Канспект занятку па адукацыйнай вобласці “ЭЛЕМЕНТАРНЫЯ МАТЭМАТЫЧНЫЯ ЎЯЎЛЕННІ”

Канспект занятку па адукацыйнай вобласці

“ЭЛЕМЕНТАРНЫЯ МАТЭМАТЫЧНЫЯ ЎЯЎЛЕННІ”

(для выхаванца рознаўзроставай групы інтэграванага навучання і выхання (Сіндром Дауна, сістэмнае недаразвіццё маўлення цяжкай ступені))

ТЭМА: “ГЕАМЕТРЫЧНЫЯ ФІГУРЫ І ФОРМА ПРАДМЕТАЎ”

Мэта: вучань павінен умець складаць мноствы прадметаў, на аснове зрокавага ўспрымання, па 1-2 прыкметах (форма, колер)

Задачы: фарміраваць уяўленні пра формы навакольных прадметаў; складаць прадметныя выявы па ўзору (з геаметрычных фігур); суадносіць рознародныя прадметы па форме (падобныя на трохвугольнік, круг, квадрат); замацаваць уменне суадносіць колькасць прадметаў з паказам колькасці на пальцах і лічбай (у межах 3);

развіваць здольнасць успрымаць і адрозніваць некаторыя матэматычныя характарыстыкі аб’ектаў бліжэйшага акружэння (колькасць, форма); зрокавае і слыхавое ўспрыманне, наглядна-вобразнае ўспрыманне, увагу;

выхоўваць праяўленне намаганняў, валявой рэгуляцыі працэсу пазнання, цярплівасці, акуратнасці

ХОД ЗАНЯТКА

Псіхалагічны настрой на занятак

-         Вочкі, вы прачнуліся? (так)

-         Вушкі, вы прачнуліся? (так)

-         Ручкі, вы прачнуліся? (так)

-         Ножкі, вы прачнуліся? (так)

-         Мы усе прачнуліся? (так)

Арганізацыйны момант (на дошцы сябры занятку - Лічбік і Фігурка.)

Д. “Паглядзі да дошку. Выберы, калі ласка, сшытак у якім мы будзем зараз працаваць?” (вучань выбірае)

Вызначэнне тэмы занятку

Практыкаванне “Складзі фігуру” (развіццё зрокавага ўспрымання, аперацыі сінтэзу). З частак прапануецца скласці геаметрычную фігуру

Д/г “Лік і колькасць” (фарміраваць уменне суадносіць колькасць фігур і лічбу). На дошцы прымацаваны геаметрычныя фігуры і лічбы па колькасці фігур. Выхаванец панен супаставіць і паказаць колькі фігур прыйшло ў “госці”.

Практыкаванне “Я назаву, а ты пакажы” (практыкаваць у пазнаванні і паказе геаметрычных фігур па славеснай інструкцыі, развіваць слыхавое ўспрыманне, адвольную ўвагу). Дэфектолаг называе геметрычныя фігуры, а выхаванец павінен паказаць геметрычную фігуру па назве (круг, квадрат, трохвугольнік, прамавугольнік).

Практыкаванне “Геаметрычныя фігуры і іх сябры” (замацаваць уменне супастаўляць аб’ёмныя і плоскія геаметрычныя фігуры)

Д/г “На якую фігуру падобны прадмет” (фарміраваць уменне супастаўляць прадметы і геаметрычныя фігуры).  Работа на камп’ютары (ЛёрнінгАпс).

Фізкультхвілінка

2 хлапка над галавою

2 хлапка перад сабою

Дзве рукі за спіну спрачам

І на дзвюх нагах паскачам

(паўтарыць 2 р.)

Кінезіалагічныя практыкаванні

“Перакросныя рухі рукамі” (з кубікамі)

Практыкаванне “Лагічныя блокі Дзьенэша” (1. практыкаваць у выбары прадметаў па ўзоры (схема пабудовы); 2. практыкаваць у пабудове па славеснай інструкцыі)

Работа у сшытку (с.29) Абвясці вялікі круг, маленькі трохвугольнік.

Д/г “Форма прадметаў” (на развіццё зрокавага ўспрымання, адвольнай увагі, лагічнага мыслення, дыферэнцыяцыя фігур па колеру і форме). Выхаванец выбірае прадметы пэўнага колеру і формы і кладзе на патрэбнае месца.

Рэфлексія

Выхаванцу прапануецца паказаць смайлік які падыходзіць да яго настрою у канцы занятку

Вынік занятку

Уручэнне медалі за работу на занятку