Конспект урока "Грибы"

Тэма: Грыбы, іх разнастайнасць.

Мэта: плануецца, што да канца ўрока вучні будуць умець адрозніваць найбольш распаўсюджаныя грыбы па іх характэрных прыкметах.

Задачы:

·        засваенне навучэнцамі ўяўлення аб грыбах як асобнай групе жывых істот, якія не адносяцца да раслін і жывёл і якія маюць асаблівую будову;

·        стварэнне ўмоў для аперыравання канкрэтнымі ўяўленнямі аб найбольш распаўсюджаных ядомых і ядавітых грыбах на ўзроўні іх пералічэння і апісання асобных прыкмет;

·        фарміраванне  неабходнасці ў выкананні правіл бяспекі пры  зборы грыбоў і ўжыванні іх, беражлівых адносінах да ўсіх жывых істот;

·        развіццё ўменняў параўноўваць, аналізаваць, рабіць вынікі.

Абсталяванне: малюнкі, фотаздымкі, слайды з адлюстраваннем грыбоў, картачкі з тэкстам, заданнямі, магніты, камп'ютар.

Ход урока 

І.Арганізацыйны момант

СЛ.1

         -Добры дзень! Вітаю вас, дарагія дзеці! Звярніце ўвагу на свае рабочыя месцы, ці ўсе падрыхтаваліся? Жадаю  вам поспехаў і цудоўнага настрою!

 Сёння на ўроку мы пазнаёмімся з  новымі таямніцамі прыроды. Уявіце, што вы  сонечным днём адправіліся ў лес.

- Ой, паглядзіце, каго мы сустрэлі ў лесе?

         -Мы сустрэлі вожыка, які ідзе на дзень нараджэння да сваёй сяброўкі. Ён падрыхтаваў вам шмат цікавых заданняў, але спачатку праверым дамашняе заданне.

ІІ. Праверка дамашняга задання

-Якое было зададзена ў вас заданне?

Пытанні:

-Хто мне назаве, як гучала тэма мінулага ўроку?

-Хто мне назаве назвы кветак, якія адносяць да дэкаратыўных? Для чаго выкарыстоўваюць дэкаратыўныя кветкі?(для складання букетаў)

-Як трэба даглядаць дэкаратыўныя расліны?

-Чаму нельга паліваць халоднай вадой?(карэнне дрэнна ўсмоктвае)

-Малайцы!

ІІІ. Знаёмства з новым матэрыялам. Уступная гутарка

Паглядзіце, на дошцы сблыталіся літары. Хто мне дапаможа разгадаць слова?

ГРЫБ                        

-       Можа хто з вас здагадаўся, як будзе гучаць тэма нашага ўрока? СЛ.1

-Сення на ўроку мы пазнаёмімся з новай тэмай, якая мае назву “Грыбы і іх разнастайнасць”.

Наш сябар Вожык ведае шмат пра грыбы.

Вось і мы з вамі сёння на ўроку даведаемся, на якія групы падзяляюцца грыбы, пазнаёмімся з будовай грыба, з правіламі збору грыбоў.

 

Работа з кластарам

-Да якой прыроды адносяцца грыбы? Жывой ці нежывой?

-Правільна, да жывой.

–Чаму?

-Яны дыхаюць, жывяцца, растуць, размнажаюцца і паміраюць. Але грыбы адрозніваюцца ад раслін і жывёл. Таму іх вылучылі ў асобную групу жывых арганізмаў.

 

 

На Зямлі шмат розных грыбоў.

-Бачылі цвіль(плесень) на кавалачку хлеба, агародніне, варэнні? Гэта грыбы.

-Дрожджы, якія людзі выкарыстоўваюць для вырабу квасу і выпечкі хлеба, — таксама грыбы.

-Але вам больш вядомыя грыбы, якія растуць пад дрэвамі.

Дзе іх можна сустрэць? Іх можна сустрэць у лесе і парку.

Работа па падручніку.

Вожык прапануе вам пазнаёміцца з будовай грыба. А для гэтага разгарніце падручнік на с.71.

