Конспект открытого урока по родному (лезгинскому) языку на тему: «Кардин тегьердин обстоятельства».

Муниципальное казённое общеобразовательное учреждение

«Кучхюрская СОШ»

Открытого урока по родному (лезгинскому) языку:

Учитель родного (лезгинского) языка и литературы: Рзакова Д. Г.

Тарсунин тема: Кардин тегьердин обстоятельство.

Тарсунин мана:1.Кардин тегьердин обстоятельстводикай чирвилер гун.

                             2.Аялрин ч1ал гегьеншарун.

                                    3.Дидедин ч1алал рик1 алаз вердишарун.

Тадаракар: лезги ч1алан ктаб, карточкаяр, таблицаяр.

                      Тарсунин финиф.

1.Тарс тешкил авун.      

·        Ассаламу алейкум.

·        Классда вуж ава? Вуж авач?

·        Классдин дежурный вуж я?

·        К1валин к1валах вуч тир?

·        Аялар, куьн тарсуниз гьазур хьанвани?

·       Ша чна чи тарс алатай тарс тикрарунилай башламишин.

2.Алатай тарс тикрарун.

Тарс тешкил авурдалай кьулухъ алатай тарсарай суалар гуда.

Учитель: Аялар, квез предложенидин гьихьтин членар чида?

Ученик: Предложенидиз вири вад член ава: подлежащее, сказуемое, дополнение, определение, обстоятельство.

Учитель:Обстоятельство чна квез лугьуда?

Ученик: Сказуемидалди лагьанвай кар, агьвалат, гьерекат жезвай тегьер, вахт, чка, себеб, мурад къалурдай ва гьик1? гьина? мус? вучиз? ва маса суалриз жаваб гудай предложенидин члендиз обстоятельство лугьуда.

Учитель: Квез обстоятельстводин гьихьтин жуьреяр чида?

Ученик: Обстоятельствояр са шумуд жуьре ава: кардин тегьердин, мураддин, вахтунин, себебдин, чкадин.

3.Ц1ийи тарсунин тема ачухарун.

Учитель: Аялар, чаз алатай тарсуна акуна хьи, предложенида кар гьихьтин гьалара жезват1а, гьам къалурдай кьвед лагьай дережадин члендиз обстоятельство лугьуда.

Ибурни чпин метлебдиз килигна вад жуьре ава.

- Куь рик1ел гьихьтин жуьреяр алама?

Ученик:Кардин тегьердинбур, вахтунинбур, чкадинбур, себебдинбур, мураддинбур.

Учитель: Гила куьне доскадал кхьенвай и предложенияр к1ела, к1аникай ц1ар ч1угунвай гафариз фикир це ва суалар эциг.

-Ученикри доскадилай и предложенияр к1елда.

  1.Къекъвезва зун уьтквемдаказ чилел зи.

  2.Чи ватандин жегьилар шаддаказ ва бахтлудаказ яшамиш жезва.

Учитель: И предложенийрай аялар, квез аквазва хьи,к1аникай ц1ар ч1угунвай гафари-членри гьик1?, гьи саягъда?- лугьудай суалриз жаваб гузва.

Ак1 хьайила, абур вири гьа предложенйра кардин тегьер къалурзавай обстоятельствояр я.

-Кардин тегьердин обстоятельстводи предложенида жезвай кардин тегьер къалурда, абуру гьик1? гьи тегьер? Гьи саягъдалди? Суалриз жаваб гуда.

-Кардин тегьердин обстоятельствояр квез аквазвайвал и предложенийра тегьердин наречийрикай, тегьердин деепричастийрикай , существительнийрикай, тикрардин числительнийрикай ва «хьиз» к1ус галаз жуьреба-жуьре ч1алан паярикай жезва.

4. К1елай тарс мягькемарун.                                                     – Аялар, гила куьне и доскадал кхьенвай предложенияр тетрадриз акъуд ва винел суалар кхьихь.

-Гила куьне суал-жавабдин рекьелди са шумуд кардин тегьердин обстоятельствояр квай предложенияр туьк1уьра.

-Муаллимди куьмек гуда. 

Карточкайрай к1валах:

-Аялар кьве вариантдиз пайда ва аялрив карточкаяр вугуда.

Ктабдай к1валах:

78-тапшуругъ чин 51.Текст кхьида.Кардин тегьердин обстоятельствояр чара ийида.

81-тапшуругъ чин 52.Агъадихъ галай прилагательнийрикай наречияр туьк1уьрда ва абур кутуна предложенияр кхьида.

К1валин к1валах:

&39.Кардин тегьердин обстоятельство.80-тапшуругъ.

Тарсунин нетижаяр кьун.

1.Кардин тегьердин обстоятельство квез лугьуда?

2.Кардин тегьердин обстоятельстводи гьихьтин суалриз жаваб гуда?

3.Квез мад вуч суалар ава?

4.Куьн сагърай!