Bolalar musiqiy faoliyatining mazmuni

MAVZU: Bolalar musiqiy faoliyatining mazmuni

REJA:
1. Musiqa mashg‘ulotining faoliyat turlari.
2. Bolalarni musiqaviy faoliyatini tashkil qilish formalari.

Musiqa mashg‘ulotlari ta’lim-tarbiyaning asosiy shaklidir. Musiqa mashg‘ulotlarida bolalarning ijodiy o‘sishi bilan birga aqliy, ahloqiy, jismoniy tarbiyalari tarkib topadi. Musiqa mashg‘ulotlari bir haftada 2 marotaba o‘tkaziladi. U kunning 1-yarmida bo‘ladi. Zal ozoda va yorug‘ bo‘lishi kerak. Cholg‘u sozlangan, pianinoning o‘ng tarafida stullar shaxmat tarzida bolalar soniga moslab joylashtiriladi. Bolalar yengil kiyimda, oyoqlarida cheshka bo‘lishi kerak.
Musiqа mаshg‘ulotlаrining davomiyligi:
Kichik guruhidа 15 – 20 dаqiqа olib borilаdi.
O‘rtа guruhidа 20 – 25 dаqiqа olib borilаdi.
Kаttа guruhdа 25 – 30 dаqiqа olib borilаdi.
Tаyyorlov guruhidа 30 – 35 dаqiqа olib borilаdi.

Qo‘shiq kuylash

Musiqa tinglash

Bolаlаr cholg‘u аsboblаridа jo`r bo’lish

Musiqa savodi

Musiqaviy ritmik harakatlarni bajarish

Musiqa tinglash-har bir bolaning musiqa tinglash madaniyatining shakllanishi va rivojlanishida muhim ahamiyat kasb etadi. Bunda bolalar vokal va cholg‘u kuylarini tinglashadi. Musiqa tinglashda bolalar musiqa asari janrlari bilan tanishadilar, musiqani ifoda vositalarini aniqlashadi, musiqa xarakteri bilan tanishadilar.

Musiqa savodi-bu faoliyat turida bolalar musiqaviy asarlarning tuzilishi, tempi, xarakteri, yuqori va pastki, uzun va qisqa tovushlarni farqlashga o‘rganadilar. Bu ularning aqliy salohiyati, musiqiy uquvi, tafakkuri, xotirasi, nutqi, bilimini oshiradi.

Qo`shiq kuylash-qo`shiq kuylashga o`rgatish jarayonida bolaning asosiy musiqiy qobiliyati faol rivojlantiriladi. Jamoa bo`lib qo`shiq kuylash bolalarni do`stlikka chorlaydi, ularning o`zaro hurmat, tabiatga va ona Vatanga muhabbat kabi tuyg`ularini tarbiyalaydi.

Bolaning ovoz diapazoni:
3-4 yosh re1-sol1
4-5 yosh re1-lya1
5-6 yosh re1-si1(do2)
6-7 yosh do1(re1)-do2

Musiqaviy ritmik harakatlar-o‘z harakatlarini musiqa orqali ifodalab berishni talab qiladi. Musiqiy obrazlarga muvofiq turli xarakterdagi harakat va raqslarni, turli obrazlarni tasvirlash muhim ahamiyat kasb etadi. Ritmik harakatlar musiqiy qobiliyatni shakllantirish va rivojlantirishda juda muhimdir. Musiqiy ritmik harakatlar bolalar ruhiyatiga musiqiy asarning mazmuni va kayfiyatini singdiradi, bu bolaning sog`lom bo`lishiga ham ijobiy ta’sir ko`rsatadi.

Bolalar musiqa cholg‘u asboblarida jo‘r bo‘lish- musiqa mashg‘ulotlarida eng qiziqarli, barcha bolalar sevib qatnashadigan faoliyat turidir. Bolalar musiqa cholg‘u asboblari orqali jonli ijro har qanday bolani o‘ziga jalb etadi. Ularning musiqaga bo‘lgan qiziqishlarini yanada oshiradi, ritm tuyg‘usi, musiqiy uquvi, xotirasini mustahkamlaydi. Kichkintoylarda zavqlanish, hayratlanish, quvonish kabi ruhiy holatlarni vujudga keltiradi.

Bolalarni musiqaviy faoliyatini tashkil qilish formalari.
Musiqa rahbari bolalar bog‘chasida bolalar musiqa tarbiyasining shakllanish turlaridan keng foydalanishi darkor. Musiqa tarbiyasining shakllanish turlari quyidagilar:

-Musiqa mashg‘ulotlari.
-Bayram ertaliklari.
-Ko‘ngil ochar musiqiy o‘yinlar.
-Badiiy adabiy musiqiy kompozitsiyalar.
-Musiqiy teatr dramatizatsiyalar.
-Yakka hol ish turlari.
-To‘garak ishlari.