Мамандықтың бәрі жақсы

«Таным» білім беру саласының ұйымдастырылған оқу  қызметі: 

«Жаратылыстану»

Өтпелі тақырып: «Мамандықтың бәрі жақсы» 

Тақырыбы: Біздің ауланы тазалаушы.

Мақсаты: Балаларды ауланы тазалаушының жұмысымен таныстыру, ол қандай жұмыс атқаратынын, еңбек нәтижесін, маңызын түсіндіру. Үлкендердің еңбегін бағалай білуге тәрбиелеу. Жаңа сөздер енгізу. (күрек, сыпырғыш, қоқыс- күрекпен күрейді, сыпырғышпен сыпырады.)

Педагогикалық технологиялар :  (акт )        

Ресурстармен қамтамасыз ету: презентация, күрек, сыпырғыш.

Ұйымдастырылған оқу қызметінің барысы: 

1.      Ұйымдастырушылық  кезеңі     

-          Балалар, бүгін бізге көңіл күйі жоқ ағай келіпті. Ол апай балабақшаның ауласын  тазалап қойса бір бұзақы балалар ластап кетіпті.

-          Балалар бізге балабақшаның ауласын ластауға болады ма?

2. Негізгі бөлім:

        Таңертең далаға шыққаныңызда ауланың сыпырылып, таза тұратынын байқаймыз. Түнде көрген қоқыстар да жоқ. Көшеге шыққаныңызша қаланы айнадай еткен кім? Күні-түні қардан, қоқыстан тазартып, гүл мен талды суарып жүретін жандар – аула тазалаушылар. Аула тазалаушылар біз шырт ұйқыда жатқанда айналаны тап – таза етіп тазалап қояды. Олардың жұмысын жеңілдетіп, яки ауырлатуға ат салысып жүргендердің бірі емессіз бе?

-          Балалар біздің балабақшаның ауласын кім тазалайды?

-          Аула тазалаушының құралдары?

Сергіту сәті:                                                                                   

Қамымызды ойлайды
Тазалайды, жинайды
Құрметтейміз бәріміз
Тазалықшы ағайды

Қимылдық ойын:  «Аула тазалаушы»

Балаларды  ойынға деген қызығушылығын ояту. Үлкендердің еңбегін бағалай білуге тәрбиелеу. Жаңа сөздер енгізу. (күрек, сыпырғыш, қоқыс- күрекпен күрейді, сыпырғышпен сыпырады.) Сөйлеу тілдерін дамыту.

3. Қорытынды: 

- Аула тазалаушы қандай еңбек етеді.
- Ол кісінің қолында қандай құралдар бар.
- Біз өз ауламызды, тұратын жерімізді ластауымыз керек пе?
-Үлкендер еңбегін қалай бағалауымыз керек?