DENELERDIŃ BASÍP ÓTKEN JÓLÍ HÁM OǴAN KETKEN WAQÍT. BASÍP ÓTILGEN JOL

Nókis rayonı XBMXMThSHBne qaraslı

№  22- sanlı uluwma worta bilim beriw mektebiniń

Fizika páni muǵallimi

Aǵılash   Saylauovtıń

DENELERDIŃ BASÍP ÓTKEN JÓLÍ HÁM OǴAN KETKEN WAQÍT.

BASÍP ÓTILGEN JOL (ARALÍQ) HÁM WAQÍTTÍŃ BIRLIKLERI

atlı teması boyınsha

sabaqlıq is jobası

2016-2017 jıl

Nókis Rayonı                                                                                                         22-mektep  Saylauov Aǵılash

№ 12-TEMA   DENELERDIŃ BASÍP ÓTKEN JÓLÍ HÁM OǴAN KETKEN WAQÍT. BASÍP ÓTILGEN JOL (ARALÍQ) HÁM WAQÍTTÍŃ BIRLIKLERI.

Sabaqtıń maqseti

a)Bilimlendiriw maqseti

Oqıwshılarǵa Denelerdiń basíp ótken jólí hám oǵan ketken waqít.Basíp ótilgen jol (aralíq) hám waqíttíń birlikleri haqqında  keńnen túsinik berip, bul temanıń basqa temalardan ózgesheligin bildiriw.

b) Tarbiyalıq maqseti.

Oqıwshılarǵa temadan kelip shıqqan halda ómirde jaqsı menen jamannıń birdey júriwin biraq jaqsılıqtıń jeńip shıǵıwın túsindirip, oqıwshılardı jaqsılıq ruwxında tárbiyalaw.

c)Rawajlandırıw maqseti

Oqıwshılardıń pánge degen qızıǵıwshılıǵın arttırıw nátiyjesinde olardıńwoqıw hám jazıw kónlikpelerin arttırıp barıw

Sabaqtı qurallandırıw

Sabaqlıq kitap,tarqatpa materiallar, hám kórgizbeli qurallar.

Sabaqta paydalanılǵan metodlar: «Blits» interaktiv metodı «Skarabey» interaktiv metodı

Sabaq jobası

Sabaqtın barısı

Shólkemlestiriw

Klassqa kirip oqıwshılardıń tazalıǵına, klass tazalıǵina itibar qaratıw. Oqıwshılardıń oqıw quralların kózden keshirip  náwbettegi sabaqqa tayarlıǵın tekseriw

Úyge tapsırma soraw

Joqarıǵa tik atılǵan deneniń qozǵalısı temasın soraw.

Tema

Mexanikalıq qozǵalısta deneniń awhalı waqıt ótiwi menen ózgeretuǵınlıǵın bilip aldıńız. Bul ózgeristi sipatlaw ushın basıp ótilgen jol hám waqıt túsinikleri kiritiledi.

Basıp ótilgen jol dep deneniń qozǵalıs traektoriyasınıń uzınlıǵına aytıladı.

Joldı ólshew ushın uzınlıq birligi metrden paydalanıladı. Joldı inglisshe Space –aralıq, lenght – uzınlıq sózleriniń bas háribi S yáki l háripleri menen belgilenedi.

Deneniń qozǵalısı belgili bir waqıt dawamında boladı. Waqıt túsinigi júda quramalı boǵanlıǵınan oǵan ápiwaı túsinik berip bolmaydı. Sonıń ushın ózimiz úyrenip qalǵan túsinigimiz boyınsha isletemiz.

Mısalı, Avtobus Gúlistan qalasınan Tashkentke 2 saatta jetip keldi. Waqıttı inglisshe time sóziniń birinshi háribi t menen belgileymiz. Demek t=2 saat

Basıp ótilgen joldı metrden basqa kóp yáki kemligine qarap qolaylıq ushın km, dm, sm, mm lerde de ólshenedi.

Mısalı, Jerden Quyashqa shekem bolǵan ortasha aralıq 150 000 000 km Jerden Ayǵa shekem bolǵan ortasha aralıq 384 000 km Jerdiń radyusi 6400 km. Úrgenishten Nókis qalasına shekem bolǵan jol uzınlıǵı 170 km, mektep juwırıw jolaqshasınıń uzınlıǵı 100 m, jawın qurtınıń ótken aralıǵı 15 sm h.t.b.

1 km = 1000 m, 1 m = 100 sm, 1dm = 10 sm, 1 sm = 10 mm.

Qozǵalısta bolıw waqıtı sekundlarda ólshenedi. Zárúrlikke qarap waqıttıda millisekund, minut, saat, sutka h.t.b. belgilew múmkin. 1 sutka = 24 saat. 1 saat = 60 minut, 1minut = 60 sekund.

Denelerdiń qozǵalısta bolıw waqıtı hám qozǵalısta basıp ótilgen jolların salıstırıw ushın olardı bir ólshew birligine kelttiriw kerek.

Nókis Rayonı                                                                                                         22-mektep  Saylauov Aǵılash

Nókis Rayonı                                                                                                         22-mektep  Saylauov Aǵılash

Sabaqtı bekkemlew

Bekkemlew ushın «Debat», «klaster» interaktiv metodı usınıs etiledi. Tema boyınsha oqıwshılarǵa  qayta sorawlar berip hám qosımsha tapsırma túrinde hár toparǵa krosvordlar tarqatıladı. tapsırma orınlanıp bolǵannan soń boslıqlardı tolıqtırıw maqsetinde, bilimlerin bekkemlep barıw ushın yadtan formulalar jazadı.

1.Aralıqtı mm hám sm lerde ólshew qolaylı bolǵan jaǵdaylarǵa mısallar keltiriń?

Ikúndelik turmısta basıp ótilgen joldı ólshew lentası yáki metrden basqa jáne qanday ásbaplardan paydalanıp ólshegenlerin bilesiz?

3.Bir hápte neshe saat boladı?

Úy tapsırma tapsırıw

Denelerdiń basíp ótken jólí hám oǵan ketken waqít.Basíp ótilgen jol (aralíq) hám waqíttíń birlikleri  temasın oqıp keliw

Sabaqtı juwmaqlaw

Úy jumısın qayta yadına salıp ótip, búgingi sabaqqa belsene qatnasqan oqıwshılarǵa tiyisli bahaların qoyǵan halda búgingi sabaǵıma juwmaq jasayman

Nókis Rayonı                                                                                                         22-mektep  Saylauov Aǵılash