|
|
Білім берудегі жаңа тәсілдер
« Диалогтық оқыту »
Диалог сабақта маңызды рөль атқарады. Сабақты ұйымдастыру, жаңа сабақты меңгерту, бекіту, бағалау, қортынды рефлексия диалог арқылы жүзеге асады. Сонымен қатар диалог сабақ оқушылардың қызығушылығын оятып, олардың білім деңгейінің өсуіне үлес қосады, сабақтың белсенді өтуіне әсер етеді. Жалпы диалог негізінде білім беру мен білім алу оқушылардың өзара сұхбаттасуы мен мұғалім және оқушы арасындағы өзіндік ой-пікірлерін жүйелеуіне, дамуына көмектесетін әдіс.
Мерсер мен Литлтон ( 2007ж) өз еңбектерінде диалог сабақта оқушылардың қызығушылығын арттырумен қатар олардың білім деңгейінің өсуіне үлес қосатындығын атап көрсетеді және ересектермен, достарымен бірігіп жүргізген жұмыстары олардың оқуына, когнитивті дамуына әсер ететінін айтқан. Ал Выготский когнитивті дамудың оқушылар өздерінің ЖАДА ( жақын арадағы даму аймағында) жұмыс істесе жақсаратындығын атап көрсеткен. ЖАДА оқушы дамытатын дағды мен қабілеттер, өз бетімен жасай алмайтын тапсырмалар көмегін айқындайды. Ал оқушының білім деңгейін дамытып, өрістетіп, әлеуметтік қолдау көрсетуде мұғалімнің рөлі ерекше.
Сыныптағы сұрақ қою үлгісі « бастама-жауап-кейінгі әрекет» ( БЖӘ) нысаны бойынша жүріп отырады. Оны бақылап қадағалаушы – мұғалім. Сол себепті сұрақ қою мұғалімнің маңызды дағдыларының бірі. Себебі, сұрақ дұрыс қойылған жағдайда сабақ берудің тиімді құралына айналады және оқушылардың білім алына қолдау көрсетіп, оны жақсартады, кеңейтеді.
Қорыта айтарым, оқушылардың қандай деңгейде екенін анықтау үшін жақсы қарым-қатынас, тілдік дағды және оларға түсіністікпен қарау болса, тиімді түрі- диалогтік сұхбаттасу болып табылады.
Жаңақорған ауданы
Жаңарық ауылы
№ 167 орта мектебі
Нұрымбетова Ақмаржан
Білім берудегі жаңа тәсілдер «
© ООО «Знанио»
С вами с 2009 года.
