Көктем аруы - 2024

«Көктем аруы – 2024

------------------

Жүргізуші: Құрметті ата-аналар, ұстаздар, оқушылар, сайысқа қатысушы арулар. Сіздерді көктем мерекесі ұлыстың ұлы тойы наурыз мерекесімен құттықтаймын. Көктемнің шуақты күндеріндей, сан-алуан гүлдердей құлпырып жайнап жүре беріңіздер!

Жүргізуші: Армысыз, әлеумет, кеш қонағы

Бүгін бізде мереке аса мәнді!

Қуанып зер салайық, ей халайық!

Аруларды қошеметпен қарсы алайық!

Мың бұралған арулар билей басып.

Келеді міне ортаға толқып-тасып,

Аруларын сыйлаған халқым менің

Көңілді қошеметпен қол соғайық!

«Қазақ аруы»-Жазира Ләззат әні.  МУЗЫКА

Сайысқа қатысушы аруларымызды ортаға шақырамыз.

2 «а» сынып аруы: Бекжасарова Айару

2 «а» сынып аруы: Джексенбай Адина

3 «а» сынып аруы: Боранбаева Айару

3 «а» сынып аруы: Қабдеш Медина

4 «а» сынып аруы: Абишева Айша

4 «а» сынып аруы: Нұрахмед Дина

Жүргізуші: Әділдікпен баға берер аруға

Әділдікпен қара қылды жаруға

Алқасын қазылардың біз сайлайық

Ақ аруды талдап бүгін алуға,-деп бүгінгі сайысымызға баға берер қазылар алқасымен таныс болайық.

«Наурыз көктем»- музыкасы

Әділ-қазылар:

1.

2.

3.

Ал, енді қатысушы аруларымызды сахна сыртына шығарып салайық.

(Қыздар сахна сыртына шығады)

Жүргізуші:

Сайыс  5  бөлімнен тұрады:

1. Өзін-өзі таныстыру

2. Мақал – мәтелдің жалғасын тап.

3. Зерделінің ойы озық (сұрақтарға жауап беру, жұмбақ шешу).

4. Өнерлі өрге жүзер (ән, би, мәнерлеп оқу, сурет салу).

5. Сән үлгісін көрсету .

- Ендеше сайысымызды бастайық.

1-бөлім.

Жүргізуші:

Ақ арулар келіп жетті танысуға,

Бойындағы бар дарынды дарытуға,

Қорықпастан сахнаға келіп жетті

Әдеппенен, ізетпенен танысуға,-дей келе сайысымыздың 1-бөлімі «Өзін-өзі таныстыру»

(Бұнда аруларымыздың тіл көркемдігі және сырт келбеті, жүріс-тұрысы сынға түседі).

«Үкілі кәмшат» музыкасы

1 ару:       Бекжасарова Айару өзін таныстырады

2 ару:       Джексенбай Адина

3 ару:      Боранбаева Айару

4 ару:     Қабдеш Медина

5 ару:     Абишева Айша

6 ару:     Нұрахмед Дина

2- бөлім

Жүргізуші: Арусыздар таудай биік талабың

Қызысыңдар еркін-өскен даланың

Ал, қанекей мүдірмеңдер бұл сында

Мақал айту қыздар үшін қиын шаруа болып па?

(Мақал- мәтелдің жалғасын табу.  Кім бірінші жалғасын табады.)                                                       

                           *

1.Әдепті бала – арлы бала,

(Әдепсіз бала – сорлы бала.)

                           *

2.Отансыз адам — ормансыз бұлбұл.

                           *

3.Оқусыз білім жоқ,

Білімсіз күнің жоқ.

                        *

4.Білегі күшті бірді жығады,

Білімі күшті мыңды жығады.     

                      *

5.Туған елдей ел болмас,

Туған жердей жер болмас

                 *

6. Еңбектің наны тәтті,

Жалқаудың жаны тәтті.

«Қазақ қызы әдемі» музыка

3-бөлім.

Жүргізуші: Ақылдылық қыздарға жарасады,

Көзі ашықпен бәрі де санасады.

Келесі сұрақ-жауап сайысында.

Сыналар білімі мен парасаты,- дей отырып,келесі кезекте сұрақтарға жауап береміз және жұмбақ шешеді  (3 сұрақ, 2 жұмбақ)

«Қазақ қызы» музыка

Бекжасарова Айару

     1.Жылдың төрт мезгілі (қыс, көктем, жаз, күз)

2.Қазақстанның Президенті кім? (Қ.К.Тоқаев)

     3.Білім, оқу, жазуды үйретуші адам? (Ұстаз)

Жұмбақ

Білімнің дәнін тереді,

Балаға тәлім береді.   ( ұстаз )

Қабат-қабат қаттама,

Ақылың болса аттама. (кітап)

-------«Қазақ қызы» музыка

Джексенбай Адина

1.Науқас адамдарға көмек беруші, емдеуші адам? (Дәрігер).

