տալիս  է մեկ  բանալի ,

որի  վրա  գրված է  խաչբառը  լուծելու  հարցերից  մեկը: Աշակերտները  վերադառնում  են  դասարան՝  բերելով  իրենց  վաստակած բանալիները  և  խաչբառր: Այս  փուլի  միավորները  պայմանավորված  են  բերած  բանալիների քանակով:

Հարցերի  նմուշօրինակները  ըստ  դասարանների:

                                                   8-րդ  դասարան.

1.Ի՞նչ  շրջասույթով  է  հայտնի  Հ. Թումանյանը   /Ամենայն  հայոց  բանաստեղծ/:

2.Ի՞նչ  է Թումանյանի  կնոջ  անունը  / Օլգա  Մաճկալյան/:

3.Ե՞րբ է հիմնադրվել Վերնատուն  գրական  խմբակը   / 1899թ./:

4.Ո՞վ  է  այս  տողերի   հեղինակը.

    Ես կարդում  եմ նրան ու  ասում.-Այս  հմուտ  հանճարեղ  լոռեցին

    Հոմերի, Գյոթեի  հետ մի  օր  հավասար  նստել  է  քեֆի,

    Եվ  թաս  է  բռնել  նրանց  հետ, մեծարանք  տվել ու առել,

    Ինչպես իր  պապերն  են  արել  իրար  հետ խնջույքի նստելիս:   /Ե. Չարենց/

 5.Ի՞նչ  է  պահանջում  Փարվանա արքայի դուստրը  մրցույթի  ելած  փեսացուներից                                                      /բերել  անշեջ  հուրը/:

6.Քանի՞  քառյակ է գրել Թումանյանը    /70  քառյակ/:

7.Ինչպե՞ս  է  ավարտվում  Հ. Թումանյանի <<Քաջ Նազարը>> հեքիաթը   / մինչև  այսօր էլ Նազարը քեֆ է անում  ու ծիծաղում  աշխարհի  վրա/:

                                                                9-րդ  դասարան.                                                                                                                      1.Ո՞վքեր  են եղել  Վերնատան  մշտական  անդամները    /Թումանյան, Իսահակյան,  Աղայան,   Շանթ,  Դեմիրճյան,  Աղբալյան/ :                                                                         2.Ե՞րբ է մահացել Թումանյանը  և  որտե՞ղ է թաղված       /1923թ., Խոջիվանքի  գերեզմանատանը/  :                                                                                                                       3.Ինչպե՞ս  վարվեց  շահը  Թմկա  տիրուհու  հետ   /հրամայեց  ժեռ  քարից  գլորել  ձորը/ :                                                                                                                                               4.Բառացի  ի՞նչ է նշանակում  փարվանա   /կրակի թիթեռ/:                                                  5.Ե՞րբ և որտե՞ղ է ծնվել Թումանյանը     /1869թ. փետրվարի  19-ին Լոռու  Դսեղ գյուղում/:                                                                                                                                                6.Ո՞վ  էր Թումանյանի  հայրը     /քահանա  Տեր- Թադևոսը/:                                                    7.Որտե՞ղ է սովորել Թումանյանը  1883 թ.-ին    /Ներսիսյան  դպրոցում  /:                                                            

                                             10- րդ  դասարան                                                                                                                           1.Թիֆլիսում ու՞մ գերեզմանին մահարձան  կառուցվեց Թումանյանի  և Բաշինջաղյանի ջանքերով   / Սայաթ- Նովայի/ :                                                                                   2.Ի՞նչ  գաղափար  է ընկած <<Թմկաբերդի  առումը>> պոեմի հիմքում    /լավ  գործ  գաղափարը/  :                                                                                                                                     3.Ի՞նչ  է  քառյակը   / 4 տողից  կազմված  բանաստեղծություն/  :                                        4.Ի՞նչ  ժանրերով  է  ստեղծագործել Հ. Թումանյանը   /  բանաստեղծություն, պոեմ,  բալլադ, լեգենդ, պատմվածք, հեքիաթ /:                                                                                                                  5.Ի՞նչ  էր  Թումանյանի  մոր  անունը   /Սոնա/  :                                                                                6.Որտե՞ղ  է  սովորել Թումանյանը 1879 թ.-ին   /Ջալալօղլում/ :                                                 7.Քանի՞  երեխա  ուներ   Թումանյանը   /10 երեխա՝ 4 տղա, 6 աղջիկ/ :                                                    

                                           11-րդ  դասարան                                                                                                                   1.Ովքե՞ր  են  եղել  Վերնատան  մշտական  անդամները, և  ե՞րբ  է  ստեղծվել                             / Թումանյան, Իսահակյան,  Աղայան, Շանթ, Դեմիրճյան, Աղբալյան , 1899թ./  :     2.Ո՞ր  ստեղծագործությունից  են  հետևյալ  տողերը.                                                                      Մեր  ճամփան  խավար, մեր  ճամփան  գիշեր,                                                                                   Ու  մենք  անհատնում                                                                                                                                           Էն  անլույս  մթնում…      /Հայոց  լեռներում/ :                                                                       3. Ի՞նչ  է  ասել  Թումանյանը  իր  գրած  քառյակների մասին     /իմ  կյանքի  կարևոր  շտրիխներն  են/:                                                                                                                        4.Շարունակել  և  ավարտել  քառյակը.                                                                                               Որքան  ցավ  եմ  տեսել   ես…                                                                                                       5.Ի՞նչ  պարբերականների է  աշխատակցել  Հ. Թումանյանը     /<<Աղբյուր>>, <<Մուրճ>>,  <<Հասկեր>>,  <<Հորիզոն>> /  :                                                                     6.<<Գելը>> պատմվածքում  ինչի՞ց  էին  վախենում  գայլերը     /կրակից,  բարձր ձայնից, օձերից/ :                                                                                                                              7.Կենդանական  աշխարհի  վերաբերյալ  ի՞նչ  պատմվածքներ  է  գրել  Թումանյանը /<<Եղջերվի  մահը>>, <<Եղջերուն>>, <<Ծղրիդը>>, <<Գելը>>, <<Շունը>>/:

  3-րդ  փուլ - Լրացնել  խաչբառը                                                                                            Աշակերտները  կարդում  են երկրորդ  փուլում  ձեռք  բերած  բանալիների  վրա  գրված  հարցերը  և  լրացնում  խաչբառը: Նրանք  կարող  են  լրացնել  խաչբառի  այնքան  տող, որքան  ունեն  դրան  համապատասխան  բանալի:                                                                                                                                   Հարցերը  վանդակներում  լրացվում  են հորիզոնական:   Ճիշտ  լրացնելու  դեպքում  ուղղահայաց  կկարդան    գաղտնաբառը:  3-րդ  փուլի  միավորը պայմանավորված  է  ճիշտ  լրացրած  պատասխաններով:  Եթե  1 կամ  2 սյունակ լրացնելուց  հետո  գտել  են  գաղտնաբառը, ապա, միևնույնն  է, միավոր  ստանում  են  միայն  ճիշտ  լրացրած  վանդակների  հաշվով :

Խաչբառի  նմուշօրինակ.

1.Ամբողջացնել  հեքիաթի  վերնագիրը.  <<Ձախորդ….>>                               2.Թումանյանը  մասնակցել  է  Մարիամ  Թումանյանի  բացած  գրական ……:                                                                                                                                         3.Պոեմի  գլխավոր  հերոսուհին  իրեն  գցում  է  ձորը: Նշել  վերնագիրը:                                4.Ի՞նչ  է  կոչվել  Թումանյանի  բացած  գրական  խմբակը:                                                     5.1893թ.-ին  Թումանյանը  ի՞նչ  վերնագրով  ժողովածու  է  լույս  ընծայում:             6.Այս  պոեմում  Թումանյանը  ներկայացրել  է  գյուղաշխարհի  մարդկանց  պայքարն  ու  բողոքը:   Նշել  վերնագիրը:                                                                                         7.Այս  պոեմի  հիման  վրա  ստեղծվել  է  օպերա, որի  երաժշտությունը  գրել  է  Արմեն  Տիգրանյանը:  Նշել  վերնագիրը:                                                                                

Յուրաքանչյուր  դասարանում  խաղի  երեք  փուլերը  կազմակերպվում  են  մեկ  դասաժամի ընթացքում կազմակերպիչների  ուղղորդմամբ  և  հսկողությամբ, որպեսզի  բացառվեն  հուշումները, և  պահպանվի  անաչառությունը: Ողջ  ժամի ընթացքում  դասարանը  աշխատում  է  խմբային:                                                                                                                                  Ժամի  ավարտից  հետո  ստուգվում  է  խաչբառը,  և  գումարվում  են  երեք  փուլի  արդյունքները:

Հաղթող  դասարանը  կամ  դասարանները  պարգևատրվում  են: