Конспект урока "Заимственные слова"

Класс   6

Предмет  родной (удмурт) кыл

Дыр 18.11.2016

Урок

1-ти слайд. Тема: Бускель  калыкъёслэн вераськонысьтызы асэстэм кылъёс.

Пуктэм ужпумъёс: асэстэм кылъёс сярысь валан сётоно, соослэсь аспортэмлыксэс усьтоно, удмурт кылэ пыремзылэсь мугъёссэ,  пиналъёслэсь вераськон но гожъяськон кылзэс азинтоно но волятоно.

Личностной результатъёс: темая мылкыдзэс шараяло, удмурт кыллэсь аспортэмлыксэ, узырлыксэ усьто.

Метапредметной результатъёс: дышетисен чош урокын ужмупъёс пукто; портэм пумо текстэн ужаса, кулэ ивортэт утчало, тодэмзэс кластер пыр шараяло, сое класс азьын иворто; тиркымен тупаса-кенешыса ужало, ог-огзылы юрттэт сёто, огъя малпанэ вуо; быдэстэм ужзылы дунъет сёто, визьпумъянъёс лэсьто.

Предметной   результатъёс:  асэстэм кылъёсын тодматско, соослэсь аспортэмлыксэс сэртто-пертчо; асэстэм кылъёслэсь удмурт кылын кутиськемзэс эскеро, удмурт кыллэсь аспортэмлыксмэ чаклало.

Дышетонлэн  амалъёсыз (методъёсыз): тодон-валан  сётонъя  та  урокын  кутисько  словесной  амалъёс -   валэктон,         мадён (объяснение, рассказ, беседа),  дидактика   ласянь  -  выль  тодон-валан  сётон  урок.

Урокын  кутэм  тирлык:  компьютер возьматон (презентация), ноутбук, мультимедийный проектор, заданиосын карточкаос.

1-ти слайд. Уроклэн мынэмез: 1.Кутскон люкет.

Зечбуресь, пиналъёс!

Урокмес кутскиськом.

Мылкыдды туннэ кыче?

Ойдолэ ог-огмы шоры учком

пальпотом,

Куноос шоры учком

зеч мылкыд сизем.

Веськрес писпуос кадь пуком.

Пельёмес сак возём.

-дасесь-а пельёсты? (дасесь)

-Соку ойдолэ дежурнойез кылзом.

-Тау, пуксьы.

2-ти слайд. 3.Выль тема бордын ужан.

Дышетись. Алигес асьмеос тест гожим, школаын сиськонниысь сиёнъёслы дунъет сётим. Одигаз юанын гожтоно вал мар, тон эшшо сиысалыд на? Анализ лэсьтыкум мон (3-ти слайд)Фаст-фут   кылэз ой вала.  Кызьы малпаськоды, удмурт но зуч кылэз тодисько ке но, малы мон ой вала со кылэз? (кылэмды ой вал, вераськонады уд кутиське, реклама адзылэмды ой вал)

4-ти слайд. Дышетись.  Слайд вылын зуч писательлэн но критиклэн В.Г.Белинскийлэн кылъёсыз: «… котькуд калык бускелезлэсь асэстэ сое, маиз овол, нош сётэ созэ, маиз уг луы бускелезлэн»

В.Г.Белинскийлэн верамез тупа-а асьмелэн учырмылы? Малы?  (Тупа, ми но вераськом асэстэм кыл сярысь).

5-ти слайд.Дышетись. Озьыен, кыче ужпумъёсты асьмеос туннэ эскером? (асэстэм кылъёслэсь аспортэмлыкъёссэс, вераськонамы кутиськемзэс).

Ужез радъян люкет. Кызьы радъяломы ужмес? (учебникен, кылбугорен, ноутбукен ужалом).

6-ти слайд. Утчаськон-эскерон люкет.  Дышетись. Нош асьмеос малпаським ке ожытак? Ти сямен кыче кылъёсты асэстэм кылъёс шуо?  (Нылпиос асьсэос асэстэм кылъёслы валатон сётыны тыршо).

7-ти слайд. Дышетись.Ойдолэ, асьмемыз эскером: слайд вылысь сётэм правилоез лыдзом но кылем урокын лэсьтэм кластермес  ватсалом.(листоксы  вылэ ватсало) Правило: удмурткылэ мукет кылъёсысь пырем кылъёсты асэстэм (заимствованной) кылъёс шуо.

8-ти слайд.Дышетись. Словарады гожтиськом асэстэм-заимствованной

-Али слайд вылысь текстэз лыдзом но кластеръёстэс примеръёсын узырмытом.

9-ти-12 слайд. Дышетись.Чукна сиськыкумы, асьмеос, чик но сое шодытэк, трос портэм кылъёсын вераськиськомы. Асьмелы кофе лэзьыны куриськомы но араб кылэз вераськомы. 10-ти слайд.Кофе поламы сакыр пониськомы- вашкала инди кылэз кутиськомы, малы ке шуоно сакыр инди кылысь вуэмын. 11-ти слайд.Нош кин чукна чай юэ, со китай кылын вераське: чай- озьы вашкала дырысен уйпал Китайын чай писпуэз но солэсь куаръёсссэ шуо. 12-ти слайд.Чайдэс кексэн ке юиськоды- англи кылын вераськиськоды, мармеладэн ке- португальской кылын, нош бутербродэн ке юиськоды-немец кылын.

Кыче огъян лэсьтыны быгатиськом та текстъя? (Асьме кыламы пырем кылъёс туж портэм интыосысь. Тини кыче трос иностранной кылъёс тодиськом вылэм асьмеос.)