2. Қойдың төлі? (қозы).

3. Сүттен жасалатын тағам? (айран, ірімшік,қаймақ,май).

Жұмбақ

Тырс-тырс тамады,

Сайға қарай ағады. (жаңбыр)

Жаңбыр жауып басылды,

Аспан шайдай ашылды.

Қызыл,сары,жасылды,

Көкте бір зат асылды. (кемпірқосақ)

---------«Қазақ қызы» музыка

Боранбаева Айару

1.Әйгілі күйшісі ? (Дина Нүрпейісова).

2.Тай, құлынның анасы? (Бие)

3.Ең зор байлық (денсаулық)

Жұмбақ

Дәмін татсаң –тәтті-ақ,

Түсін көрсең- әппақ. (қант)

Үш көзді батыр

Жолды аңдып жатыр. (Бағдаршам)

-----------«Қазақ қызы» музыка

Қабдеш Медина

1.Мойынға тағатын әшекей бұйым (алқа)

2. «Үш бақытым» өлеңінің авторы кім? (Мұқағали Мақатаев)

3.Ас пісіруші маман адам? (Аспаз)

Жұмбақ

Орманда- тұрағы

Тоқ-тоқ етіп тұрады. (тоқылдақ)

Қолы жоқ сурет салады,

Тісі жоқ тістеп алады.(Аяз)

------------«Қазақ қызы» музыка

Абишева Айша

1.Еттен жасалатын тағам? (Бесбармақ).

2. Ұлттық ойындарды ата. (қыз қуу, алтыбақан, ханталапай, арқан тартыс,ақ серек-көк серек)

3. Төрт түлік малды ата.(жылқы, түйе, сиыр, қой-ешкі)

Жұмбақ

Өзі ширақ, өзі қу,

Жүрген жері айқай-шу. (Түлкі)

Көреді бәрін өзгенің,

Көрмейді бірақ өздерін (Көз)

----------«Қазақ қызы» музыка

Нұрахмед Дина

      1.Қазақ әйелдерінің сәндік әшекей бұйымдары? (сырға,білезік, жүзік, сақина, шолпы, алқа, қапсырма, шашбау, бойтұмар, түйреуіш, белбеу).

      2. Қазақтың ішекті музыкалық аспабы (домбыра)

      3.  Абай Құнанбаевтың әжесі? ( Зере).

Жұмбақ

Аспанда жүзеді,

Қанатын қақпайды.

Жерде де жүреді,

Бауырлап жатпайды. (Ұшақ)

Таңмен көзін ашады,

Әлемге нұрын шашады. (Күн)

------------------- « Көктем вальсі» музыка

4-бөлім.

Жүргізуші: Өнер-білім тапқырлықтың тарланы

Еңбектегі әріптестер мақтаны

Өнеріңді ортаға сал, сайысқа

Өнер көрсет құрбылармен жарыс та,-дей келе өз өнерлерін ортаға саламыз.

-------«Қыздарға әсемдік жарасады» Айгерім Қалаубаева

1 ару:       Бекжасарова Айару – Би «Тоқтама биле»

2 ару:       Джексенбай Адина  – Би «Домбыра биі»

3 ару:      Боранбаева Айару-   Би «Мир сладостей»

4 ару:     Қабдеш Медина – ән Қош келдің, төрлет Наурызым»

5 ару:     Абишева Айша      Видеоролик «Сурет салу-өнерім»

6 ару:     Нұрахмед Дина Ән «Мен тәуелсіз қазақтың қызымын»

«Қыздар, қыздар» музыка

5-бөлім.

Жүргізуші: Сымбатына сән киім жарасатын,

                    Аспандағы айнамен таласатын

                    Өнерлеріне сәні сай келіп тұрған

                   Аруларға қызығып қарасын деп-келесі сайысымыз сән үлгісі.

«Қыз сыны» Марат Қарабаев музыкасы

2 «а» сынып аруы:       Бекжасарова Айару

2 «а» сынып аруы:       Джексенбай Адина

3 «А» сынып аруы:      Боранбаева Айару

 3 «А» сынып аруы:     Қабдеш Медина

4 «А» сынып аруы:     Абишева Айша

4 «А» сынып аруы:     Нұрахмед Дина

Жүргізуші: Барына риза болсын көрермендер,

Көрсетті өнерлерін жас өрендер.

Осымен сайысымыз аяқталсын

Қазылар берсін енді шын бағасын.

Әділ-қазыларға  сөз береміз.

 Әділ-қазылар шешімін шығарғанша  концерттік номерлер.

2 « А» сынып оқушысы Қажмұхамет Айсұлтанның орындауында ән  «Мен қазақпын»-------------

4 «А» сынып оқушылары «Қазақстаным Отаным» Тілектес Нұрислам, Ғабдұлмүтәліп Ахмад------------