ІV. Праца па тэме ўроку

-         Разгледзьце малюнак. З якіх частак складаецца грыб? СЛ. 2

Шапачка - верхняя частка грыба. Яна падобная на капялюшык. Затым ножка. Грыбніца - размяшчаецца ў глебе на глыбіні 5-12 см. Яна можа жыць доўга, калі беражліва адносіцца да яе месцазнаходжання. Грыбніца патрэбна для харчавання грыба, развіцця і яго росту.

-         А як вы думаеце, ці лёгка знайсці ў лесе грыбы? Асноўную частку грыбоў мы не бачым. Яна схавана ў зямлі.  Грыбніца прыкрыта імхом.

-         Як вы лічыце, якую карысць прыносяць грыбы ў прыродзе? А знайдзем адказ мы на с.72.

-         А вы збіралі грыбы?

Вы, напэўна, не раз ад дарослых чулі прыказку:

"Усякі грыб у рукі бяруць, але не ўсякі ў кошык кладуць."

-         Як зразумелі прыказку? Чаму не ўсякі грыб ў кошык кладуць? СЛ.3

-         Вось мы з вожыкам зараз і праверым, якія вы ўважлівыя грыбнікі. Ён прапануе вам назбіраць у кожык грыбоў, але звяртайце ўвагу, будуць сустракацца розныя грыбы! СЛ.4

-         На якія групы мы можам падзяліць нашы грыбы?

-         Ядомыя і ядавітыя грыбы. СЛ.5

-         Што вы можаце сказаць пра ядавітыя грыбы? Ядавітыя грыбы небяспечныя для здароўя чалавека. Іх трэба ўмець адрозніваць ад ядомых грыбоў. Мабыць,ведаеце назвы ядавітых грыбоў?

-         Мухамор чырвоны. Бледная паганка

-         У мухамора чырвоная або чырвона-аранжавая шапачка з белымі плямамі на паверхні. Ножка белая. Мухамор вельмі атрутны. Яго атрута дзейнічае праз 2 гадзіны.

-         Бледная паганка змяшчае яд. Бледная паганка падобная на шампіньён. Але ў шампіньёна пад шапачкай ружовыя ці фіялетавыя пласцінкі. У бледнай паганкі пласцінкі заўсёды белыя.  Шапачка ў бледнай паганкі  зеленаватая.  Запомніце! Бледную паганку нельга зрываць, зразаць нажом і нават лепш не дакранацца да яе!

-         Несапраўдныя апенькі трэба ўмець адрозніваць ад сапраўдных. Шапачкі ў сапраўдных больш яркія, гладкія, на іх няма белаватых лустачак. Цела несапраўдных апенькаў мае непрыемны пах.

-         Фізкультхвілінка "Вожык".

V. Замацаванне вывучанага матэрялу.

- А ці ведаеце вы, як сапраўдныя грыбнікі збіраюць грыбы? Ці ёсць у іх памочнікі-падказкі? (Ёсць, гэта дрэвы)

- Так. Менавіта дрэвы, таму што многія грыбы растуць пад пэўнымі дрэвамі, «сваімі» дрэвамі. Вось менавіта там іх і трэба шукаць. Зараз мы з вамі праверым, ці добра адрозніваеце грыбы. А дапамогуць нам у гэтым загадкі.

СЛ. 8

Шэранькія шапкі, рабенькія ножкі.

Пад бярозай растуць. Як іх клічуць?

(Падбярозавікі)

- Як вы даведаліся грыб? Па якіх прыкметах?

Я ў чырвонай шапачцы расту

пад прыгожаю асінай,

мяне пазнаешь за вярсту,

завусь я ...

(Падасінавік )

- Па якіх прыкметах даведаліся грыб? У гэтага грыба капялюшык цёмна-чырвоная (або чырванавата-карычневая), ножка моцная, доўгая, стройная, пакрыта цёмна-шэрымі лускавінкамі.

СЛ.9

Цар грыбоў на тоўстай ножцы,

Самы лепшы для лукошка.

Ён галаву трымае смела,

Таму што грыб ён ...

(Белы грыб)

- Побач з якімі дрэвамі расце белы грыб? Што вы яшчэ ведаеце пра яго?