Кызьы малпаськоды тросэз та кылъёс кыче кыл пыр вуиллям асьме доры? (зуч) Кызьы малпаськоды, ма муген вуо асьме доры мукет калыклн кылъёсыз.

13-ти слайд.Дышетись.  Озьыен, асэстэм кылъёслэн дуннезы, пиналъёс, туж паськыт. Тросэз соос вуиллям асьме доры зуч кыл пыр. Сои ник удмурт кылэ пыремын бигер но зуч кылъёсысь асэстэм кылъёс. Тодосчиослэн лыдъямзыя бигер кылысь ог 800 ёрос кылъёс асэстэмын, нош зуч кылысь- ог 1200 ёрос. Талы туж паймонэз овол. Малы? Вашкала дырысен ик удмурт калык бигеръёсын но зучъёсын артэ улэ, соосын кусып возе.  Удмурт кыл сярысь верано ке, 1983-ти арын поттэм «Удмурт-зуч словарьын» ог 35 сюрс гинэ пыртэмын, 1956-ти арын поттэм «Зуч-удмурт  словарьын» ог 40 сюрс зуч кылъёс берыктэмын удмурт кылэ. Та словаръёс удмурт кыллэсь зэмос узырлыксэ уг возьмато на. Солэн словарной составез трослы  бадзым но узыр. Вераськонысь но гожъяськонысь уноез кылъёс та словаръёсэ пыремын овол.

(Али кластердэс узырмытиськом)

Али учке слайд вылысь кузэн сётэм кылъёсты но малпанъёстэс вералэ.

14-ти слайд.

(портэм кылъёсысь удмурт кылэ пырыса, куд-огез асэстэм кылъёс куспазы синонимъёсм кылдытыны быгато; уйпал удмуртъёс тросгес зуч кылъёсты асэсто, нош лымшор удмуртъёс-бигер кылъёсты.)

15-ти слайд. Дышетись. Число гожтиськом.

Парта вылады сётэм текстэз вариантъя гожтэ но асэстэм кылъёссэ пусъе.  Малы меда та кылъёсты удмурт калык асэстэм?

Пиналъёслэн вариантъя гожъям текстъёссы:

1-ти вариант. Торнадо, цунами, тайфун, ураган, смерч- калыклы шудтэм учыр вайись толъёс. Соослэн жоглыксы туж бадзым луэ. Портэм кунъёсын та толъёсын сэрен уно куашкатонъёс луылизы ини.

   Самой бадзым катастрофа вылэм 1970-ти арын Ганг шур выжыысь шормучъёсын. Соку лек тол отын улись калыкез бырон югдуре вуттиз. («Зечбур» газетысь.)

2-ти вариант. Осьминогез шахмат пул вылэ понизы но, со син куспын кечато луиз. Собере пул вылэ портэм фигураос суредазы- сыче ик суредъёс кылдизы солэн ку вылаз но…

   Осьминоглэн трос утиськон амалъёсыз. Кылсярысь, со туссэ воштыны быгатэ. Со сяна, чернилаен «ыбылиське». Ачиз чернилаез сьоры занавес сьоры кадь ватиське. («Зечбур» газетысь.)

16-ти -ти слайд . Дышетись.  Нош али  слайд вылэ учкыса котькудиз аслэсьтыз ужзэ эскероз.

17-ти слайд. Оценка пукто.

Дышетись. Али туркымен ужалом но эскером, ма муген но кызьы удмурт кылэ вуо асэстэм кылъёс. (Текстэн ужам бере котькуд группа малпанъёссэ шара класс азьын вера).

Практической люкет.

18-ти слайд. Дышетись. Орфографической разминка.

19-ти слайд. Дышетись.Экеры астэ!
Хоккей, теннис, кагаз, килограмм, троллейбус

Футбол, тонна, километр, яблок, аппарат

Котькуд шонер кыллы 1 балл.

20-ти слайд. Дышетись. Ойдолэ али туркымен ужалом. Асьмеос туннэ трос асэстэм кылъёсты эскерим, удмурт кылэ вуэмзылэсь мугъёссэ тодим. Нош табере зуч кыл пыр асэстэм кылъёсты кутыса, «Милям шулдыр сизьыл  каникулмы» темая текст кылдытом. (Ужамзы бере котькуд группа текстэз класс азьын лыдзе.) 5 минут сётиське.

21-ти слайд. Доре уж.

1.     Гожтоно 10 кыл, кыче эшшо асэстэм кылъёсты ти вераськонады кутиськоды на. Эскероно, овол медам со кылъёслэн удмурт кылэ берыктэмез.

2.     «Зечбур» газетысь асэстэм кылъёсын 5 предложение гожтоно.

3.     Учебникысь 50-ти бамысь, 82-ти уж.

Кинлэн тросгес тодэмез потэ, со куинь ужез ик быдэстоз шуыса малпасько.

22-ти слайд. Дунъян люкет.

Дышетись. Быдэстимы-а, пиналъёс, пуктэм мугмес? Вань юанъёслы валэктон сётимы-а? (Пиналъёс верало.) Кулэ-а асьмелы асэстэм кылъёс? Малы?

Озьыен, улон азинскемъя кылдо выль техникаос,  малпало портэм выль дисьёс,  выль сиён-юонъёс.  Сои ник асэстэм кылъёс трос луо.

Нош табере вералэ кыче мылкыд кельтиз урок.

Карточкаосын сётэм  кутскем веранъёсты йылпумъялэ:

Мон тоди…

Мон пайми…

Мон валай…

Мон малпасько…

Дышетись. Карточкаосады фамилиядэс гожтэ но мыным сётэ. Мон эсеро но туннэ ужамдылы журналэ дунъет путо. Ти дневникысьтыды учкоды.

Тау! Зеч луэ!