Эстетические требования к интерьеру

Ички кенгликка ва унинг интерьерига қўйиладиган эстетик ва манъавий талаблар ҳам амалий талаблардан узилмаган ҳолда у билан биргаликда вужудга келади ва ривожланиб боради. Эстетика бу қадимда ғорлардаги турли туман тасвирлар, ўрта аср саройидаги ажойиб безаклар инсоннинг ҳамиша ўзини қуршаб олган гўзаллик ҳақида қайғурганлигини ва уни эъзозлаганлигини кўрсатади.

Бадиий тушунчалар қурилиш соҳасида турар жойларнинг типиклашуви, унинг ташқи муҳитдан ажралиб қолиши, массивли деворларнинг оғирлиги, индустриал уй қурилишининг монотонлиги ва бир хиллиги каби зиддиятларни бартараф этиш билан уйғунликка интилиб, ривожлана бошлади

Бадиий воситалар ичида санъатнинг декоратив-амалий турлари энг кучли таъсир кўрсатишга қодирдир. Фазовий кенгликнинг эмоциональ тўлдирилганлигига эришиш учун тасвирий воситаларнинг қўлланилиши зарур бўлади. Монументал рангтасвирдан панно, тасвирлар сифатида фойдаланишда такт, меъѐрни ушлашга риоя қилиш, алоҳида асарларнинг энг яхши жойлашиш вариантларини танлаш талаб этилади.

Интерьернинг безатилишида архитектура, рангтасвир, скульптура графиканинг ўзаро алоқадорлиги гармониянинг қонуниятларига асосланади, интерьернинг безатилиши эса унинг нимага мўлжалланганлигига боғлиқ бўлади.
Қадимги керамика энг оммабоп бўлиб қолаверади. Бу – декоратив тақсимчалар, панно, ҳажмли скульптуралар ва рельефларнинг ҳамда вазалар, коса-товоқлар, гул туваклар, кашно, утварьларнинг декоратив безак сифатида интерьер фазовий кенглигига қўйилишидир.

Замонавий интерьерларда ѐғочдан ишланган буюмлар кенг қўлланилмоқда – бундай буюмларга пардеворлар, деворлар, панно, мебель, плафонлар киради. Ёғочнинг қайта ишланиш имкониятлари турличадир: куйдириш, ўйиш, силлиқлаш, локлаш, турли лак-бўѐқли таркиблар билан бўяш. Интерьердаги алоҳида шинамликни мато яратади. Уни гобеленлар, пардалар, шторлар, гиламли йўлакчалар, мебель қопламалари кўринишида интерьерга киритиш мумкин.

Кенг ойнали оралиқларни ѐпиш учун ва умуман бутунлай бир томонни қоплайдиган пардалар кенг қўлланилмоқда. Томоша залини безайдиган саҳнадаги парда марказий ролни бажаради. Алоҳида тасвирий асарлар интерьерли муҳитда янада кенг қўлланилмоқда. Уларнинг табақаларини танлашда фазовий кенглик билан мос ўлчамларини эътиборга олиш жуда зарурдир. Яшаш муҳитида – меҳмонхоналар, квартиралар, ѐтоқхоналар, дам олиш уйларида – эстамплар, литографиялар, офортлар ҳамда оринал акварелли расмларнинг қўлланилиши жуда ўринлидир. Яшаш бурчагига гулдасталардан ясалган ишланмалар бетакрор ҳусн бағишлайди