- Белы грыб - самы каштоўны па пажыўных уласцівасцях. У грыба белая тоўстая ножка і вялікі выпуклы карычневы капялюшык. На зрэзе грыб не цямнее - адсюль і яго назва.

СЛ.10

Сядзіць дружная семейка,

На пні, а не  на лаўцы.

Парасоны ў руках,

Калечкі на плячах.

(Апенькі)

- Апенькі - ядомыя грыбы. Смачныя ў смажаным, салёным, марынаваным выглядзе. Вавёркі нарыхтоўваюць іх на зіму.  

-Але ёсць сапраўдныя апенькі , а ёсць ядавітыя. Звярніце ўвагу! СЛ.11

Рашэнне сітуацыйнай задачы:

         Коля і Саша збіралі грыбы. Коля вырываў грыбы з зямлі, бо забыўся нож. А Саша зразаў ножыкам кожны грыбок асцярожна, бліжэй да шапачкі.

-         Хто з хлопчыкаў правільна збірае грыбы?

Якія памылкі дапусцілі хлопчыкі?

Фізкультхвілінка "Ядомы - ядавіты".

Калі я называю ядомы грыб, вы пляскаеце ў далоні. Калі называю ядавіты грыб - тупаеце нагамі.

Лісічкі, мухамор, апенькі, сыраежкі, лісічкі ,рыжык,  бледная паганка, несапраўдныя апенькі, шампіньён, падасінавік, падбярозавік, баравік.

-         Пра якія яшчэ правілы трэба памятаць кожнаму грыбніку?СЛ. 12

-         Работа па падручніку с. 74. Зачытайце.

Правілы збору грыбоў

Дзеці, а таксама грыбы, якія растуць паблізу аўтамабільных дарог, усмоктваюць шкодныя рэчывы, газы машын і самі становяцца атрутнымі.

Грыбы, занесеныя ў Чырвоную кнігу, рэдка сустракаюцца ў прыродзе. Калі ўбачыце такі грыб, памятайце: зрываць яго нельга. Пажадана яго сфатаграфаваць. Запомніце месца знаходкі і паведаміце пра гэта ў таварыства аховы прыроды.

VІ. Падвядзенне вынікаў

Давайце  ўспомнім:

-          З якой тэмай мы сення пазнаёміліся?

-         З якіх частак складаецца грыб?

-         Чаму грыбы адносяць да жывых арганізмаў?

-         На якія групы дзеляцца грыбы? Што даведаліся пра бледную паганку, пра мухамор і несапраўдныя апенькі?

-         Пра што трэба памятаць, збіраючы грыбы?

VІІ. Дамашняе заданне. Рэфлексія

         С.71-75,(прачытаць, адказаць на пытанні) Падрыхтаваць 1  загадку пра грыб.

Вожык падрыхтаваў для вас падарункі (грыбкі), на якіх вы знойдзеце дамашняе заданне.

Прыём рэфлексіі «Сняжынка»

 Дзецям раздаюцца сняжынкі 2 колераў – белыя і блакітныя. Яны прыляпляюць сняжынкі: белыя - я лічу, што зрабіў усё на выдатна, у мяне добры настрой;

блакітныя - не справіўся з заданнем, у мяне сумны настрой.

- Вожыку з вамі спадалася. Ён не спазніўся на день нараджэнне да сваіх сяброў. Дзякуй   за  ўрок!

 

 

 

 

 

 

 

 

 

 

 

 

 

 

 

 

 

 

 

 

Коля і Саша збіралі грыбы. Коля вырываў грыбы з зямлі, бо забыўся нож. А Саша зразаў ножыкам кожны грыбок асцярожна, бліжэй да шапачкі.

1)  Хто з хлопчыкаў правільна збірае грыбы?

2)  Якія памылкі дапусцілі хлопчыкі?

 

 

лісічкі	мухамор	сыраежкі
апенькі	рыжык	бледная паганка
несапраўдныя апенькі	шампіньён	падбярозавік
баравік	падасінавік

 

 

 

 

 

 

 

 

 

 

 

Г	Р	Ы
Б	Ы