Ата -анамнын туган куни

Сынып: 3Б

Күні________________

Сабақтың тақырыбы: Ата-анамның туған күні

Сабақтың мақсаты:

         Білімділік: Модуль бойынша оқушылардың сөздік қорын қалыптастыру. Оқылым, тыңдалым, айтылым, жазылым әрекеттерін жүйелі түрде қолданып, тілдесім әрекетіне жетелеу. Жаңа тақырыпты меңгерту      

         Тәрбиелік: Оқушыларды достыққа, татулыққа және бір-біріне деген сүйіспеншілікке баулу. Отбасын сыйлап, қадірлеуге тәрбиелеу.

         Дамытушылық:  Сөздік қорын байытып, өмірлік жағдаяттарда қолдануды дамыту.

Сабақтың түрі: жаңа сабақ

Көрнекілік: оқулық, сөздік, суреттер

Сабақтың барысы:

         І. Ұйымдастыру кезеңі.

         ІІ. Үй жұмысын тексеру.

         ІІІ. Жаңа сабақ.

         -  мұғалімнің жаңа сөздерді түсіндіруі;

         -  оқушылар жаңа сөздерді кезекпен оқиды;

         - жаңа сөздерден сөйлемдер құрау;

Сөздік

Туған күн – день рождение

Ана - мама

әке - папа

риза болып  – были довольны

1-тапсырма.Мәтінді оқып, аударыңдар.

Менің отбасым кішкентай. Отбасымызда төрт адам бар. Олар: әкем, анам, ағам және мен. Әкем фирмада жұмыс істейді, ал анам – мұғалім. Ағам – студент. Мен үшінші сыныпта оқимын. Әкемнің туған күні – 14 шілде күні. Біз ағам екуіміз әкеме қолсағат сыйладық. Ал анамның туған күні – 1 қазанда, біз оған еттартқыш сыйладық. Екеуі де сыйлықтарына риза болып, қуанып қалды. Ата-анамның туған күніне туған-туыстар, жолдастар жиналады.

2-тапсырма.Сұрақтарға жауап беріңдер.

1. Сендер ата-аналарыңның туған күндерін білесіңдер ме?

2. Сендер оларға қандай сыйлық сыйлайсыңдар?

3-тапсырма. әке, ана деген сөздерді тәуелдеп, сөйлем құрастырыңдар.

4-тапсырма. Мақал-мәтелдер мен ырым, тыйым сөздерді түсініп оқып, дәптеріңе жазып ал.

                                                 1. Ана алдында – құрмет,

                                                 Ата алдында – қызмет.

                  2. Атасы жоқ – қас жетім,

                  Анасы жоқ – тас жетім.

                                               3. Шешеге қарап қыз өсер,

                                               Әкеге қарап ұл өсер.

                              4. Әкеден – ақыл, анадан мейір.

                                  Балалы үй базар,

                                  Баласыз үй қу мазар.

     5. Жеті атасын білмеген,

     Жетімдіктің белгісі.

IV. Сабақты қорытындылау:

V.  Сабақты бекіту

1.  Шешеге қарап қыз өсер,

    Әкеге қарап ұл өсер – деген мақалды қалай түсінесіңдер?

VІ. Бағалау

V ІІ. Үйге тапсырма. Тәуелдік жалғауларың жаттау.  Аға, іні сөздерін тәуелдеңдер.

Тексерілді ___________________