Կիլիկիա

Ինտեգրման տեսակը` Միջառարկայական
Առարկան` Հայոց պատմություն
Դասարանը` 7-րդ
Ամիս, ամսաթիվ` 12. 03. 2018 թ.
Տևողությունը` 45 րոպե
Թեման` Կիլիկիայի հայկական պետությունը
Հարակից առարկաները`
ա) Հայոց լեզու և գրականություն, ուս.` Գ. Մադոյան
բ) Աշխարհագրություն, ուս.` Է. Մանասյան
գ)Համաշխարհային պատմություն, ուս` Շ. Խաչատրյան

Դասի նպատակը.
Ներկայացնել Կիլիկիայի տեղը, պատմաաշխարհագրական առանձնահատկությունները, Հայկական իշխանություններին, Ռուբինյան իշխաններին, Հեթումյան արքայատոհմի հաստատումը և Հեթումյան արքաներին:
Գնահատել պատմական հայրենիքից հեռու պետականություն կերտելու հայ ժողովրդի ձգտումը:
Խնդիրները
Վեր հանել տվյալ ժամանակաշրջանում աշխարհում տիրող քաղաքական իրադրությունը և համաշխարհային պատմության հոլովույթում ներկայացնել հայոց պատմությունը:
Լուսաբանել Կիլիկյան Հայաստանի արքաների վարած քաղաքականությունն ու թույլ տված սխալները:
Ճանաչել, սովորել ու դառնալ ազգային պատմության կրողը :

Մեթոդներ և մեթոդական հնարներ.
Կարճ դասախոսություն, խմբային աշխատանք, աշխատանք աղբյուրների հետ, անհատական աշխատանք, քննարկում, ունկնդրում, ցուցադրում, դիտում, համեմատություն, վերլուծություն:
Պարագաներ.
Թուղթ, գունավոր նշագրիչներ, համակարգիչ, կավիճ, գրատախտակ, նկարներ:
Դասի ընթացքը.
Դասը սկսել Կիլիկիա երգով, քարտեզի վրա ցույց տալ Կիլիկիայի տեղը, նշումներ կատարել Կիլիկիայի աշխարհագրական առանձնահատկությունների և պատմության մասին:
Դերային խաղի միջոցով ներկայացնել Կիլիկյան Հայաստանի պատմությունը:
Յուրաքանչյուր աշակերտ կներկայացնի որևէ արքայի, գործչի , կպատմի ու ցույց տա <իր> գործունեությունը, կկարդա հրովարտակ, հրամաններ կարձակի, կմտածի երկրի ճակատագրի մասին և այլն…:

Անդրադառնալ մշակութային կյանքին և կարևորել Կիլիկյան Հայաստանի դերը մշակույթի, դպրության, կրթության զարգացման գործում:
Շարադրանքը ներկայացնել դիդակտիկ նյութերով, պատմիչների վկայություններով, հանդերձանքով:
Թող աշակերտները իրենց խոսքում կարևորեն պետականություն ունենալու հանգամանքը և նշեն, որ պետություն կարող են ստեղծել, անգամ օտար երկրում, երբ կարողանում են համախմբվել:
Կապ տեսնել անցյալի ու ներկայի միջև: Աշակերտներին ներկայացնել տնային հանձնարարությունը:
Տնային աշխատանք.
Դասի այս հատվածից հետո կատարել ընդհանուր ամփոփում և հանձնարարել աշակերտներին համեմատություններ անցկացնել Կիլիկյան և Բագրատունյաց Հայաստանի թագավորությունների միջև:

Համագործակցական խմբերի նպատակը.
-Խմբային աշխատանք կատարելու հմտություններ:
-Բնագրի վրա աշխատելու կարողություններ:
-Հիմնական գաղափարների բացահայտում:
Բացատրել հաջողության հասնելու չափանիշները.
-կարողանալ դիմացինին լսել:
-կարողանալ ճիշտ բացատրել:
-կարողանալ տրամաբանված վերլուծել:
Վերահսկում և միջամտում.
- հետևել համագործակցությամբ աշխատելու կանոններին:
Գնահատում (նախօրոք ներկայացնել գնահատման ձևը).
-Խմբային աշխատանքների գնահատման (ռուբրիկ) սանդղակ.
Անդրադարձ.
-Նախատեսված ո՞ր աշխատանքը չկատարվեց:
-Ի՞նչ է կարելի ավելացնել: