Аутизм белгілері бар атақты ғалымдардың бірі - А.ЭЙНШТЕЙН

Физик-теоретик, заманауи физиканың екі негізгі тірегінің бірі болып есептелетін салыстырмалылық теориясының негізін қалаушы, Ол масса-энергия эквиваленнтілігінің формуласы E = mc2 ойлап тапқандығымен әйгілі. 1921 жылы "теориялық физикаға қосқан үлесі үшін, фотоэлектрлі эффект заңын ашқандығы үшін, кванттық теорияның

дамуына қарай қадамдары үшін" физикадан Нобель сыйлығының иегері атанды. Атақты ойшыл және қоғам қайраткері, әлемнің алдыңғы қатарлы 20-ға жуық университеттерінің құрметті профессоры, соның ішінде КСРО Ғылым академиясының шетелдік құрметті мүшесі (1926). Эйнштейннің басты еңбегі — ”Салыстырмалылық теориясы”. Бұдан бөлек 300-ден астам ғылыми еңбектердің, тарих,ғылымдар философиясы және публицистика саласындағы 150-дей кітап,мақалалардың авторы ретінде де танымал. Ол бiрнеше түбегейлi физикалық теорияларды жасады:
*Арнайы салыстырмалылық теориясы (1905);
*Жылу сыйымдылығының және фотоэффект кванттық теориясы;
*Бозе Эйнштейн кванттық статистикасы;
*Броун қозғалысының статистикалық теориясы,
флуктуациялардың теориясына негiзін салған.

ҚЫЗЫҚТЫ ДЕРЕКТЕР

Бір күні мектеп меңгерушісі Альберт Эйнштейнге
хат береді және ол хатты анасына беруді өтінеді.
Кішкентай балақай Альберт оның өтінішін орындап, хатты анасына береді. Хатта Альберттің ауру екенін және оқыта
алмайтындарын жазыпты. Анасы хатты оқып жылай бастайды. Альберт неге жылағанын сұрағанда, шешесі қуаныштан жылағанын және баласының өте дарынды екенін айтып, оған басқа жоғары деңгейдегі мектепке бару керек екенін айтады. Кейін Альберт мектебін сосын универін бітіріп, жаңалықтар ашып, атақты ғалымға айналады.
Түйінді: Ата-ананың қолдауы өте маңызды.

ҚЫЗЫҚТЫ ДЕРЕКТЕР
1952 жылы Израиль президенті Хаима Вейзманна (Chaim Weizmann) қаза тауып, Израиль премьер-министрі Давид Бен-Гурион (David Ben-Gurion) Эйнштейнге Президент тағын ұсынған. Қазіргі күнге дейін Израиль Президентін Парламент дауыс беру арқылы таңдайды. Эйнштейн бұл ұсынысқа қуанышты екенін білдіре отырып: "Израиль мемлекетінің ұсынысына ерекше қуаныштымын, өкінішке орай, оны қабылдамауға міндеттімін", - деп жауап хат жазған екен. Сонымен қатар 1952 жылдың 14 наурызында Сейсс атты фотограф Эйнштейннен ойланып отырған түр көрсетуін (бір деректерде, камераға қарап жымиюын) өтінеді. Бұл сөзге Эйнштейн дәл осылай тілін шығарып жауап берген. Осы әрекетімен Альберт ғалымдардың тек ой түбіне тереңдеген ойшыл ғана емес, өмірге құштар қарапайым адамдар екенін де көрсеткісі келген. Сурет жария болғаннан кейін ғалым оның ең сәтті сурет екенін мойындаған. Қоғамда қалыптасқан ғалым бейнесі туралы стереотип ойшылды мезі етсе керек. Бұл суретті Эйнштейн өз достарына жаңажылдық құттықтау хаты ретінде жіберген.
Барлығы 9 түпнұсқа сурет басылып, 2009 жылы оның біреуі
74 000 долларға сатылған екен.